ജിദ്ദ അൽസലാമ ഏരിയ കെ.എം.സി.സി സമ്മേളനം സംഘടിപ്പിച്ചു

ജിദ്ദ: 'കെ.എം.സി.സിയിൽ അംഗമാവുക, പ്രവാസത്തിെൻറ നന്മയാവുക' എന്ന പ്രമേയത്തിൽ കെ.എം.സി.സി സൗദി നാഷനൽ കമ്മിറ്റിക്ക് കീഴിൽ നടന്നു വരുന്ന അംഗത്വ കാമ്പയിെൻറ ഭാഗമായി ജിദ്ദ അൽസലാമ ഏരിയാ സമ്മേളനം സംഘടിപ്പിച്ചു. സെൻട്രൽ കമ്മിറ്റി ജനറൽ സെക്രട്ടറി അബൂബക്കർ അരിമ്പ്ര ഉദ്ഘാടനം ചെയ്തു.

അയ്യൂബ് മുണ്ടോടൻ അധ്യക്ഷത വഹിച്ചു. മലപ്പുറം ജില്ല യൂത്ത്‌ ലീഗ് പ്രസിഡൻറ് ശരീഫ് കുറ്റൂർ മുഖ്യപ്രഭാഷണം നടത്തി. പി.എൻ.സി. സലാം റിപ്പോർട്ട് അവതരണം നടത്തി. അഹ്‌മദ്‌ പാളയാട്ട് റിട്ടേണിംങ് ഓഫിസറും സുൽഫീക്കർ ഒതായി, ജലാൽ തേഞ്ഞിപ്പലം എന്നിവർ നിരീക്ഷകരുമായി നടന്ന തെരഞ്ഞെടുപ്പിൽ കമ്മിറ്റിക്ക് പുതിയ ഭാരവാഹികളെ തെരഞ്ഞെടുത്തു. റഷീദ് സ്വാഗതവും ഹാരിസ് പൂക്കോട്ടൂർ നന്ദിയും പറഞ്ഞു. സാദിക്ക് ഫൈസി ഖിറാഅത്ത് നടത്തി.

ഭാരവാഹികൾ: കെ.സി അബൂബക്കർ എടവണ്ണ (പ്രസി.), ഹാരിസ് പൂക്കോട്ടൂർ (ജന. സെക്രട്ടറി), അയ്യൂബ് മുണ്ടോടൻ മൊറയൂർ (ട്രഷ.), റഷീദ് പറങ്ങോടത്ത് (ചെയർ.), ഷഫീക് കൊണ്ടോട്ടി, ജലീൽ ചെമ്മണിയോട്, അബ്ദുൽ സലാം ഡെലിഷ്യ, പി.എൻ.സി. സലാം (വൈ. പ്രസി.), മുരളി സ്റ്റുഡിയോ, നൗഷാദ് കുറുവ, ഇസ്ഹാഖ് കാരാതോട്, മുസ്തഫ വളാഞ്ചേരി (സെക്ര.), അബൂബക്കർ ഒഴുകൂർ, സമീർ പാലാപറ്റ, നസീറുദ്ധീൻ കൽപകഞ്ചേരി, സക്കീർ പാണക്കാട് (ഉപദേശക സമിതി).