ആവ​ശ്യക്കാരേറെ; ‘ജെറാദുകൾ’ ദമ്മാം മാർക്കറ്റിലും

ദമ്മാം: തണുപ്പുകാലങ്ങളിൽ സൗദിയുടെ തോട്ടം മേഖലകളിലേക്ക്​ സംഘമായെത്തുന്ന ജറാദ്​ എന്ന വെട്ടുകിളികൾ വിൽപനക്ക ായി ദമ്മാമിലെ മാർക്കറ്റിലും. നിരവധി സ്വദേശികളാണ്​ ഇവ വാങ്ങാൻ എത്തുന്നത്​. ഒരു കിറ്റിന്​ 60​ റിയാലണ്​ വില. ഹഫറൽ ബ ാത്വിൻ, ഖഫ്​ജി, ബുറൈദ തുടങ്ങിയ ഭാഗങ്ങളിൽ നിന്നാണ്​ ഇത്​ എത്തുന്നത്​. തണുപ്പു കാലങ്ങളിൽ മരുഭൂയാത്രകൾ നടത്തുന്ന സ്വദേശി സംഘങ്ങൾക്ക്​ പ്രിയപ്പെട്ട വിഭവമാണ്​ ജറാദുകൾ. പച്ചക്കും, കനലിൽ ചു​െട്ടടുത്തും ഇതിനെ കഴിക്കാറുണ്ട്​്​. തല ഒഴിവാക്കി, ഉടലിൽ അമർത്തു​േമ്പാൾ പുറത്തുവരുന്ന പ്രത്യേക മാംസമാണ്​ ഇതി​​​​െൻറ പ്രത്യേകത. അതീവ രുചികരം എന്നതിനപ്പുറം നിരവധി രോഗങ്ങൾക്കുള്ള ഒൗഷധമായും അറബികൾ ഇത്​ ഭക്ഷിക്കുന്നു.

സൗദിയുടെ പഴയകാല ജീവിതത്തിൽ കാലവസ്​ഥാപ്രവചനം സൂചിപ്പിച്ചിരുന്നത്​ ഇൗ കിളികളുടെ വരവാണത്രെ. ഇന്നും പ്രദേശങ്ങളിൽ ജറാദുകളെ കണ്ടു തുടങ്ങു​േമ്പാഴേക്കും തണുപ്പെത്താറായി എന്ന്​ പഴമക്കാർ പ്രവചിക്കാറുണ്ട്​. വലിയ സംഘമായാണ്​ ജറാദുകൾ എത്തുന്നത്​. ഒറ്റയടിക്ക്​ ഒരു തോട്ടമൊക്കെ നശിപ്പിക്കാൻ ഇൗ സംഘത്തിനാകുമെങ്കിലും ഇതിനെ ഫലപ്രദമായി തടയാനുള്ള മാർഗങ്ങൾ കർഷകർ അവലംബിക്കാറുണ്ട്​. ഫലങ്ങളുടെ പരാഗണ സഹായിയായും ഇൗ കിളികൾ ഉപകാരപ്പെടാറുണ്ട്​. രാത്രിയാകുന്നതോടെ കൂട്ടമായി ഭൂമിയിൽ പതുങ്ങിയിരിക്കുന്ന ഇവകളെ തൂത്തുവാരി ചെറിയ നെറ്റ്​ സഞ്ചികളിലാക്കിയാണ്​ വിൽപന. സീസണുകളിൽ ഇതി​​​​െൻറ വിൽപന നടത്തുന്ന പ്രത്യേക കച്ചവടക്കാർ തന്നെയുണ്ട്​. ചെറിയ കമ്പികളിൽ കൊരുത്ത്​ കനലിൽ ചു​െട്ടടുത്ത്​ കഴിക്കുകയാണ്​ രീതി.

തണുപ്പു കാലങ്ങളിലെ അവധി ദിവസങ്ങളിൽ സ്വദേശികൾ മരുഭൂമിയിൽ ഒരുക്കുന്ന ട​​​െൻറുകളിൽ ഒത്തു കൂടാറുണ്ട്​. സൗദിയുടെ പ്രാചീന ജീവിത രീതികളിലേക്കുള്ള മടങ്ങിപ്പോക്കും, ഒാർത്തെടുക്കലും കൂടിയാണിത്​. അവിടെ വെച്ചാണ്​ ​െജറാദുകളെ പാകം ചെയ്​ത്​ കഴിക്കുന്നത്​. ഹഫറിൽ നിന്നും, ഖഫ്​ജിയിൽ നിന്നുമൊക്കെ 500 ലധികം കിലോമീറ്ററുകൾ താണ്ടിയാണ്​ കച്ചവടക്കാർ ദമ്മാം മാർക്കറ്റിൽ എത്തുന്നത്​. 20 വർഷത്തിലേറെയായി ഇൗ സീസണിൽ ജെറാദുകളുമായി ദമ്മാം മാർക്കറ്റിൽ എത്താറുണ്ടെന്ന്​ ഹഫറിൽ നിന്ന്​ വന്ന അയ്​മൻ അൽ ഖതാനി പറഞ്ഞു. മിക്കവാറും ഒറ്റ ദിവസം കൊണ്ടുതന്നെ 200 ലധികം കീസുകൾ വിറ്റുപോകുമെന്നും അദ്ദേഹം പറഞ്ഞു. പഴയ തലമുറയിലുള്ളവർ ഇതിനെ കഴിക്കാൻ പുതിയ തലമുറയിലുള്ളവരെ നിർബന്ധിക്കാറുണ്ടെന്നും അവർ ഇതി​​​​െൻറ ഗുണം മനസ്സിലാക്കിയതു കാരണമാണ്​ ഇൗ നിർബന്ധിക്കലെന്നും അദ്ദേഹം പറഞ്ഞു. ജറാദുകളെ കാണാൻ നിരവധി വിദേശികളും മാർക്കറ്റിൽ വരുന്നുണ്ട്​.