സൗദിയിൽ നിർമിച്ച ആദ്യ ജെറ്റ് വിമാനം രാജ്യത്തിന് സമർപ്പിച്ചു

റിയാദ്: സൗദിയിൽ സംയോജിപ്പിച്ച ആദ്യ ജെറ്റ് വിമാനം കിരീടാവകാശി രാഷ്​ട്രത്തിന് സമർപ്പിച്ചു. വിമാനത്തി​​െൻറ ഏതാനും ഭാഗങ്ങൾ സൗദിയിൽ തന്നെയാണ് നിർമിച്ചത് എന്നതും ഇതി​​െൻറ പ്ര​േത്യകതയാണ്. സൗദി സൈനിക വ്യവസായം സ്വദേശിവത്​​കരിക്കുന്നതി​​െൻറ ഭാഗമായാണ് ജെറ്റ് വിമാനം സ്വദേശി കരങ്ങളാൽ നിർമാണം ആരംഭിച്ചതെന്ന് ഉദ്‌ഘാടന വേളയിൽ കിരീടാവകാശി പറഞ്ഞു.

കിഴക്കന്‍ പ്രവിശ്യയിലെ കിങ് അബ്​ദുല്‍ അസീസ് എയര്‍ ബേസിലാണ് എയര്‍ക്രാഫ്റ്റ് അനാവരണം ചെയ്തത്​. പദ്ധതിയുടെ 70 ശതമാനം ജോലികളും പൂര്‍ത്തിയാക്കിയത്​ സൗദി യുവാക്കളാണ്. 22 ഓളം ഹോക്ക് ജെറ്റ് എയർക്രാഫ്റ്റുകളാണ് നിർമിച്ചത്. സൗദി യുവാക്കള്‍ക്ക് എയര്‍ക്രാഫ്റ്റ് നിർമാണത്തില്‍ പരിശീലനം നല്‍കുന്ന സൗദി-ബ്രിട്ടീഷ് പദ്ധതിയുടെ ഭാഗമായാണിവ നിർമിച്ചത്. രണ്ട് വര്‍ഷത്തെ പരിശീലനത്തി​​െൻറ ഭാഗമായാണ് എയര്‍ക്രാഫ്റ്റ് നിർമിച്ചത്. അന്താരാഷ്​ട്ര പരിശീലകരായിരുന്നു ട്രൈനിംഗ് നല്‍കിയത്. 25 ദേശീയ കമ്പനികളും പരിശീലനത്തില്‍ സഹകരിച്ചു.