സ​ന്ദ​ർ​ശ​ന​വി​സ​യി​ൽ ജോ​ലി​ക്കെ​ത്തി പ്ര​തി​സ​ന്ധി​യി​ലാ​യ ക​ർ​ണാ​ട​ക യു​വ​തി നാ​ട​ണ​ഞ്ഞു

അബഹ: 2004ൽ രാജാവി​െൻറ അതിഥിയായി ഹജ്ജ് ചെയ്യാൻ ഭാഗ്യം ലഭിക്കുകയും അന്ന്​ നല്ല അനുഭവങ്ങളുണ്ടാവുകയും ചെയ്​തതിനാൽ സൗദിയിൽ ജോലിക്ക്​ വരാൻ ആഗ്രഹിച്ചിരുന്ന സബീഹ എന്ന കർണാടക സ്വദേശിനി സന്ദർശന വിസയിൽ വീട്ടുജോലിക്കെത്തി ദുരിതത്തിലായി.

ഒ​ടു​വി​ൽ സാ​മൂ​ഹി​ക​പ്ര​വ​ർ​ത്ത​ക​രു​ടെ​യും കോ​ൺ​സു​ലേ​റ്റി​​ന്‍റെ​യും സ​ഹാ​യ​ത്തോ​ടെ നാ​ട​ണ​ഞ്ഞു. ഒ​ൻ​പ​താം ക്ലാ​സ്​ വി​ദ്യാ​ർ​ഥി​യാ​യി​രി​ക്കെ​യാ​ണ്​ ഫ​ഹ​ദ് ര​ജാ​വി​​ന്‍റെ അ​തി​ഥി​യാ​യി ഇ​ന്ത്യ​യി​ൽ​നി​ന്നും ഹ​ജ്ജി​ന് വ​രാ​ൻ ഭാ​ഗ്യം ല​ഭി​ച്ച​ത്.

യ​തീം ​ഖാ​ന​യി​ൽ നി​ന്നും ന​റു​ക്കെ​ടു​പ്പി​ലൂ​ടെ 10 പേ​രി​ൽ ഒ​രാ​ളാ​യി തെ​ര​ഞ്ഞെ​ടു​ക്ക​പ്പെ​ട്ടാ​ണ്​ അ​ന്ന്​ സ​ബീ​ഹ​ക്ക്​ ഈ ​അ​വ​സ​രം ല​ഭി​ച്ച​ത്. ക​ർ​ണാ​ട​ക സ്വ​ദേ​ശി​ക​ളാ​യ സ​മീ​ഉ​ള്ള-​ഷ​മീ​ൻ ദ​മ്പ​തി​ക​ളു​ടെ മ​ക​ളാ​ണ് സ​ബീ​ഹ.

അ​ന്ന് ല​ഭി​ച്ച പ​ഞ്ച​ന​ക്ഷ​ത്ര ഹോ​ട്ട​ലി​ലെ താ​മ​സ​വും ഭ​ക്ഷ​ണ​വും സൗ​ക​ര്യ​ങ്ങ​ളി​ലും മോ​ഹി​ത​യാ​യി​പ്പോയ സ​ബീ​ഹ ക​രു​തി​യി​രു​ന്ന​ത്​ സൗ​ദി​യി​ൽ എ​ല്ലാ​യി​ട​ത്തും എ​പ്പോ​ഴും ഈ ​സാ​ഹ​ച​ര്യ​മാ​ണെ​ന്നാ​യി​രു​ന്നു. അ​തു​കൊ​ണ്ടാ​ണ് വീ​ട്ടു​ജോ​ലി​യെ​ന്ന്​ കേ​ട്ട​യു​ട​നെ ​സൗ​ദി​യി​ലേ​ക്കു​ പു​റ​പ്പെ​ട്ട​ത്. മും​ബൈ സ്വ​ദേ​ശി സ​ലീം എ​ന്ന ഏ​ജ​ന്‍റ്​ ദു​ബൈ​യി​ലേ​ക്കു​ള്ള ടൂ​റി​സ്​​റ്റ്​ വി​സ​യി​ലെ​ത്തി​ച്ച ശേ​ഷം അ​വി​ടെ ദി​വ​സ​ങ്ങ​ളോ​ളം താ​മ​സി​പ്പി​ച്ച ശേ​ഷ​മാ​ണ്, സൗ​ദി​യി​ലേ​ക്ക് സ്വ​കാ​ര്യ സ​ന്ദ​ർ​ശ​ന വി​സ​യി​ൽ ദൂ​ബൈ​യി​ൽ നി​ന്നും റി​യാ​ദ് വ​ഴി ഖ​മീ​സ് മു​ശൈ​ത്തി​ലെ​ത്തി​യ​ത്. ഇ​വി​ടെ എ​ത്ത​ി​യ​പ്പോ​ഴാ​ണ്​ ത​ന്‍റെ ധാ​ര​ണ​ക​ളെ​ല്ലാം തെ​റ്റി​യെ​ന്നും ക​ബ​ളി​പ്പി​ക്ക​പ്പെ​​ട്ടെ​ന്നും മ​ന​സ്സി​ലാ​യ​ത്.

സ്വ​ദേ​ശി​യു​ടെ വീ​ട്ടി​ലെ ദു​രി​ത​ത്തെ​തു​ട​ർ​ന്ന് വി​വ​രം ഏ​ജ​ന്‍റി​നേ​യും നാ​ട്ടി​ലെ ത​​ന്‍റെ കു​ടും​ബ​ത്തേ​യും അ​റി​യി​ച്ചെ​ങ്കി​ലും ഫ​ലം ക​ണ്ടി​ല്ല. തു​ട​ർ​ന്നു​ ര​ക്ഷ​പ്പെ​ട്ട് പൊ​ലീ​സി​​ന്‍റെ സ​ഹാ​യം തേ​ടു​ക​യാ​യി​രു​ന്നു.

പൊ​ലീ​സ് ഗാ​ർ​ഹി​ക തൊ​ഴി​ലാ​ളി​ക​ളെ താ​മ​സി​പ്പി​ക്കു​ന്നി​ട​ത്തേ​ക്കും പി​ന്നീ​ട് നാ​ടു​ക​ട​ത്ത​ൽ (ത​ർ​ഹീ​ൽ) കേ​ന്ദ്ര​ത്തി​ലേ​ക്കും മാ​റ്റാ​ൻ ശ്ര​മി​ച്ചെ​ങ്കി​ലും നി​യ​മാ​നു​സൃ​ത​മാ​യി സ​ന്ദ​ർ​ശ​ന വി​സ​യി​ലായി​രു​ന്ന​തി​നാ​ലും ഗാ​ർ​ഹി​ക തൊ​ഴി​ലാ​ളി​ക​ൾ​ക്കു​ള്ള ഇ​ഖാ​മ​യി​ൽ അ​ല്ലാ​ത്ത​തു​കൊ​ണ്ടും സാ​ധ്യ​മാ​യി​ല്ല. തു​ട​ർ​ന്ന് ഖ​മീ​സ് മു​ശൈ​ത്തി​ലെ ഇ​ന്ത്യ​ൻ കോ​ൺ​സു​ലേ​റ്റ് ക​മ്യൂ​ണി​റ്റി വെ​ൽ​ഫെയ​ർ ക​മ്മി​റ്റി മെ​മ്പ​റും സാ​മൂ​ഹി​ക​പ്ര​വ​ർ​ത്ത​ക​നു​മാ​യ അ​ഷ്റ​ഫ് കു​റ്റി​ച്ച​ലി​നെ വി​വ​ര​മ​റി​യി​ച്ചു. അ​ദ്ദേ​ഹ​ത്തി​​ന്‍റെ ശ്ര​മ​ഫ​ല​മാ​യി പൊ​ലീ​സ് മേ​ധാ​വി​യു​ടെ സ​ഹാ​യ​ത്തോ​ടെ നാ​ട്ടി​ലേ​ക്കു​ള്ള രേ​ഖ​ക​ൾ ശ​രി​യാ​ക്കി.

വി​മാ​ന ടി​ക്ക​റ്റ് ഖ​മീ​സ്​ മു​ശൈ​ത്തി​ലെ ല​ന സ്കൂ​ൾ ന​ൽ​കി. ഒ.​ഐ.​സി.​സി നേ​താ​ക്ക​ളാ​യ പ്ര​സാ​ദ്, മ​നാ​ഫ്, അ​ൻ​സാ​രി, റോ​യി, ഹ​ബീ​ബ് എ​ന്നി​വ​രും സ​ഹാ​യ​ത്തി​നു​ണ്ടാ​യി​രു​ന്നു. സ​ബീ​ഹ ക​ഴി​ഞ്ഞ ദി​വ​സം അ​ബ​ഹ​യി​ൽ നി​ന്നും എ​യ​ർ അ​റ​ബ്യ വി​മാ​ന​ത്തി​ൽ ബം​ഗ​ളൂരു​വി​ലേ​ക്ക് പോ​യി.