കേരളോൽസവം 2017:  ഒരുക്കങ്ങൾ പൂർത്തിയായി  ലോഗോ പ്രകാശനം ചെയ്തു

ജിദ്ദ: ഇന്ത്യയുടെ സ്വാതന്ത്ര്യദിനത്തി​െൻറ എഴുപതാം വാർഷികം ആഘോഷിക്കുന്ന വേളയിൽ   കോൺസുലേറ്റി​െൻറ നേതൃത്വത്തിൽ ജിദ്ദ കേരളൈറ്റ്സ്​ ഫോറവുമായി സഹകരിച്ച് സംഘടിപ്പിക്കുന്ന ‘കേരളോൽസവം 2017’ ​െൻറ ഒരുക്കങ്ങൾ പൂർത്തിയായതായി കോൺസൽ ജനറൽ  മുഹമ്മദ് നൂർ റഹ്​മാൻ  ശൈഖ്​  അറിയിച്ചു. ജിദ്ദയിലെ ഇന്ത്യൻ കോൺസുലേറ്റ് അങ്കണത്തിൽ  അരങ്ങേറുന്ന പരിപാടികൾക്ക്​ ഒക്ടോബർ 27^ന് തുടക്കം കുറിക്കും. മൂന്ന് ദിവസം നീളുന്ന പരിപാടിയിൽ കേരളത്തി​െൻറ   ആഘർഷകമായ കലാ സാംസ്​കാരിക പരിപാടികളും കായിക മൽസരങ്ങളും ഉണ്ടായിരിക്കുമെന്ന് അദ്ദേഹം കൂട്ടിച്ചേർത്തു. 

തുടർന്നുള്ള ആഴ്ചകളിൽ മറ്റു സംസ്​ഥാനക്കാർക്കും  ഇത്തരം ആഘോഷ പരിപാടികൾ കോൺസുലേറ്റി​െൻറ നേതൃത്വത്തിൽ സംഘടിപ്പിക്കും. ഇന്ത്യയുടെ സാംസ്​കാരിക വൈവിധ്യങ്ങളേയും കലാ രൂപങ്ങളേയും സൗദി സമൂഹത്തിന് പരിചയപ്പെടുത്തുന്നതോടൊപ്പം ഇന്ത്യയിലെ നിക്ഷേപ സാധ്യതകൾ വിദേശ സമൂഹത്തിന് പരിചയപ്പെടുത്തുക എന്നതും ഇത്തരം ആഘോഷങ്ങൾ കൊണ്ട് ഉദ്ദേശിക്കുന്നതായി അദ്ദേഹം പറഞ്ഞു.  പ്രയത്നശാലികളും നിയമങ്ങൾ അനുസരിക്കുന്നവരുമാണ്​ കേരളീയർ.  മറ്റ് സംസ്​ഥാനങ്ങൾക്ക് കേരളീയർ മാതൃകയാവണമെന്ന നിലക്കാണ് ആദ്യം കേരളോൽസവം സംഘടിപ്പിക്കുന്നതെന്ന്​ കോൺസൽ ജനറൽ പറഞ്ഞു. ഇതിലൂടെ മിച്ചം വരുന്ന തുക ജയിലിൽ കഴിയുന്ന പ്രവാസി ഇന്ത്യക്കാരുടെ മോചനത്തിന് വേണ്ടി ഉപയോഗിക്കും. 

സിഫി​െൻറ നേതൃത്വത്തിൽ എട്ട് ക്ലബുകളെ പങ്കെടുപ്പിച്ച്   ഫുട്​ബാൾ മത്​സരവും വടംവലി മത്​സരവും സംഘടിപ്പിക്കുമെന്ന് കൺവീനർ കെ.എം ശരീഫ് കുഞ്ഞ് അറിയിച്ചു. അമ്പത്തൊന്ന് പേർ പങ്കെടുക്കുന്ന തിരുവാതിര മത്​സരമുൾപെടെ കേരളത്തി​െൻറ തനത് സാംസ്​കാരിക പരിപാടികളുടെ പുനരാവിഷ്കാരമാണ് കേരളോൽസവത്തിൽ അരങ്ങേറുക. വൈവിധ്യമാർന്ന പതിനഞ്ചോളം സ്​റ്റാളുകളും സ്​റ്റേജ് പരിപാടികളും ഉണ്ടായിരിക്കും. വിവിധ മൽസരങ്ങളിലെ വിജയികൾക്കുള്ള സമ്മാനം ഒക്ടോബർ 28^ന് നൽകും.   
കേരളോൽസവത്തി​െൻറ ലോഗോ കോൺസൽ ജനറലും അബീർ മെഡിക്കൽ ഗ്രൂപ്പ് മാർക്കറ്റിംഗ്  മാനേജർ അബ്​ദുറഹ്​മാനും ചേർന്ന് പ്രകാശനം ചെയ്തു.    
 സംഘടനാ പ്രതിനിധികളായ  വി.കെ.റഉൗഫ്, അഹമദ് പാളയാട്ട്, കെ.ടി.എ മുനീർ, പി.പി.റഹീം തുടങ്ങിയവർ ചടങ്ങിൽ സംസാരിച്ചു.