ജിദ്ദ മേയറുടെ കാലാവധി നാല്​ വർഷത്തേക്ക്​ നീട്ടി

ജിദ്ദ: ജിദ്ദ മേയർ സ്വാലിഹ്​ ബിൻ അലി അൽതുർക്കിയുടെ കാലാവധി നാല്​ വർഷത്തേക്ക്​ നീട്ടി. മികച്ച റാങ്കിൽ കാലാവധി ദീർഘിപ്പിച്ചു കൊണ്ടുള്ള രാജകീയ ഉത്തരവ്​ മക്ക മേഖല ഗവർണറേറ്റ്​ ട്വിറ്ററിലൂടെയാണ്​ അറിയിച്ചത്​. 2018 ജുലൈയിലാണ്​ സ്വാലിഹ്​ അൽതുർക്കിയെ ജിദ്ദ മേയറായി നിയമിച്ചത്​.

ജിദ്ദ മേയർ ചുമതയോടൊപ്പം മക്ക മേയറുടെ ചുമതലകളും പ്രവർത്തനവും ആറ് മാസത്തേക്ക് വഹിക്കണമെന്ന​ മുനിസിപ്പൽ, ഗ്രാമ ഹൗസിങ്​ മന്ത്രി മാജിദ്​ ബിൻ അബ്​ദുല്ല അൽഹുഖൈലി​ന്റെ നിർദേശത്തെ തുടർന്ന്​ കഴിഞ്ഞ ജനുവരി മുതൽ മക്ക മേയറുടെ ചുമതലകളും സ്വാലിഹ്​ അൽതുർക്കി വഹിച്ചുവരുന്നുണ്ട്​. മേയർ കാലാവധി നീട്ടിയതിൽ സൽമാൻ രാജാവിനും കിരീടാവകാശി അമീർ മുഹമ്മദ്​ ബിൻ സൽമാനും സ്വാലിഹ്​ അൽതുർക്കി നന്ദി പറഞ്ഞു.