കാളികാവ് ഏരിയ പ്രവാസി അസോസിയേഷൻ ഇഫ്താർ

ജിദ്ദ: ജിദ്ദയിലുള്ള കാളികാവുകാരുടെ കൂട്ടായ്മയായ കാളികാവ് ഏരിയ പ്രവാസി അസോസിയേഷൻ (കാപാ) ഇഫ്താർ സംഗമം സംഘടിപ്പിച്ചു. നിരവധി പേർ കുടുംബസമേതം സംഗമത്തിൽ പങ്കുകൊണ്ടു.

സംഗമം മാധ്യമ പ്രവർത്തകൻ ജാഫറലി പാലേക്കോട് ഉദ്ഘാടനം ചെയ്തു. പ്രവാസത്തിനിടയിലും നാടി​െൻറ വികസനത്തിലും സഹായത്തിനർഹതപ്പെട്ടവരെ ചേർത്തുപിടിക്കാനും ‘കാപാ’ ചെയ്യുന്ന നല്ല പ്രവർത്തനങ്ങൾ കഴിഞ്ഞ ഒന്നര പതിറ്റാണ്ടുകാലം നേരിട്ടറിയാൻ സാധിച്ചകാര്യം അദ്ദേഹം സ്മരിച്ചു. പ്രസിഡൻറ്​ സമീർ പൂളക്കൽ അധ്യക്ഷത വഹിച്ചു. വി. അനസ് സംസാരിച്ചു. സാജിദ് ബാബു, സിറാജ് എടപ്പറ്റ, കെ.കെ ഉമ്മർ എന്നിവർ സംഗമത്തിന് നേതൃത്വം നൽകി. ജനറൽ സെക്രട്ടറി ഹുമയൂൺ കബീർ സ്വാഗതവും ശിഹാബ് കിഴിശ്ശേരി നന്ദിയും പറഞ്ഞു.