മക്ക - ജിദ്ദ ഹറമൈൻ െട്രയിൻ:  അന്തിമ പരീക്ഷണ ഒാട്ടം ഇന്ന്​

ജിദ്ദ:  അൽഹറമൈൻ ട്രെയിൻ  മക്കക്കും ജിദ്ദക്കുമിടയിൽ ഇന്ന്​ നടത്തുന്ന   പരീക്ഷണ ഒാട്ടത്തിൽ മക്ക ഗവർണർ ഖാലിദ്​ അൽഫൈസൽ, ഡെപ്യൂട്ടി ഗവർണർ  അബ്​ദുല്ല ബിൻ ബന്ദർ എന്നിവർ പ​െങ്കടുക്കും. ഗതാഗത മന്ത്രി ഡോ. നബീൽ അൽ ആമൂദിയും, ഉയർന്ന ഉദ്യോഗസ്ഥരും മക്ക ഗവർണറേയും ഡെപ്യൂട്ടി ഗവർണറേയും അനുഗമിക്കും. 

അൽഹറമൈൻ റെയിൽവേ പദ്ധതി ഹജ്ജ്​^ഉംറ തീർഥാടകർക്കും സന്ദർശകർക്കും മേഖലയിലെ താമസക്കാർക്കും യാത്രക്ക്​ സജ്ജമാണെന്ന്​ ഉറപ്പുവരുത്തുന്നതി​​െൻറ ഭാഗമായാണ്​ മക്ക ഗവർണറും ഡെപ്യൂട്ടി ഗവർണറും  പ​െങ്കടുക്കുന്ന  പരീക്ഷണ ഒാട്ടം ഒരുക്കിയിരിക്കുന്നത്​. ജിദ്ദയിലെ സുലൈമാനിയ സ്​റ്റേഷനിൽ നിന്നാണ്​ യാത്ര തിരിക്കുക.  

2018^ൽ അൽഹറമൈൻ ​ട്രെയിൻ സർവീസ്​ ആരംഭിക്കുമെന്ന്​ ഗതാഗതമന്ത്രിയും പൊതുഗതാഗത അതാറിറ്റി ഭരണസമിതി മേധാവിയുമായ ഡോ. നബീൽ അൽആമൂദി പറഞ്ഞു. സുരക്ഷ സംവിധാനങ്ങളൊക്കെ പൂർണമായും ഉറപ്പുവരുത്തിയ ശേഷമായിരിക്കും ഇത്​.  മദീന റെയിൽവേ സ്​റ്റേഷൻ  സൽമാൻ രാജാവ്​ ഉദ്​ഘാടനം ചെയ്​തിട്ടുണ്ട്​. മക്ക ഗവർണർ അമീർ ഖാലിദ്​ അൽഫൈസൽ പദ്ധതി എപ്പോഴും വിലയിരുത്തുകയും ആവശ്യമായ സഹായങ്ങൾ നൽകുകയും ചെയ്​തിട്ടുണ്ട്​. പദ്ധതി നടപ്പിലാക്കു​േമ്പാൾ അഭിമുഖീകരിച്ച പല പ്രശ്​നങ്ങളും വേഗത്തിൽ പരിഹരിക്കാൻ സാധിച്ചതായും ഗതാഗത മന്ത്രി പറഞ്ഞു. 
മധ്യപൗരസ്​ത്യ മേഖലയിൽ പൊതുഗതാഗത രംഗത്തെ ഏറ്റവും വലിയ പദ്ധതിയാണ്​ ‘അൽഹറമൈൻ എക്​സ്​പ്രസ്​ ട്രെയിൻ ’ പദ്ധതിയെന്ന്​ പൊതുഗതാഗത അതോറിറ്റി മേധാവിയും സൗദി റെയിൽവേ മേധാവി ഇൻചാർജുമായ റുമൈഹ്​ ബിൻ മുഹമ്മദ്​ അൽറുമൈഹ്​ പറഞ്ഞു. 450 കിലോമീറ്റർ നീണ്ട ഇരട്ട ​ലൈനുകളോട്​ കൂടിയ പാത പൂർണമായി വൈദ്യുതിയിൽ പ്രവർത്തിക്കുന്നതാണ്​. അഞ്ച്​ സ്​റ്റേഷനുകളുണ്ട്​​. 

35 ട്രെയിനുകളുമായാണ്​  2018 ൽ സർവീസിനുണ്ടാകുക. ഒരോ ട്രെയിനിലും 417 സീറ്റുകളുണ്ടാകും. നൂതനമായ സാ​േങ്കതിക സംവിധാനങ്ങളോടും സൗകര്യങ്ങളോടും കൂടിയതാണ്​ ട്രെയിനുകളെന്നും അദ്ദേഹം പറഞ്ഞു. മക്കയിലെ സ്​റ്റേഷൻ റുസൈഫയിൽ അഞ്ച്​ ലക്ഷം ചതുരശ്രമീറ്ററിലാണ്​  ഒരുക്കിയത്​. ഹറമിൽ നിന്ന്​ നാല്​ കിലോമീറ്റർ അകലെയാണ്​ സ്​റ്റേഷൻ. മണിക്കൂറിൽ 19500 യാത്രക്കാരെ സ്വീകരിക്കാനും യാത്രയയക്കാനും കഴിയും. 
ഹറമിലേക്കുള്ള ഗതാഗതത്തിന്​  ടാക്​സി, ബസ്​ ​സ്​റ്റേഷനുമുണ്ട്​. നിർദിഷ്​ട മക്ക മെട്രോ ട്രെയിൻ പദ്ധതിയെ സ്​റ്റേഷനുമായി ബന്ധിപ്പിക്കുമെന്നും അദ്ദേഹം പറഞ്ഞു. കഴിഞ്ഞ ഒക്​ടോബർ 17^നാണ്​   അൽഹറമൈൻ ട്രെയിൻ ജിദ്ദയിൽ നിന്ന്​ മക്ക സ്​റ്റേഷനിലെത്തിയത്​.