ഉംറ പുനരാരംഭിച്ച ശേഷമുള്ള ആദ്യ ജുമുഅയിൽ ഹറം ഭക്തിസാന്ദ്രം

ജിദ്ദ: കോവിഡ്​ പ്രതിസന്ധിക്ക്​ ശേഷം ഉംറ തീർഥാടനം പുനരാരംഭിച്ച ശേഷം മക്ക ഹറമിൽ നടന്ന ആദ്യ ജുമുഅ നമസ്​കാരത്തിൽ തീർഥാടകരടക്കമുള്ള നിരവധിയാളുകൾ പ​െങ്കടുത്തു. മാർച്ച്​ 19 മുതൽ​ ഹറമിനുള്ളിലേക്കും മുറ്റങ്ങളിലും പുറത്തു​ നിന്നാളുകൾ പ്രവേശിക്കുന്നതിന്​​ പൂർണമായും വിലക്കേൽപ്പെടുത്തിയിരുന്നു. ​​പൊതുജനങ്ങൾക്ക്​ പ്രവേശന വിലക്കേർപ്പെടുത്തിയിരുന്നുവെങ്കിലും ജുമുഅ, ജമാഅത്ത്​ നമസ്​കാരങ്ങൾ അന്ന്​ മുതൽ ഇന്നു വരെ ഹറമിൽ തുടർന്നിരുന്നു. എന്നാൽ ഹറം കാര്യാലയ ജീവനക്കാരും സുരക്ഷ ഉദ്യോഗസ്​ഥരും തൊഴിലാളികളും അനിവാര്യമായും ഉണ്ടാകേണ്ടവരും മാത്രമായിരുന്നു​ അതിൽ പ​െങ്കടുത്തിരുന്നത്​.

ജുമുഅക്ക്​ ഉംറ തീർഥാടകരുമുണ്ടാകുമെന്നതിനാൽ ഒരുക്കങ്ങൾ നേരത്തെ നടത്തിയിരുന്നു. കർശനമായ ആരോഗ്യ മുൻകരുതൽ പാലിച്ചാണ്​ ജുമുഅ നമസ്​ കാരം നടന്നത്​. ഉംറ തീർഥാടനം ആരംഭിക്കാനുള്ള സൽമാൻ രാജാവി​െൻറ അനുമതി വന്ന ശേഷമുള്ള ആദ്യ ജുമുഅക്ക്​ ഏറ്റവും ഉയർന്ന ആരോഗ്യ മുൻകരുതൽ പ്രതിരോധ നടപടികളാണ്​ എടുത്തിരുന്നതെന്ന്​ ഇരുഹറം കാര്യാലയ വക്താവ്​ ഹാനി ബിൻ ഹുസ്​നി ഹൈദർ പറഞ്ഞു.

ഇരുഹറം കാര്യാലയ മേധാവി ഡോ. അബ്​ദുറഹ്​മാൻ അൽസുദൈസി​െൻറ നിർദേശ പ്രകാരം അതിരാവിലെ മുതൽ ഹറമിലെ അണുമുക്തമാക്കുന്ന ജോലികൾ ആരംഭിച്ചിരുന്നു. നൂതനമായ സാ​േങ്കതിക സംവിധാനങ്ങളും നിരവധി ജോലിക്കാരും ശുചീകരണ ജോലിക്ക്​ രംഗത്തുണ്ടായിരുന്നു. തീർഥാടകരുടെ ആരോഗ്യ സുരക്ഷ കണക്കിലെടുത്തു സാമൂഹിക അകലം പാലിച്ച്​ അണികൾ ചിട്ടപ്പെടുത്തിയിരുന്നു. ഒരോ നമസ്​കാര വിരിപ്പിനിടയിലും രണ്ട്​ മീറ്റർ അകലം നിശ്ചയിച്ചിരുന്നു. അണികൾക്കിടയിൽ മൂന്നു മീറ്ററും അകലം പാലിച്ചിരുന്നു. അണുമുക്തമാക്കിയ 9,000 നമസ്​കാര വിരിപ്പുകൾ ഒരുക്കിയിരുന്നു. താഴെ നിലയിലും ഒന്നാം നിലയിലും കിങ്​ ഫഹദ്​ ഹറം വികസന ഭാഗത്തുമായിരുന്നു ഇവ വിരിച്ചിരുന്നത്​. സമൂഹ അകലം പാലിക്കാൻ വേണ്ട സ്​റ്റിക്കറുകളും പതിച്ചിരുന്നു.

ജുമുഅക്ക്​ വന്നവർക്ക്​ 4,800 സംസം ബോട്ടിലുകൾ വിതരണം ചെയ്​തു. അഞ്ച്​ ഭാഷകളിൽ ജുമുഅ ഖുത്തുബ പരിഭാഷപ്പെടുത്തുകയും ചെയ്​തിരുന്നു. ഇരുഹറം കാര്യാലയ മേധാവിയുടെ നിർദേശത്തെതുടർന്ന്​ ഹറമിനകത്തും മുറ്റങ്ങളിലും പരിസരങ്ങളിലേയും ശബ്​ദ​ സംവിധാനം പൂർണമായും പുനരാരംഭിച്ചതായും ഇരുഹറം കാര്യാലയ വക്താവ്​ പറഞ്ഞു. ജുമുഅ ഖുതുബക്കും നമസ്​കാരത്തിലും ഡോ.​ സഉൗദ് ബിൻ ഇബ്രാഹീം​ അൽശുറൈം നേതൃത്വം നൽകി.