ജിദ്ദ ഹജ്ജ് വെൽഫെയർ ഫോറം ഹെൽപ്​ ഡെസ്ക്  പ്രവർത്തനമാരംഭിച്ചു 

ജിദ്ദ: വിവിധ സംഘടനകളുടെ കൂട്ടായ്​മയായ ജിദ്ദ ഹജ്ജ് വെൽഫെയർ ഫോറം  ഹെൽപ്​ ഡെസ്​ക് ശറഫിയ അൽ നൂർ പോളിക്ലിനികിൽ  എം.ഡി ഖാലിദ് അൽ ഹർബി ഉദ്​ഘാടനം ചെയ്​തു. എല്ലാ ദിവസവും രാത്രി ഒമ്പത്​ മുതൽ 11  വരെ ​ ഡെസ്ക് പ്രവർത്തിക്കും.  തെലുങ്കാന അസോസിയേഷൻ പ്രസിഡൻറ്​ സിറാജ് മൊഹിയുദ്ദിൻ  അപേക്ഷ ഫോറം മുഹമ്മദ് യൂസഫിനു  നൽകി റജിസ്ട്രേഷൻ നടപടികൾക്ക്​ തുടക്കം കുറിച്ചു.

നാസർ ചാവക്കാട്, കെ.ടി മുസ്തഫ  പെരുവള്ളൂർ, മുഹമ്മദ് അലി കോട്ട,   അബ്​ദുൽ അസീസ് പറപ്പൂർ, അൻസാർ, സുബൈർ മൗലവി, ഹമീദ് വാഴക്കാട്, മക്ക ഹജ്ജ് വെൽഫെയർ ഫോറം പ്രധിനിധി യൂസഫ് തുടങ്ങിയവർ സംസാരിച്ചു. ജിദ്ദ ഹജ്ജ് വെൽഫെയർ ഫോറം ചെയർമാൻ ചെമ്പൻ അബ്ബാസ്​ അധ്യക്ഷത  വഹിച്ചു. ജനറൽ കൺവീനർ നസീർ വാവക്കുഞ്ഞു  സ്വാഗതവും സെക്രട്ടറി വിജാസ് ഫൈസി ചിതറ നന്ദിയും പറഞ്ഞു.