ജിദ്ദ അന്താരാഷ്​ട്ര പുസ്​തകമേള മക്ക ഗവർണർ ഉദ്​ഘാടനം ചെയ്യും

ജിദ്ദ: നാലാമത്​ ജിദ്ദ അന്താരാഷ്​ട്ര പുസ്​തകമേള മക്ക ഗവർണർ അമീർ ഖാലിദ്​ അൽ ഫൈസൽ ഉദ്​ഘാടനം ചെയ്യും.
ഡിസംബർ 26 മ ുതൽ ജനുവരി അഞ്ച്​ വരെ അബ്​ഹുർ ജനുബിയയിലാണ്​ മേള. രാജ്യത്തിനകത്തും വിദേശത്തു നിന്നുമായി 368 പ്രസാധകർ പ​​െങ്കടുക്കും.
മെക്​സികോ, അമേരിക്ക, സുഡാൻ, പാകിസ്​താൻ, ജോർഡൻ, യമൻ, പലസ്​തീൻ, യൂറോപ്യൻ യൂനിയൻ രാജ്യങ്ങളിൽ നിന്നുള്ള പ്രസാധകരുണ്ടാകും. നാടകം, ഫോ​േട്ടാഗ്രഫി, പെയിൻറിങ്​ പ്രദർശനങ്ങളും സാംസ്​കാരിക പരിപാടികളും ​അരങ്ങേറും. ബന്ധപ്പെട്ട വകുപ്പുകൾക്ക്​ കീഴിൽ അവസാനഘട്ട ഒരുക്കങ്ങൾ ​പൂർത്തിയായിവരികയാണ്​​.