ഹജ്ജ്​ ഹാക്കത്തോണിന്​ ജിദ്ദയിൽ തുടക്കമായി

ജിദ്ദ: ഹജ്ജ്​ ഹാക്കത്തോണിന്​ ജിദ്ദ ഇൻറർനാഷനൽ എക്​സിബിഷൻ സ​​െൻററിൽ തുടക്കമായി. വികിപീഡിയ സ്​ഥാപകൻ ജിമ്മി വെയ്​ൽസ്​, ആപ്പിൾ സഹസ്​ഥാപകൻ സ്​റ്റീവ്​ വോസ്​നിയാക്​ എന്നിവരുടെ സാന്നിധ്യമാണ്​ പരിപാടിയിലെ പ്രധാന ആകർഷണം. 
മൂന്നുദിവസത്തെ ഹാക്കത്തോണിൽ നൂറോളം ലോകരാഷ്​ട്രങ്ങളിൽ നിന്നുള്ള 3,000 ലേറെ കമ്പ്യൂട്ടർ പ്രോഗ്രാമർമാരും ഡെവലപർമാരുമാണ്​​ പ​െങ്കടുക്കുന്നത്​. ഹജ്ജ്​ സംവിധാനങ്ങൾ മെച്ചപ്പെടുത്തുന്നതിനുള്ള നൂതനവും ഭാവനാത്​മകവുമായ പദ്ധതികൾ ഇവിടെ അവതരിപ്പിക്കപ്പെടും. ഭക്ഷണം, പാനീയം, ആരോഗ്യം, സാമ്പത്തിക രംഗം, ഗതാഗതം, ആൾക്കൂട്ട നിയന്ത്രണം​, ഗതാഗത നിയന്ത്രണം, യാത്ര, താമസം, മാലിന്യ നിർമാർജനം, വിനിമയ സംവിധാനം തുടങ്ങി ഹജ്ജുമായി ബന്ധപ്പെട്ട സകല മേഖലകളിലും ആശയങ്ങൾ രൂപ​പ്പെടുത്തും. 
സൗദി, യു.എ.ഇ, യു.എസ്​, അൾജീരിയ, ഇൗജിപ്​ത്​, ഇന്ത്യ, ജപ്പാൻ, തുണീഷ്യ, തുർക്കി, പാകിസ്​താൻ എന്നിവിടങ്ങളിൽ നിന്നാണ്​ കൂടുതൽ പേർ എത്തിയിട്ടുള്ളത്​. സൗദി ഫെഡറേഷൻ ഫോർ സൈബർ സെക്യൂരിറ്റി, പ്രോഗ്രാമിങ്​ ആൻഡ്​ ഡ്രോൺസ്​’ (എസ്​.എ.എഫ്​. സി.എസ്​.പി) ആണ്​ ഹജ്ജ്​ ഹാക്കത്തോണി​​​​െൻറ സംഘാടകർ. ഗൂഗ്​ൾ ആണ്​ ​ മാർഗനിർദേശകത്വം നൽകുക. ​ഇതുപോലൊരു മഹത്തായ വേദിയുടെ ഭാഗമായതിൽ അഭിമാനമു​ണ്ടെന്ന്​ ജിമ്മി വെയ്​ൽസ്​ അഭിപ്രായപ്പെട്ടു. 
ഹാക്കത്തോണിൽ മുന്നിലെത്തുന്ന മൂന്നുപേർക്ക്​ മൊത്തം 20 ലക്ഷം റിയാൽ സമ്മാനതുകയാണ്​ എസ്​.എ.എഫ്​.സി.എസ്​.പി ​പ്രഖ്യാപിച്ചിരിക്കുന്നത്​. ആദ്യ സ്​ഥാനക്കാരന്​ 10 ലക്ഷവും രണ്ടും മൂന്നും സ്​ഥാനക്കാർക്ക്​ അഞ്ച്​ ലക്ഷവും മൂന്നര ലക്ഷവും വീതം. 
ഇത്​ കൂടാതെ ഒന്നര ലക്ഷം റിയാലി​​​െൻറ ​േപ്രാത്സാഹന സമ്മാനവുമുണ്ട്​.