ജെ.എസ്​.സി ഫുട്​ബാൾ ടൂർണമെൻറിന്​ തുടക്കമായി

ജിദ്ദ: ജെ.എസ്​.സി- ഐ.എസ്​.എം അഞ്ചാമത് വൈ.എസ്​.എൽ അന്താരാഷ്്്ട്ര  ഫുട്്ബാൾ ടൂർണമ​​െൻറിന്  റൗദ ഫുട്ബാൾ ഗ്രൗണ്ടിൽ തുടക്കമായി.  ജിദ്ദ നാഷണൽ ഹോസ്പിറ്റൽ എം.ഡി വി.പി മുഹമ്മാദാലി ടൂർണമ​​െൻറ് ഉദ്ഘാടനം ചെയ്തു. ചടങ്ങിൽ മൻസൂർ ദാഫിർ അൽ ഖുദൈബി, അബ്്ദുൽ മജീദ് നഹ, സകീർ ഹുസൈൻ എടവണ്ണ, സാലെ അൽ ഖുറേഷി, കെ.പി  ഇബ്രാഹിം, സാല അൽ സഹ്റാനി, ഉസാമ അൽ ഖുറേഷി തുടങ്ങിയവർ പ​െങ്കടുത്തു. വ്യാഴാഴ്ച നടന്ന 10 വയസിന്​ താഴെയുള്ളവരുടെ കളിയിൽ മറുപടി ഇല്ലാത്ത  മൂന്നു ഗോളുകൾക്ക് സ്പാനിഷ് അക്കാദമി ജെ.എസ്​.സിയെ പരാജയപ്പെടുത്തി. കളിയിലെ കേമനായി അബ്്ദുൽ അസീസ് അതൈരി തിരഞ്ഞെടുക്കപ്പെട്ടു. രണ്ടാം മത്സരത്തിൽ എറിത്രിയൻ സ്കൂൾ എതിരില്ലാത്ത അഞ്ചു ഗോളുകൾക്ക് ബ്രസീൽ ടാല​​െൻറ് അക്കാഡമിയോട് പരാജയം ഏറ്റുവാങ്ങി. 

13 വയസ്സിനു താഴെയുള്ളവരുടെ മത്സരത്തിൽ ജെ.എസ്​.സി -ഐ.എസ്​.-എം അക്കാഡമി അൽവാദി സ്കൂളുമായി ഓരോ ഗോൾ പങ്കിട്ടു സമനിലയിൽ പിരിഞ്ഞു. അൽ വാദിയുടെ ഫഹദ് അബ്​ദുല്ലയാണ്​ കളിയിലെ കേമൻ. വെള്ളിയാഴ്ച നടന്ന ആദ്യ മത്സരത്തിൽ ജെ.എസ്​.സി -ഐ.എസ്.എം അക്കാദമി എതിരില്ലാത്ത രണ്ട് ഗോളിന് എറിത്രിയൻ സ്കൂളിനെ പരാജയപ്പടുത്തി. എറിത്രിയൻ സ്കൂളിലെ അഹമ്മെദിൻ ആദം മാൻ ഒാഫ്​ ദ മാച്ച്​. മാൻ ഓഫ് ദി മാച്ച്​ അവാർഡുകൾ അബ്്ദുറഹ്​മാൻ, ഡോ. നസീർ, ലത്തീഫ്, മജീദ്, സാക്കിർ, നൗഷീർ എന്നിവർ വിതരണം ചെയ്തു. അടുത്ത മത്സരങ്ങൾ വ്യാഴം, വെള്ളി ദിവസങ്ങളിൽ റൗദ സ്​റ്റേഡിയത്തിൽ (കുബ്രി മുറബ്ബ , റാഡിസൺ ഹോട്ടലിനു പിൻവശം)  നടക്കും.