ജിദ്ദ രാജ്യാന്തര പുസ്​തകമേള: എഴുത്ത്​ വായനയുടെ ഉപോൽപ്പന്നം -സാനിയാസ്​നൈൻ ഖാന്‍ 

ജിദ്ദ: മൂന്നാമത് ജിദ്ദ അന്താരാഷ്​ട്ര പുസ്​തകമേളയിൽ പങ്കെടുക്കാന്‍ കഴിഞ്ഞത് പുതിയ അനുഭവമാണെന്ന്​ പ്രമുഖ എഴുത്തുകാരനും ഗുഡ്‌വേര്‍ഡ് ബുക്​സ്​ ഡയറക്ടറുമായ സാനിയാസ്​നൈൻ ഖാന്‍. താന്‍ പ്രസിദ്ധീകരിച്ചതും എഴുതിയതുമായ നിരവധി പുസ്തകങ്ങളുമായാണ്​ അദ്ദേഹം പുസ്തകമേളക്ക്​ എത്തിയത്​. 
വായനയുടെ ഒരു ഉപോല്‍പന്നമാണ് എഴുത്ത് എന്നും താൻ ഇതുവരെ എഴുതിയ നൂറോളം പുസ്​തകങ്ങൾ നിരന്തരവായനയുടെ ഫലമാണെന്നും അദ്ദേഹം ‘ഗൾഫ്​ മാധ്യമ’ത്തോട്​ പറഞ്ഞു. മറ്റു എഴുത്തുകാരുടേതടക്കം ആയിരത്തോളം പുസ്തകങ്ങള്‍ ഗുഡ്‌വേര്‍ഡ് പ്രസിദ്ധീകരിച്ചിട്ടുണ്ട്​. ജാതി മത ഭേദമന്യേ എല്ലാ വിഭാഗക്കാരില്‍ നിന്നും നല്ല പ്രതികരണമാണ് ഗുഡ്‌വേര്‍ഡ് പ്രസിദ്ധീകരിച്ച പുസ്തകങ്ങള്‍ക്ക് ലഭിക്കുന്നത്​. ഇസ്‌ലാമിക പാഠങ്ങള്‍, മൈ ഫസ്​റ്റ്​ ഖുര്‍ആന്‍, പ്രവാചകനെ കുറിച്ച കഥകള്‍ തുടങ്ങിയവ വായനക്കാരെ കൂടുതല്‍ ആകര്‍ഷിച്ച കൃതികളാണ്. ജിദ്ദയില്‍ ഇതാദ്യമായാണ്​ പ്രദർശനത്തിനെത്തുന്നതെന്നും അദ്ദേഹം പറഞ്ഞു. 

അറബി ഭാഷയിലേക്ക് കൂടി പുസ്തകം വിവര്‍ത്തനം ചെയ്യാൻ സൗദിയിൽ നിന്ന്​ ഉള്‍പ്പടെ ആവശ്യം ഉയരുന്നുണ്ട്​. ത​​െൻറ ചില പുസ്തകങ്ങള്‍ ഇതിനകം മലയാളത്തിലേക്ക് വിവര്‍ത്തനം ചെയ്തിട്ടുണ്ട്​. ധാർമിക മൂല്യങ്ങള്‍ ഉയര്‍ത്തിപിടക്കുന്ന പുസ്തകങ്ങളുടെ അഭാവം പ്രകടമാണ്​. കുട്ടികളോട് ഇത് ചെയ്യ്, അത് ചെയ്യരുത് തുടങ്ങിയ കല്‍പനരീതികളുടെ കാലം അസ്തമിച്ചു കഴിഞ്ഞു. കുട്ടികളെ പ്രചോദിപ്പിച്ച് കൊണ്ട് അവരെ കർമ മണ്ഡലത്തിലേക്ക് എത്തിക്കുകയാണ് പ്രധാനം.  സമാധാനപ്രിയരായ ഒരു തലമുറയെ നല്ല ചരിത്ര കഥകളിലൂടെ വാര്‍ത്തെടുക്കാന്‍ കഴിയുമെന്നും അദ്ദേഹം പറഞ്ഞു. 
ഉത്തർപ്രദേശിലെ അസംഗഢ്​ സ്വ​ദേശിയായ സാനിയസ്​നൈൻ ഖാൻ അറിയപ്പെടുന്ന ബാല​ ഗ്രന്ഥകാരനാണ്​. കുട്ടികൾക്കായുള്ള നൂറിലേറെ പുസ്​തകങ്ങൾ അദ്ദേഹം രചിച്ചിട്ടുണ്ട്​. 

അദ്ദേഹത്തി​​െൻറ പുസ്​തകങ്ങൾ ​ഫ്രഞ്ച്​, ജർമൻ, ടർക്കിഷ്​, ഡാനിഷ്​ റഷ്യൻ, ഉസ്​ബെക്​ തുടങ്ങി 25 ലേറെ ഭാഷകളിൽ വിവർത്തനം ചെയ്​തിട്ടുണ്ട്​. ആത്​മീയ വിഷയങ്ങൾ കൈകാര്യം ചെയ്യുന്ന ടി.വി പരിപാടിയും അദ്ദേഹം നടത്തുന്നു. അട​ുത്തിടെ ലിംക ബുക്​ ഒാഫ്​ വേൾഡ്​ റെക്കോഡ്​സ്​ അദ്ദേഹത്തെ ആദരിച്ചിരുന്നു. 
സാനിയാസ്​നൈൻ ഖാ​​െൻറ ‘ദ സ്​റ്റോറി ഒാഫ്​ ഖദീജ’ എന്ന പുസ്​തകത്തിന്​ ഷാർജ പുസ്​തകമേളയിൽ ചിൽഡ്രൻസ്​ ബുക്​ അവാർഡും ലഭിച്ചു. 
അമേരിക്കയിലെ ജോർജ്​ വാഷിങ്​ടൺ സർവകലാശാല തെരഞ്ഞെടുത്ത ലോക​ത്തെ ഏറ്റവും സ്വാധീനശേഷിയുള്ള 500 മുസ്​ലിങ്ങളിൽ അദ്ദേഹത്തി​​െൻറ പേരുമുണ്ട്​. പ്രശസ്​ത പണ്ഡിതനും പത്​മഭൂഷൺ ജേതാവുമായ മൗലാന വഹീദുദ്ദീൻ ഖാ​​െൻറ മകനാണ്​.