ജു​ബൈ​ലി​ൽ ഇ​നി ചെ​മ്മീ​ൻ ചാ​ക​ര​യു​ടെ മാ​സ​ങ്ങ​ൾ

ജു​ബൈ​ല്‍: ആ​റു മാ​സ​ത്തെ കാ​ത്തി​രി​പ്പി​നു​ശേ​ഷം മ​ത്സ്യ​ത്തൊ​ഴി​ലാ​ളി​ക​ൾ ചെ​മ്മീ​ൻ ചാ​ക​ര തേ​ടി ക​ട​ലി​ൽ പോ​യി​ത്തു​ട​ങ്ങി. ആ​ഗ​സ്​​റ്റ്​ ആ​ദ്യം ആ​രം​ഭി​ച്ച ചാ​ക​ര സീ​സ​ൺ അ​ടു​ത്ത വ​ർ​ഷം ജ​നു​വ​രി അ​വ​സാ​നം വ​രെ നീ​ളും. അ​തി​നു​ ശേ​ഷ​മു​ള്ള ആ​റു മാ​സം ചെ​മ്മീ​ൻ മ​ത്സ്യ​ബ​ന്ധ​ന​ത്തി​ന് നി​യ​ന്ത്ര​ണ​ങ്ങ​ളു​ണ്ട്. പ്ര​ജ​ന​ന കാ​ല​ത്തെ ചെ​മ്മീ​ൻ കൊ​യ്ത്ത് ബാ​ക്കി​യു​ള്ള മാ​സ​ങ്ങ​ളി​ലെ ല​ഭ്യ​ത​യെ ബാ​ധി​ക്കു​മെ​ന്ന​തി​നാ​ലാ​ണി​ത്.

നി​ര​വ​ധി ബോ​ട്ടു​ക​ളാ​ണ് ഓ​രോ ദി​വ​സ​വും ജു​ബൈ​ലി​​ന്റെ തീ​രം വി​ട്ട് ക​ട​ലി​ലേ​ക്ക് മ​ത്സ്യ​ബ​ന്ധ​ന​ത്തി​നാ​യി പോ​കു​ന്ന​ത്. മ​ത്സ്യ​ങ്ങ​ൾ ല​ഭ്യ​മാ​കു​ന്ന​തി​ന്​ അ​നു​സ​രി​ച്ച് ചി​ല ബോ​ട്ടു​ക​ൾ ദി​വ​സ​ങ്ങ​ൾ ക​ഴി​ഞ്ഞാ​ണ് തി​രി​ച്ചെ​ത്തു​ക. ചി​ല​പ്പോ​ൾ രാ​ത്രി​യി​ലും ട്രോ​ളി​ങ്​ ഉ​ണ്ടാ​കും.

വ​ള​രെ ചെ​റി​യ നി​ര​ക്കി​ൽ ഇ​ക്കാ​ല​യ​ള​വി​ൽ ആ​ളു​ക​ൾ​ക്ക് ചെ​മ്മീ​ൻ ല​ഭ്യ​മാ​കും. മ​റ്റു​ള്ള പ​ട്ട​ണ​ങ്ങ​ളി​ൽ നി​ന്നു​പോ​ലും ആ​ളു​ക​ൾ ഇ​വി​ടെ​യെ​ത്തി മീ​ൻ വാ​ങ്ങി പോ​കു​ന്നു​ണ്ട്. തെ​ർ​മോ​ക്കോ​ൾ പെ​ട്ടി​ക​ളി​ൽ ഐ​സ് നി​റ​ച്ചു കൊ​ണ്ടു​പോ​കു​ന്ന​തി​നാ​ൽ ഏ​റെ സ​മ​യം മീ​ൻ ചീ​ത്ത​യാ​വാ​തെ​യി​രി​ക്കും.

ഒ​രു​പാ​ട് പ്ര​തീ​ക്ഷ​ക​ളോ​ടെ​യാ​ണ് ഇ​ത്ത​വ​ണ​യും ഓ​രോ ബോ​ട്ടും ക​ട​ലി​ലേ​ക്കി​റ​ങ്ങു​ന്ന​ത്. ക​ഠി​ന​മാ​യ ചൂ​ട് പ്ര​തി​സ​ന്ധി​ക​ൾ സൃ​ഷ്​​ടി​ക്കു​മെ​ന്ന​ത് തീ​ർ​ച്ച​യാ​ണ്. അ​തി​നാ​ൽ മ​ത്സ്യ​തൊ​ഴി​ലാ​ളി​ക​ൾ വേ​ണ്ട​ത്ര മു​ൻ​ക​രു​ത​ലെ​ടു​ക്കു​ന്നു​ണ്ട്. ഇ​ക്കാ​ല​യ​ള​വി​ൽ മീ​ൻ ലേ​ല ച​ന്ത​ക​ളും അ​നു​ബ​ന്ധ മ​ത്സ്യ​ക്ക​ട​ക​ളും കൂ​ടു​ത​ൽ സ​ജീ​വ​മാ​കും.