ജിദ്ദ ഇന്ത്യൻ സ്​കൂളിലെ മലയാള ദിനാഘോഷം വർണാഭമായി

ജിദ്ദ: ജിദ്ദ ഇൻറർനാഷനൽ ഇന്ത്യൻ സ്കൂളിലെ 6-8 ക്ലാസുകളിലെ ബോയ്സ് വിഭാഗം വർണാഭമായ പരിപാടികളോടെ മലയാള ദിനം ആഘോഷി ച്ചു. സ്കൂൾ ഓഡിറ്റോറിയത്തിൽ നടന്ന പരിപാടിയിൽ സംവാദ മത്സരം, നാടൻപാട്ട് മത്സരം, കോൽക്കളി, ഒപ്പന, പരിചമുട്ടുകളി, മല യാള നാടകം എന്നീ കലാപരിപാടികൾ അരങ്ങേറി. മലയാളം ക്ലബ്ബി​​​െൻറയും ലൈബ്രറിയുടെയ​ും ഉദ്ഘാടനം ചടങ്ങിൽ നടന്നു. ജോയൽ സജു, ഗണേഷ് എന്നിവരുടെ നേതൃത്വത്തിലായിരുന്നു സംവാദം. പ്രിൻസിപ്പൽ ഇൻ ചാർജ് ഡോ. നജീബ് ഖൈസ് വിദ്യാർഥികൾക്ക് ലൈബ്രറി കാർഡ് വിതരണം ചെയ്തു. ഗേൾസ് സെക്​ഷൻ വൈസ് പ്രിൻസിപ്പൽ ഫർഹത്തുന്നിസ ക്ലബ്ബ് സെക്രട്ടറിക്ക് പുസ്തകം നൽകി ലൈബ്രറി ഉദ്ഘാടനം ചെയ്​തു. സംഘ ഗാനം, കോൽക്കളി, പരിചമുട്ടുകളി, ഒപ്പന തുടങ്ങിയ കലാപരിപാടികൾക്ക്​ മഹാദേവ്, സഹൽ, യോഹാൻ എന്നിവർ നേതൃത്വം നൽകി.

‘മഴക്കിനാവ്’ നാടകം ശ്രദ്ധേയമായി. ഷോൺ ജോസെഫ്​ നാടകത്തിന്​ നേതൃത്വം നൽകി. പ്രിൻസിപ്പൽ ഇൻ ചാർജ് ഡോ. നജീബ് ഖൈസ്, ഗേൾസ് സെക്ഷൻ വൈസ് പ്രിൻസിപ്പൽ ഫർഹത്തുന്നിസ, അഡ്മിനിസ്ട്രേറ്റർ മുഹമ്മദ് അക്​റം ഹെഡ്മാസ്​റ്റർ നൗഫൽ പാലക്കോത്ത്, പ്രധാനാധ്യാപികമാരായ നഹീദ് ഫാത്തിമ, അംതുൽ റസാക്ക്, റാബിയ എന്നിവർ ആശംസ നേർന്നു. ആമി ഷിബു, ജസീല ശിഹാബ് എന്നിവർ മൽസരങ്ങൾക്ക് വിധികർത്താക്കളായി. ഗണേഷ് മാധവ് സ്വാഗതവും ശാദുൽ നന്ദിയും പറഞ്ഞു. അബ്ശാറി​​െൻറ നേതൃത്വത്തിൽ സ്വാഗതഗാനം അരങ്ങേറി.