ജറുസലം എംബസി: അമേരിക്കൻ തീരുമാനം വേദനാജനകം-അമീർ മുഹമ്മദ്​

വാഷിങ്​ടൺ: ഇസ്രയേലിലെ അമേരിക്കൻ എംബസി ജറുസലം പട്ടണത്തിലേക്ക്​ മാറ്റാനുള്ള തീരുമാനം വേദനാജനകമെന്ന്​ സൗദി കിരീടാവകാശി അമീർ മുഹമ്മദ്​ ബിൻ സൽമാൻ. മധ്യപൂർവേഷ്യയിലെ എല്ലാപ്രശ്​നങ്ങളും പരിഹരിക്കപ്പെട്ടാൽ അടുത്ത യൂറോപ്പ്​ ആയി മേഖല മാറും. അതിനുള്ള വിഭവശേഷി ഇവിടെയുണ്ട്​-അദ്ദേഹം പറഞ്ഞു. അമേരിക്ക സന്ദർശിക്കുന്ന അമീർ മുഹമ്മദ്​ വാഷിങ്​ടൺ പോസ്​റ്റ്​ എഡിറ്റർമാരുമായി സംസാരിക്കുകയായിരുന്നു. യു.എസ്​ പ്രസിഡൻറ്​ ഡോണൾഡ്​ ട്രംപി​​​െൻറ ഉപദേഷ്​ടാവ്​ ജരേദ്​ കുഷ്​നറുമായുള്ള ബന്ധം ഒൗദ്യോഗികമാണ്​. ഇരുരാജ്യങ്ങളും തമ്മിലുള്ള ഒൗദ്യോഗിക ബന്ധത്തി​​​െൻറ ഭാഗമാണത്​.

സൗദിയിലേക്ക്​ യു.എസ്​ നിക്ഷേപം ആകർഷിക്കുകയെന്നതാണ്​ സന്ദർശനത്തി​​​െൻറ മുഖ്യലക്ഷ്യം. ഇസ്​ലം വളരെ യുക്​തിഭദ്രമാണ്​, ലളിതമാണ്​. പക്ഷേ, അതിനെ ഹൈജാക്ക്​ ചെയ്യാൻ ​ശ്രമങ്ങൾ നടക്കുന്നു. പുരോഹിത നേതൃത്വവുമായി ദീർഘമായ ചർച്ചകൾ നടത്തുന്നുണ്ട്​. പോസിറ്റീവായ ഫലങ്ങളാണ്​ അതിൽ നിന്ന്​ ലഭിക്കുന്നത്​. ലോക​ത്തെ യുറേനിയം ശേഖരത്തി​​​െൻറ അഞ്ചുശതമാനം സൗദിയിലാണ്​. ആ യുറേനിയം ഞങ്ങൾ ഉപയോഗിക്കരുതെന്ന്​ പറയുന്നത്​ എണ്ണ ഉപയോഗിക്കരു​െതന്ന്​ പറയുന്നതു​േപാലെയാണെന്നും അദ്ദേഹം പറഞ്ഞു.