ജിദ്ദയി​ൽ പൊതുമേഖല ജീവനക്കാർ ജോലിക്ക്​ വരേണ്ട; സ്വകാര്യമേഖലയിൽ ഉച്ചക്ക്​ മൂന്നുവരെ മാത്രം ജോലി

ജിദ്ദ: ​ജിദ്ദ മേഖലയിൽ കർഫ്യൂ ഇളവ്​ ഭാഗികമായി പിൻവലിച്ച പശ്ചാത്തലത്തിൽ ശനിയാഴ്​ച മുതൽ 15 ദിവസത്തേക്ക്​ പൊതുമേഖലക്ക്​ അവധി നൽകി. സ്വകാര്യ  മേഖലയിൽ ഉച്ചകഴിഞ്ഞ്​ മൂന്നുവരെ മാത്രം ജോലി. ഇൗ 15 ദിവസവും ഉച്ചക്ക്​ ശേഷം​ മൂന്ന്​ മുതൽ പുലർച്ചെ ആറ്​ വരെ കർഫ്യു ഏർപ്പെടുത്തിയതിനെ തുടർന്ന്​​ മാനവിഭവ  ശേഷി മന്ത്രാലയം ജോലിക്ക്​ ആളുകൾ ഹാജരാകുന്നത്​​ സംബന്ധിച്ച്​​ പുതിയ വിശദീകരണം പുറത്തിറക്കി​.

1. ജിദ്ദ മേഖലയിലെ പൊതുമേഖല സ്​ഥാപനങ്ങളിലെ ജീവനക്കാർ​ ജോലിക്ക്​ വരേണ്ടതില്ല. വകുപ്പു മേധാവികളും അവർക്ക്​ മുകളിലുള്ള ഉദ്യോഗസ്​ഥരും മാത്രം  ഹാജരായാൽ മതി. മക്ക മേഖലയിൽ പൊതുമേഖല ജീവനക്കാർക്കും അവധി തുടരും. മറ്റ്​ മേഖലകളിലെ പൊതുമേഖല സ്​ഥാപനങ്ങളിലുള്ള മൊത്തം ജീവനക്കാരിൽ 50  ശതമാനം വരെ ജോലിക്കെത്തിയാൽ മതിയാകും. ബാക്കിയുള്ളവർ വിദൂര സാ​േങ്കതിക സംവിധാനത്തിലിരുന്നു ജോലി ചെയ്യണം.

2. സ്വകാര്യമേഖലയിൽ ജിദ്ദ ഒഴികെയുള്ള മേഖലകളിൽ നിലവിലുള്ള പോലെ ജോലി തുടരും. ജിദ്ദയിൽ ഉച്ചക്ക്​ ശേഷം മൂന്ന്​ വരെ മാത്രം ജോലി ചെയ്​താൽ മതിയാകും.

കോവിഡ്​ വ്യാപനം തടയാൻ ദേശീയ രോഗ പ്രതിരോധ കൺട്രോൾ വെബ്​സൈറ്റിൽ പ്രസിദ്ധീകരിച്ച ആരോഗ്യ മുൻകരുതൽ പ്രോ​േട്ടാകോളുകൾ ഗവൺമ​െൻറ്​, സ്വ​കാര്യ  മേഖലയിലെ ജീവനക്കാർ മുഴുവൻ പാലിക്കണം. അങ്ങനെ ചെയ്യുന്നു​ണ്ടോ എന്ന്​ സ്ഥാപനം നടത്തിപ്പുകാരും വകുപ്പു മേധാവികളും ഉറപ്പുവരുത്തണമെന്നും മാനവിഭവ  ശേഷി മന്ത്രാലയം ആവശ്യപ്പെട്ടു.