ജുബൈൽ ഒ.ഐ.സി.സി ചികിത്സസഹായം കൈമാറി

ജുബൈൽ: ഒ.ഐ.സി.സി ജുബൈൽ ഏരിയ കമ്മിറ്റിയുടെ ജീവകാരുണ്യ പ്രവർത്തന പദ്ധതിയായ 'കാരുണ്യസ്പർശം 2025' ന്റെ ഭാഗമായി കാൻസർ രോഗ ബാധിതക്ക് ചികിത്സസഹായം കൈമാറി.

കണ്ണൂർ പട്ടുവം കോൺഗ്രസ്‌ മണ്ഡലം കമ്മിറ്റിയുടെ സഹായാഭ്യർത്ഥന ജുബൈൽ ഒ.ഐ.സി.സി കുടുംബവേദി ജനറൽ സെക്രട്ടറി മനോജിന് ലഭിച്ചിരുന്നു. മനോജ് ജുബൈൽ കമ്മിറ്റിക്ക് കത്ത് നൽകിയത് പരിഗണിച്ച് കമ്മിറ്റി ചികിത്സാസഹായം അനുവദിച്ചു.

ജില്ലാ കോൺഗ്രസ് കമ്മിറ്റി ജനറൽ സെക്രട്ടറി അഡ്വ.രാജീവൻ, കപ്പച്ചേരി മണ്ഡലം കോൺഗ്രസ് പ്രസിഡന്റ് ടി ദാമോദരൻ, വൈസ് പ്രസിഡന്റ് സി.പി പ്രസന്ന , മെമ്പർ ഇ. ശ്രുതി , കൂത്താട്ട് പത്താം വാർഡ് കോൺഗ്രസ് പ്രസിഡന്റ് കെ.വി ശരീഫ് , ഒമ്പതാം വാർഡ് കോൺഗ്രസ് പ്രസിഡന്റ് വി. ഷീബ എന്നിവർ ചേർന്ന് ഒ.ഐ.സി.സിയുടെ സഹായം ധന്യക്ക് കൈമാറി.