ജറൂസലം: ട്രംപി​െൻറ തീരുമാനത്തെ ശൂറ കൗണ്‍സില്‍ അപലപിച്ചു

റിയാദ്: ജറൂസലം ഇസ്രായേല്‍ തലസ്ഥാനമായി അംഗീകരിച്ച അമേരിക്കന്‍ പ്രസിഡൻറ്​ ഡോണാള്‍ഡ് ട്രംപി​​െൻറ തീരുമാനത്തെ സൗദി ശൂറ കൗണ്‍സില്‍ അപലപിച്ചു. ശൂറ കൗണ്‍സില്‍ പ്രസിഡൻറ്​ ഡോ. അബ്​ദുല്ല ബിന്‍ മുഹമ്മദ് ഇബ്രാഹീം ആല്‍ശൈഖി​​െൻറ അധ്യക്ഷതയില്‍ തലസ്ഥാനത്ത് തിങ്കളാഴ്ച ചേര്‍ന്ന യോഗമാണ് ട്രംപി​​െൻറ തീരുമാനത്തെ തള്ളിയത്. ട്രംപി​​െൻറ പ്രഖ്യാപനം ജൂത രാഷ്​്ട്രത്തോടുള്ള അമേരിക്കയുടെ ചായ്​്വ്​ വ്യക്തമാക്കുന്നതാണ്​. 

അതിനാല്‍ തന്നെ അറബ്, ഇസ്രായേല്‍ പ്രശ്നത്തില്‍ മധ്യസ്ഥം വഹിക്കാന്‍ അമേരിക്കക്ക് അര്‍ഹത നഷ്​ടപ്പെട്ടിരിക്കയാണെന്നും ശൂറ അഭിപ്രായപ്പെട്ടു. 
സമാധാന ശ്രമങ്ങളെയും ലോകസുരക്ഷയെയും ഇത് ബാധിച്ചേക്കും. 1967ല്‍ ഇസ്രായേല്‍ പിടിച്ചെടുത്ത ഖുദ്​സ് ഉള്‍പ്പെടെയുള്ള പ്രദേശത്തെ അധിനിവിഷ്ഠ ഭൂമിയായാണ് കണക്കാക്കുന്നത്. ജറൂസലം തലസ്ഥാനമായ ഫലസ്തീന്‍ രാഷ്​ട്രം എന്ന സ്വപ്നത്തോടെയാണ് അറബ്, ഇസ്രായേല്‍ സമാധാന ചര്‍ച്ച മുന്നോട്ടുപോയിരുന്നത്. അന്താരാഷ്​ട്ര കരാറുകളെയും സമാധാന ശ്രമങ്ങളെയും കാറ്റില്‍പറത്തുന്നതാണ് ട്രംപി​​െൻറ നിലപാട്. 
ട്രംപി​​െൻറ പ്രഖ്യാപനത്തോടെ ഫലസ്തീന്‍ പ്രശ്നം പുതിയ വഴിത്തിരിവിലാണെന്നും ശൂറ അഭിപ്രായപ്പെട്ടു.