‘കളിയരങ്ങ് സീസൺ 2’ നാളെ  

ജിദ്ദ: ജിദ്ദ മലപ്പുറം ജില്ല കെ.എം.സി.സിക്ക്​ കീഴിലുള്ള ഫിറ്റ് (ഫോറം ഫോർ ഇന്നവേറ്റീവ് തോട്ട്സ്) സംഘടിപ്പിക്കുന്ന കളിയരങ്ങ് സീസൺ രണ്ട് നാളെ. വെള്ളിയാഴ്ച രണ്ടുമണിമുതൽ ഹയ്യസാമിർ അൽദുറ വില്ലയിലാണ്​ പരിപാടിയെന്ന്​ ഭാരവാഹികൾ ജിദ്ദയിൽ നടത്തിയ വാർത്താസമ്മേളനത്തിൽ അറിയിച്ചു. 50 ഒാളം ഇനങ്ങളിൽ 500ലധികം കുട്ടികൾ മാറ്റുരക്കും. ബഡ്സ്, കിഡ്സ്, ജൂനിയർ, സീനിയർ എന്നീ വിഭാഗങ്ങളിലാണ് മത്സരം. പരിപാടിയുടെ ഭാഗമായി ഭക്ഷണ സ്​റ്റാളുകൾ, ആരോഗ്യ ബോധവത്കരണം, പുസ്തകം പരിചയപ്പെടുത്തൽ, ക്വിസ് മത്സരം തുടങ്ങിയവയും ഒരുക്കിയിട്ടുണ്ടെന്ന്​ അവർ അറിയിച്ചു. വാർത്താ സമ്മേളനത്തിൽ അബ്്ദുലത്തീഫ് മുസ്്ലിയാരങ്ങാടി, ഇസ്ഹാഖ് മുണ്ടോളി, അബ്്ദുൽ ഗഫൂർ പട്ടിക്കാട്, വി.പി ഉനൈസ്, അബുബക്കർ കാട്ടുപാറ, കെ.എൻ.എ ലത്തീഫ്, സലീം അരക്കുപറമ്പിൽ, എം.പി ബഷീറലി എന്നിവർ സംബന്ധിച്ചു.