ദുരിതാശ്വാസ സഹായങ്ങളുടെ ഇറക്കുമതി തീരുവയിൽ ഇളവില്ല: വ്യാപക പ്രതിഷേധം

ദമ്മാം: വന്‍പ്രകൃതി ദുരന്തത്തെ നേരിട്ട കേരളത്തിലേക്ക് വിദേശത്ത്​ നിന്നും അവശ്യ വസ്തുക്കള്‍ ഒഴുകിയെത്തു​േമ്പാഴും ഇറക്കുമതി തീരുവ അതിന്​ അണകെട്ടുന്നു​. വൻതുക കസ്​റ്റംസ്​ നികുതിയായി ആവശ്യപ്പെടുന്നതിനാൽ സാധനങ്ങൾ വിമാനത്താവളത്തിൽ കെട്ടികിടക്കുന്ന അവസ്ഥയാണ്​. ഇതിനെതിരെ പ്രതിഷേധം വ്യാപകമാകുകയാണ്​. സൗദിയിൽ നിന്നും മറ്റും കാര്‍ഗോ കമ്പനികള്‍ സൗജന്യമായാണ് ദുരിതാശ്വാസത്തിന്​ ആവശ്യമായ സാധനങ്ങള്‍ നാട്ടിലേക്കു കയറ്റി വിടുന്നത്. കസ്​റ്റംസ് തീരുവയില്‍ ഇളവില്ലാത്തതും ക്ലിയറന്‍സ് നടപടികള്‍ വൈകുന്നതും കൊണ്ട്​ സാധനങ്ങള്‍ ഏറ്റെടുക്കാൻ സന്നദ്ധപ്രവർത്തകർക്ക്​ കഴിയുന്നില്ല.

വൻതുക നികുതി കൊടുക്കണം. പിന്നെ കസ്​റ്റംസ്​ ക്ലിയറൻസി​​​െൻറ നൂലാമാലകളും. ആയതിനാൽ സാധനങ്ങൾ വന്ന്​ വിമാനത്താവളങ്ങളിലും തുറമുഖങ്ങളിലും കുന്നുകൂടുകയാണ്​. ഭക്ഷ്യസാധനങ്ങളും വസ്ത്രങ്ങളും ഗൃഹോപകരണങ്ങളും ഉള്‍പ്പെടെ കണ്ടയ്നര്‍ കണക്കിന് സാധനങ്ങളാണ് വിവിധ ഗള്‍ഫ് രാജ്യങ്ങളില്‍ നിന്ന്​ അയക്കുന്നത്​. ദുരിതബാധിതരെ സഹായിക്കാന്‍ വിമാന മാർഗവും കപ്പല്‍ മാർഗവും അയക്കുന്ന ചരക്കുകള്‍ക്ക് കസ്​റ്റംസ് തീരുവ ഒഴിവാക്കുകയും ക്ലിയറന്‍സ് നടപടികള്‍ ദ്രുതഗതിയിലാക്കുകയും വേണം. ഇക്കാര്യത്തില്‍ കേന്ദ്ര സര്‍ക്കാറി​​​െൻറ അടിയന്തിര ശ്രദ്ധ പതിയണമെന്ന്​ പ്രവാസി ക്ഷേമ നിധി ഡയറക്​ടർ ബോർഡംഗവും നവോദയ കിഴക്കന്‍ പ്രവിശ്യ രക്ഷാധികാരിയുമായ ജോര്‍ജ് വര്‍ഗീസ്‌ ആവശ്യപ്പെട്ടു.