ജിദ്ദ - മക്ക ഹറമൈൻ ട്രെയിൻ അന്തിമ പരീക്ഷണ ഒാട്ടത്തിൽ  മക്ക ഗവർണറും

ജിദ്ദ: ഹറമൈൻ ട്രെയിൻ ജിദ്ദ-മക്ക പരീക്ഷണ ഒാട്ടത്തിൽ  മക്ക ഗവർണർ അമീർ ഖാലിദ്​ അൽഫൈസൽ, ഡെപ്യൂട്ടി ഗവർണർ അബ്​ദുല്ല ബിൻ ബന്ദർ എന്നിവർ യാത്രികരായി. തിങ്കളാഴ്​ച രാവിലെ ജിദ്ദ സുലൈമാനിയ സ്​റ്റേഷനിൽ നിന്നാണ്​ പരീക്ഷണ ഒാട്ടം  ആരംഭിച്ചത്​. ഗതാഗത മന്ത്രി ഡോ. നബീർ അൽആമൂദി പദ്ധതി നടപ്പിലാക്കിയ കമ്പനിക്ക്​ കീഴിലെ മുതിർന്ന ഉദ്യോഗസ്​ഥർ തുടങ്ങിയവർ മക്കക്കും ജിദ്ദക്കുമിടയിലെ യാത്രയിലുണ്ടായിരുന്നു. യാത്രക്കിടയിൽ മക്ക ഗവർണർ പദ്ധതിയും ഒരുക്കങ്ങളും പരിശോധിച്ചു. ഫസ്​റ്റ്​  ക്ലാസ്​ ബോഗിയിലാണ്​  ഗവർണറും ഡെപ്യൂട്ടി ഗവർണറും സംഘവും സഞ്ചരിച്ചത്​.​ ജിദ്ദ സ്​റ്റേഷനിലെ ഇ ടിക്കറ്റ്​ സംവിധാനത്തിൽ നിന്ന്​ ആദ്യ ടിക്കറ്റ്​ മുറിച്ചെടുത്ത ശേഷമാണ്​ മക്ക ഗവർണർ യാത്ര തുടങ്ങിയത്​. 

ഹജ്ജ്-ഉംറ തീർഥാടകർക്കും  ജനങ്ങൾക്കും സൗകര്യമൊരുക്കുന്ന  ട്രെയിൻ  പരീക്ഷണ ഒാട്ടം വിജയകരമായതിൽ സൗദി ഭരണാധികാരി സൽമാൻ രാജാവിനെ ഗവർണർ അനുമോദിച്ചു. ഇസ്​ലാമിനും മുസ്​ലിംകൾക്കും രാജ്യത്തിനും സേവനമാകുന്ന വികസന പദ്ധതികൾ നടപ്പിലാക്കൽ സൗദി എന്ന രാഷ്​ട്രമാരംഭിച്ചതു മുതൽ തുടർന്നുവരുന്ന കാര്യമാണെന്ന്​  ഗവർണർ പറഞ്ഞു. 

ഒരോ പദ്ധതി കഴിയു​േമ്പാഴേക്കും മറ്റ്​ പദ്ധതികൾ ആരംഭിക്കുന്നു. ഇത്​ അഭിമാനത്തിനു വേണ്ടിയല്ല. ഇരുഹറമുകൾ  സ്​ഥിതി ചെയ്യുന്ന പുണ്യ​ഭൂമിയാണെന്ന ഉറച്ച വിശ്വാസത്തി​​െൻറ ഭാഗമായാണെന്നും  ഗവർണർ പറഞ്ഞു. യാത്രയിൽ പ​​െങ്കടുത്ത ഗതാഗത മന്ത്രിക്ക്​ മക്ക ഗവർണർ നന്ദി പറഞ്ഞു. അൽഹറമൈൻ ട്രെയിൻ പരീക്ഷണ ഒാട്ടം ഒരിക്കലും മറക്കുകയില്ല. രാജ്യത്തി​​െൻറ വളർച്ചക്കും പുരോഗതിക്കും ഇതു വലിയ സഹായകമാകും. പരീക്ഷണ ഒാട്ടം വിജയകരമാണ്​. സർവീസ്​ അടുത്താരംഭിക്കും. ഇൗ പദ്ധതിയോടെ പ്രവർത്തനങ്ങൾ നിർത്തരുതെന്നാണ്​ ആഗ്രഹിക്കുന്നു. മക്ക​െയ ജീസാനുമായും ത്വാഇഫിനെ നജ്​റാനുമായും ബന്ധിപ്പിക്കുന്ന റെയിൽവേ ലൈനുകൾ ആവശ്യമാണെന്നും മക്ക ഗവർണർ പറഞ്ഞു. അൽഹറമൈൻ ട്രെയിൻ പദ്ധതിയെ ചില മേഖലകളുമായും ജിദ്ദ ഇസ്​ലാമിക്​ പോർട്ടുമായും ബന്ധിപ്പിക്കാൻ പദ്ധതിയുണ്ടെന്ന്​ ഗതാഗതമന്ത്രി ഡോ. നബീൽ അൽആമൂദി പറഞ്ഞു.