റഫീഖ് അരിപ്രക്ക് കേളി യാത്രയയപ്പ് നൽകി
text_fieldsപ്രവാസം മതിയാക്കി മടങ്ങുന്ന റഫീഖ് അരിപ്രക്കുള്ള അസീസിയ ഏരിയ രക്ഷാധികാരി സമിതിയുടെ ഉപഹാരം കൺവീനർ ഹസൻ പുന്നയൂർ കൈമാറുന്നു
റിയാദ്: കേളി കലാസാംസ്കാരികവേദിയുടെ അസീസിയ രക്ഷാധികാരി സമിതി അംഗവും ഏരിയ ട്രഷററുമായ റഫീഖ് അരിപ്രക്ക് അസീസിയ ഏരിയ രക്ഷാധികാരി സമിതിയുടെ നേതൃത്വത്തിൽ യാത്രയയപ്പ് നൽകി.
30 വർഷമായി സൗദിയിൽ പ്രവാസം നയിക്കുന്ന റഫീഖ് മലപ്പുറം അരിപ്ര സ്വദേശിയാണ്. 18 വർഷത്തോളമായി ബിൻസാഗർ കമ്പനിയിൽ സെയിൽസ്മാനായി ജോലി ചെയ്തു വരുകയായിരുന്നു.
കേളി അസീസിയ യൂനിറ്റ് ജോയന്റ് സെക്രട്ടറി, ഏരിയ കമ്മിറ്റി അംഗം, ഏരിയ ട്രഷറർ, ഏരിയ രക്ഷാധികാരി സമിതി അംഗം, കേളി കേന്ദ്ര സാംസ്കാരിക കമ്മിറ്റി അംഗം എന്നീ നിലകളിൽ പ്രവർത്തിച്ചിട്ടുണ്ട്.
അസീസിയ ഗ്രേറ്റ് ഇന്റർനാഷനൽ സ്കൂൾ ഓഡിറ്റോറിയത്തിൽ സംഘടിപ്പിച്ച യാത്രയയപ്പ് ചടങ്ങിൽ ഏരിയ രക്ഷാധികാരി സെക്രട്ടറി ഹസൻ പുന്നയൂർ അധ്യക്ഷത വഹിച്ചു. സെക്രട്ടറി റഫീഖ് ചാലിയം സ്വാഗതം പറഞ്ഞു. പ്രസിഡന്റ് ഷാജി റസാഖ് ആമുഖപ്രഭാഷണം നടത്തി.
കെ.പി.എം. സാദിഖ്, ടി.ആർ. സുബ്രഹ്മണ്യൻ, പ്രഭാകരൻ കണ്ടോന്താർ, സുരേന്ദ്രൻ കൂട്ടായി, ഷമീർ കുന്നുമ്മൽ, ജോസഫ് ഷാജി, സീബ കൂവോട്, പ്രിയ വിനോദ്, സെബിൻ ഇഖ്ബാൽ, സുനിൽ കുമാർ, കാഹിം ചേളാരി, രാമകൃഷ്ണൻ, കിഷോർ ഇ. നിസാം, ലിബിൻ പശുപതി, ഷറഫുദ്ദീൻ, ലജീഷ് നരിക്കോട്, സുധീർ പോരേടം, സുഭാഷ്, അജിത്, ലാലു, സൂരജ്, ഷാജി മൊയ്തീൻ, സുജിത് എന്നിവർ സംസാരിച്ചു. ഹസൻ പുന്നയൂർ, റഫീഖ് ചാലിയം, സുധീർ പോരേടവം, ലാലു, സുഭാഷ്, ഷാജി മൊയ്തീൻ, ഷാജി റസാക്ക് എന്നിവർ വിവിധ കമ്മിറ്റികൾക്കുവേണ്ടി ഉപഹാരം കൈമാറി. റഫീഖ് അരിപ്ര യാത്രയയപ്പിന് നന്ദി പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

