കാസർകോട്​ കെ.എം.സി.സി 'സ്നേഹസംഗമം'

റിയാദ്: കെ.എം.സി.സി കാസർകോട്​ ജില്ല കമ്മിറ്റി 'സ്നേഹസംഗമം 2020' വർണാഭമായ പരിപാടികളോടെ സംഘടിപ്പിച്ചു. റിയാദ് അൽമാസ് ഓഡിറ്റോറിയത്തിൽ നടന്ന പരിപാടി റിയാദ് സെൻട്രൽ കമ്മിറ്റി പ്രസിഡൻറ്​ സി.പി. മുസ്തഫ ഉദ്ഘാടനം ചെയ്തു. ജില്ല കമ്മിറ്റി പ്രസിഡൻറ്​ കെ.പി. മുഹമ്മദ്‌ കളപ്പാറ അധ്യക്ഷത വഹിച്ചു. കോവിഡ് കാലത്ത് റിയാദിലെ പ്രവാസിസമൂഹത്തിനിടയിൽ കാരുണ്യ പ്രവർത്തനങ്ങൾക്ക് നേതൃത്വം നൽകിയ സെൻട്രൽ കമ്മിറ്റി പ്രസിഡൻറ്​ സി.പി. മുസ്തഫയെയും ജില്ല പ്രസിഡൻറ്​ കെ.പി. മുഹമ്മദിനെയും പരിപാടിയിൽ ആദരിച്ചു.

പുതുതായി സ്ഥാനമേറ്റ ജനറൽ സെക്രട്ടറി ഷാഫി സെഞ്ച്വറി, റിലീഫ് വിങ്​ ചെയർമാൻ മുഹമ്മദ് കയ്യാർ, മീഡിയാ കോഒാഡിനേറ്റർമാരായ ഇസ്​ഹാഖ് പൈവളിക, കമാലുദ്ദീൻ അറന്തോട് എന്നിവരെയും ആദരിച്ചു. അബ്​ദുൽ സലാം തൃക്കരിപ്പൂർ, അസീസ് അടക്ക, ശംസുദ്ദീൻ പെരുമ്പട്ട, മാമുക്കോയ, ജലീൽ തിരൂർ, മുജീബ് ഉപ്പട, കുഞ്ഞി ഉപ്പള, കെ.എച്ച്​. മുഹമ്മദ്‌, കാദർ നാട്ടക്കല്ല്, മൂസ പട്ട, ഇസ്മാഇൗൽ കരോളം, സുനീർ, യുസുഫ് ബമ്പ്രാന, കാദർ തൊട്ടുകല്ല്, മഷൂദ് ഗാസിലൈൻ എന്നിവർ സംസാരിച്ചു. ജനറൽ സെക്രട്ടറി ഷാഫി സെഞ്ച്വറി സ്വാഗതവും ഇബ്രാഹിം സഫ മക്ക നന്ദിയും പറഞ്ഞു.