മഴക്കെടുതി നേരിടാൻ ജിദ്ദ മുനിസിപ്പാലിറ്റി നടപടി തുടങ്ങി

ജിദ്ദ: കനത്ത മഴയെ തുടർന്നുണ്ടായ കെടുതികൾ നേടിടാൻ ജിദ്ദ മുനിസിപ്പാലിറ്റി പ്രവർത്തനങ്ങൾ ആരംഭിച്ചു. നിരവധി സംഘങ്ങളെയാണ് ഇതിനായി​ ഫീൽഡിൽ നിയോഗിച്ചത്​. ഉച്ച വരെ ജിദ്ദയിൽ 60 മില്ലിമീറ്ററിലധികം മഴയുണ്ടായതാണ്​ കണക്ക്​.

റോഡുകളിലെ വെള്ളവും അവശിഷ്​ടങ്ങളും നീക്കം ചെയ്യുന്നതിന്​ 2564 തൊഴിലാളികളെ നിയോഗിക്കുകയും 960 യന്ത്രസാമഗ്രികൾ ഒരുക്കുകയും ചെയ്​തതായി മുനിസിപ്പാലിറ്റി വ്യക്തമാക്കി. നിരവധി സ്ഥലങ്ങളിലെ വെള്ളക്കെട്ടുകളിൽ നിന്ന്​ വെള്ളം നീക്കം ചെയ്യൽ ആരംഭിച്ചിട്ടുണ്ട്​.

16 ബലദിയ ഒാഫിസുകൾക്കും 13 സഹായ​ കേന്ദ്രങ്ങൾക്കും കീഴിലാണ്​ മഴക്കെടുതി ദുരീകരിക്കുന്നതിനുള്ള പ്രവർത്തനങ്ങൾ നടക്കുന്നതെന്നും മുനിസിപ്പാലിറ്റി പറഞ്ഞു.