ജിദ്ദയിൽ സ്​മാർട്ട് മൊബൈൽ​ ഫുഡ്​ കോർട്ട്​​ ഉദ്​ഘാടനം ചെയ്​തു

ജിദ്ദ: ജിദ്ദയിൽ സ്​മാർട്ട്​ മൊബൈൽ ഫുഡ്​ കോർട്ട്​ ഉദ്​ഘാടനം ചെയ്​തു. നൂതന സാ​​​േങ്കതിക സംവിധാനങ്ങളോടെയു ം ഉയർന്ന നിലവാരത്തോടും കൂടിയതാണ്​ ഭക്ഷ്യവണ്ടി. ജിദ്ദ യൂനിവേഴ്​സിറ്റി അധ്യാപകരുടെ സഹായത്തോടെ എൻജിനീയറിങ്​, സയൻസ്​, കമ്പ്യൂട്ടർ കോളജുകളാണ്​ ഇത്​ നിർമിച്ചിരിക്കുന്നത്​​. യൂനിവേഴ്​സിറ്റി ആസ്​ഥാനത്ത്​ നടന്ന ചടങ്ങിൽ ഡയറക്ടർ ഡോ. അദ്​നാൽ അൽഹുമൈദാൻ​ ഉദ്​ഘാടനം ചെയ്​തു. ഉന്നത വിദ്യാഭ്യാസ അണ്ടർ സെക്രട്ടറി ഡോ. ഉബൈദ്​ ആലു മുദിഫ്​, കോളജ്​ മോധാവികൾ, ഉദ്യോഗസ്​ഥർ എന്നിവർ സന്നിഹിതരായിരുന്നു.

ജിദ്ദയിൽ ആദ്യമായാണ്​ ഭക്ഷ്യവിൽപനക്കായി പൂർണമായും ഇലക്​ട്രോണിക്​ സംവിധാനങ്ങളോടു​ കൂടിയ വാഹനം​ ഒരുക്കുന്നത്​. വിൽപന രംഗത്ത്​ ആവശ്യമായ എല്ലാ സംവിധാനങ്ങളും വാഹനത്തിലുണ്ട്​. വിഷൻ 2030 ലക്ഷ്യമിട്ടാണ്​ സ്​മാർട്ട് മൊബൈൽ​ ഫുഡ്​ കോർട്ട് ഒരുക്കിയതെന്ന്​ യൂനിവേഴ്​സിറ്റി ഇന്നോവേഷൻ സ​െൻറർ മേധാവി ഡോ. ഹിശാം നമിർ പറഞ്ഞു. ചെറുകിട കച്ചവടക്കാരെ സഹായിക്കുന്നതിനാണിതെന്നും അദ്ദേഹം പറഞ്ഞു.