പുത്തുമലയിൽ ദുരന്തമെടുത്തത്​ റാഫിയുടെ വീടും പ്രിയപ്പെട്ടവരെയും

ദമ്മാം: നാട്ടിൽ പെരുമഴ ആർത്തലച്ചു പെയ്യു​േമ്പാ​െഴല്ലാം മുഹമ്മദ്​ റാഫിയുടെ ഉള്ളിൽ ആധിയുടെ നെരിപ്പോട്​ കത്തു കയായിരുന്നു. ഇങ്ങകലെയിരുന്ന്​, പ്രിയപ്പെട്ടവർക്ക്​ ഒരാപത്തും വരു​ത്തരുതേയെന്ന്​ ഉള്ളുരുകി പ്രാർഥിച്ചു. പക് ഷെ വ്യാഴാഴ്​ച വൈകി വന്ന ആ വാർത്ത കവർന്നെടുത്തത്​ ഇൗ പ്രവാസിയുടെ മുഴുവൻ പ്രതീക്ഷകളേയും ആയിരുന്നു. വയനാട്ടിലെ മ േപ്പാടി പുത്തുമലയിൽ ഉണ്ടായ ഉരുൾപൊട്ടലിൽ മണ്ണിനടിയിലായത്​ റാഫിയുടെ പിതാവും വല്യുമ്മയും അമ്മാവനും അദ്ദേഹത്തി​​െൻറ മകനും.
ജ്യേഷ്​ഠ​​െൻറ ഭാര്യാവീട്ടിലേക്ക്​ പോയ ഉമ്മയും ജ്യേഷ്​ഠനും, രണ്ട്​ അനുജന്മാരും ഭാഗ്യത്തി​​െൻറ ബലത്തിൽ രക്ഷപ്പെട്ടു. മൂന്നു കൊല്ലമായി നാടു കാണാനുള്ള സ്വപ്​നവുമായി കഴിയുന്ന മുഹമ്മദ്​ റാഫിക്കിത്​ സഹിക്കാനാവുമോ...? കഴിഞ്ഞ ദിവസവും സ്​പോൺസറോട്​ ചോദിച്ചിരുന്നു, ഞാൻ നാട്ടിൽ പോയക്കോ​െട്ടയെന്ന്​. ​ ‘അൽപം കൂടി കാത്തിരിക്കൂ’ എന്നായിരുന്നു മറുപടി. ഒരു പക്ഷെ നാട്ടിലായിരുന്നെങ്കിൽ ദുരന്തം തന്നെയുമെടുക്കുമായിരുന്നു ^ ഉൾക്കിടിലത്തോടെ റാഫി പറഞ്ഞു.
നാട്ടിൽ മഴ കനത്തു തുടങ്ങിയപ്പോഴേ മനസ്സിൽ ആശങ്കയുണ്ടായിരുന്നു. അപകടം സംഭവിക്കുന്നതിന്​ ഒരു മണിക്കൂർ മുമ്പ്​ വരെ ഉപ്പയുമായി വാട്​സാപിൽ ചാറ്റ്​ ചെയ്​തിര​ുന്നു. ഇവിടെ മഴ കനക്കുകയാണന്നും പേടി​പ്പെടുത്തുന്ന കാലവസ്​ഥയാണന്നും ഉപ്പ പറഞ്ഞു. പിന്നീട്​ ടി.വിയിൽ വാർത്ത കണ്ട്​ നാട്ടിലേക്ക്​ വിളിച്ചു നോക്കു​േമ്പാൾ കിട്ടുന്നുണ്ടായിരുന്നില്ല. തുടർന്ന്​ ജ്യേഷ്​ഠനുമായി സംസാരിച്ചപ്പോഴാണ്​ ഹൃദയം തകർത്ത വാർത്ത അറിയുന്നത്​. വീട്​ നിൽക്കുന്നിടം ഒരു അടയാളം പോലും ​േശഷിപ്പിക്കാതെ പൂർണമായും ഒലിച്ചുപോയി. വീടിന്​ ചുറ്റുമുള്ള എത്ര പേരെ കാണാതായി എന്ന്​ ഇപ്പോഴും കൃത്യമായ വിവരമില്ല. വെള്ളിയാഴ്​ച ഉച്ചയോടെ ഉപ്പയുടേയും അമ്മാവ​േൻറയും മക​േൻറയും മയ്യത്തുകൾ കണ്ടു കിട്ടി. ഇനി വല്യുമ്മയുടെ മയ്യത്തിനായുള്ള തെരച്ചിൽ തുടരുകയാണ്​. രണ്ട്​ കുന്നുകളുടെ ഇടയിലായിരുന്നു ഞങ്ങളുടെ വീട്​. വൈകിട്ട്​ മൂന്നു മണിയോടെ അപ്രതീക്ഷിതമായി ​ ആർത്തലച്ച്​ എത്തിയ മല​െവള്ളം എല്ലാം നക്കിത്തുടച്ചു. അവിടെയുണ്ടായിരുന്ന അമ്പലവും പള്ളിയും എല്ലാം പോയി. എങ്ങനെയെങ്കിലും ഒന്നു നാട്ടിലെത്താൻ കഴിഞ്ഞിരുന്നെങ്കിൽ...? വിതുമ്പലോടെ മുഹമ്മദ്​ റാഫി ചോദിക്കുന്നു. ബേക്കറി ജീവനക്കാരനായ റാഫിയെ മൂന്നു മാസം കൂടി കഴിഞ്ഞ്​ നാട്ടിലയക്കാം എന്നാണ്​ സ്​പോൺസർ സമ്മതിച്ചിട്ടുള്ളത്​. എന്നാൽ ദുരന്തമറിഞ്ഞെത്തിയ വയനാട്​ ജില്ല കെ.എം.സി.സി പ്രവർത്തകർ റാഫിയുടെ സ്​പോൺസറെ കണ്ട്​ സംസാരിച്ച്​ എങ്ങനെയും നാട്ടിലയക്കാനുള്ള ഒരുക്കങ്ങൾ നടത്തുകയാണ്​. റാഫിക്ക്​ പിന്തുണയുമായി കെ.എം.സി.സി ഭാരവാഹികളായ അസീസ്​ വയനാട്​, മുഹമ്മദലി വാളാട്​, റഉൗഫ്​ വാളാട്​, ജമാൽ മീനങ്ങാടി. ഫൈസൽ കൊടുമ, സുബൈർ വാളാട്​ എന്നിവർ എത്തി. ജീവിതത്തിലേക്ക്​ തിരിച്ചെത്തിക്കാനുള്ള മാനസികവും, സാമ്പത്തികവുമായ പിന്തുണയുമായി തങ്ങൾ റാഫി​െക്കാപ്പമുണ്ടാകുമെന്ന്​ ഭാരവാഹികൾ ‘ഗൾഫ്​ മാധ്യമ’ത്തോട്​ പറഞ്ഞു.