ബോസ്​നിയൻ സ്​പീക്കറുമായി  അമീർ സുൽത്താ​െൻറ കൂടിക്കാഴ്​ച

ജിദ്ദ: ബാൾക്കൻ രാജ്യമായ ബോസ്​നിയ ഹെർസഗോവിന സന്ദർശിക്കുന്ന സൗദി കമീഷൻ ​േഫാർ ടൂറിസം ആൻഡ്​ നാഷനൽ ഹെറിറ്റേജ്​ പ്രസിഡൻറ്​ അമീർ സുൽത്താൻ ബിൻ സൽമാൻ പാർലമ​​െൻറ്​ സ്​പീക്കറുമായി കൂടിക്കാഴ്​ച നടത്തി. മുതിർന്ന സൗദി ഭരണപ്രമുഖ​​​െൻറ സന്ദർശനം ഇരുരാഷ്​ട്രങ്ങളും തമ്മിൽ വളർന്നുവരുന്ന ബന്ധത്തി​​​െൻറ തെളിവാണെന്ന്​ കൂടിക്കാഴ്​ചക്ക്​ ശേഷം സ്​പീക്കർ സാഫിത്​ സോഫ്​റ്റിക്​ പറഞ്ഞു.

ബോസ്​നിയയെ പിന്തുണക്കേണ്ടത്​ തങ്ങളുടെ മതപരവും ജീവകാരുണ്യപരവുമായ ബാധ്യതയാണെന്ന്​ അമീർ സുൽത്താൻ സൂചിപ്പിച്ചു. ഫഹദ്​ രാജാവി​​​െൻറ കാലത്ത്​ യുദ്ധം ആരംഭിച്ചതുമുതൽ  യുദ്ധം അവസാനിക്കുകയും നീതി നടപ്പാകുകയും ചെയ്​തതുവരെ ബോസ്​നിയൻ ജനതയുടെ പ്രശ്​നങ്ങൾക്ക്​ സൽമാൻ രാജാവ്​ പ്രത്യേക ശ്രദ്ധ നൽകിയിരുന്നുവെന്നും അദ്ദേഹം പറഞ്ഞു. 

യൂറോപ്പി​​​െൻറ ഹൃദയഭാഗത്ത്​ സ്​ഥിതി ചെയ്യുന്ന രാജ്യമെന്ന നിലയിലും യൂറോപ്യൻ വിപണിയുടെ ഭാവി മുൻകൂട്ടി കണ്ടുമാണ്​ ബോസ്​നിയയിൽ സൗദി നിക്ഷേപിക്കുന്നതെന്നും അമീർ സുൽത്താൻ കൂട്ടിച്ചേർത്തു. സരയവോയിലെ കിങ്​ ഫഹദ്​ കൾച്ചറൽ സ​​െൻററും അമീർ സുൽത്താൻ സന്ദർശിച്ചു. സൽമാൻ രാജാവി​​​െൻറ പ്രത്യേക നിർദേശത്തെ തുടർന്നാണ്​ നയതന്ത്ര ദൗത്യവുമായി അമീർ സുൽത്താൻ ബോസ്​നിയ ഹെർസഗോവിനയിലെത്തിയത്​.