സന്തോഷങ്ങളുടെ സൗദിവർഷം

സന്തോഷങ്ങളുടെ വർഷമായിരുന്നു​ സൗദി അറേബ്യക്ക്​ 2018. ഒപ്പം ചരിത്രം രേഖപ്പെടുത്തിയ വൻ മാറ്റങ്ങളുടെയും. ലോകം ശ്രദ്ധിച്ച സഭവങ്ങൾക്ക്​ സാക്ഷ്യം വഹിച്ചു രാജ്യം. വനിതകൾ വാഹനമോടിച്ച്​ റോഡിലിറങ്ങിയതു​ം 35 വർഷത്തെ ഇടവേളക്ക്​ ശേഷം സിനിമാശാലകൾ തുറന്നതും സാമൂഹിക സാംസ്​കാരികമേഖലയെ മാറ്റിമറിച്ചു. പരിസ്​ഥിതി സംരക്ഷണത്തെ കുറിച്ച്​ ചിന്തിച്ചു തുടങ്ങിയതും നിർണായക ചുവടുവെപ്പുകൾ ആരംഭിച്ചതും ശ്രദ്ധേയമായി. 2018^ൽ സൗദിയിൽ നടന്ന അറബ്​ ഉച്ചകോടിയുടെ പ്രാഥമിക ചർച്ചകളിൽ പരിസ്​ഥിതി വിഷയമായി. ലോകകപ്പ്​ ഫുട്​ബാളിൽ സൗദി അറേബ്യ സാന്നിധ്യമറിയിച്ചത്​ ​2018 ​​​െൻറ ഒാർമകളിൽ എന്നുമുണ്ടാവും. ടൂറിസം മേഖലയിലെ സ്വപ്​ന പദ്ധതിയായ ക്വിദ്ദിയ്യക്ക്​ റിയാദിൽ പ്രവൃത്തിയാരംഭിച്ച വർഷമാണിത്​. സോളാർ എനർജി പദ്ധതികൾക്ക്​ തുടക്കമിട്ടത്​ ഉൗർജമേഖലയിലെ വലിയ മാറ്റം.

റഷ്യയുമായി സഹകരിച്ച്​ ആണവോർജ പദ്ധതിക്ക്​ തുടക്കം കുറിച്ച വർഷമായിരുന്നു 2018. ലോകത്തെ ഏറ്റവും വലിയ മനഷ്യ മഹാസംഗമമായ ഹജ്ജ്​ ഇൗ വർഷവും വൻ വിജയകരമായി പൂർത്തിയായി. ലോകത്തി​​​െൻറ നാനാഭാഗത്ത്​ നിന്നെത്തിയ 24 ലക്ഷത്തോളം പേർ വലിയ അനിഷ്​ട സംഭവങ്ങളൊന്നുമില്ലാതെ ഹജ്ജ്​ നിർവഹിച്ചു മടങ്ങി.തൊഴിൽ മേഖലയിൽ സ്വദേശിവത്​കരണത്തി​​​െൻറയും വനിതാവത്​കരണത്തി​​​െൻറയും പരമ്പരകൾക്ക്​ തുടക്കമായി. വിദേശികൾക്ക്​ ആധിപത്യമുണ്ടായിരുന്ന 12 ഒാളം വ്യാപാര മേഖലയിൽ സെപ്​റ്റംബർ നവംബർ മാസങ്ങളിൽ സമഗ്ര സ്വദേശിവത്​കരണ പദ്ധതികൾക്ക്​ തുടക്കം കുറിച്ചു. ലേഡീസ്​ ഒാൺലി കടകളിൽ ജോലി വനിതകൾക്ക്​ മാത്രമായിരിക്കണമെന്ന നിയമം കർശനമാക്കി. എണ്ണേതര വരുമാനം ലക്ഷ്യം വെച്ച് രാജ്യത്തി​​​െൻറ മുക്കു മൂലകളില്‍ വരെ വിനോദ പരിപാടികൾ നടന്നു. ഫോർമുല ഇ കാറോട്ടമത്സരവും അന്താരാഷ്​ട്ര ഫുട്​ബാള്‍ മത്സരങ്ങളും ഇതി​​​െൻറ ഭാഗമായി നടന്നു.‍

മക്കയെയും മദീനയെയും ബന്ധിപ്പിച്ച്​ മണിക്കൂറില്‍ 300 കി.മീ വേഗത്തില്‍ ഹറമൈന്‍ ട്രെയിന്‍ പാഞ്ഞു തുടങ്ങിയത് 2018 ഒക്ടോബറിലാണ്​‍. രാജ്യത്തെ റെയിൽവേ വികസനത്തിലെ നാഴികക്കല്ല്​ എന്നതിനപ്പുറം ലോകത്തെ ഇസ്​ലാംമത വിശ്വാസികൾ ശ്രദ്ധിച്ച വാർത്തയായിരുന്നു ഇത്​.
സൗദി അറേബ്യയുടെ തലസ്​ഥാനമായ റിയാദിലേക്ക്​ നിരവധി തവണ ഹൂതി മിസൈലാക്രമണം നടന്ന വർഷമാണ്​ പിന്നിട്ടത്​. അവയെല്ലാം സൗദിയുടെ സൈനികസംവിധാനങ്ങൾ തരിപ്പണമാക്കി. മിസൈലി​​​െൻറ അവശിഷ്​ടം പതിച്ച്​ ഒരു വിദേശി റിയാദിൽ മരിച്ചു. അതേസമയം അതിർത്തിദേശങ്ങളായ ജീസാൻ അബഹ, നജ്​റാൻ എന്നിവിടങ്ങളിലേക്ക്​ യമനിൽ നിന്ന്​ ഹൂതികളുടെ നിരവധി ആക്രമണങ്ങളുണ്ടായിരുന്നു.
വിഷൻ 2030​​​െൻറ ഭാഗമായി രണ്ടാമത്​ റിയാദ്​ ആഗോള നിക്ഷേപകസംഗമം നടന്നു. ശതകോടികളുടെവികസന നിക്ഷേപ പദ്ധതികൾക്ക്​ ധാരണയും കരാറും പിറന്നു.

ഈജിപ്തി​​​െൻറ കൈവശവുമുള്ള തിറാൻ, സനാഫിർ ദ്വീപുകള്‍ സൗദിക്ക് നല്‍കാന്‍ ഈജിപ്ത് സുപ്രീംകോടതി ഉത്തരവിട്ടു. സൗദിക്ക് ദ്വീപ് നല്‍കാനുള്ള നീക്കം തടഞ്ഞ എല്ലാ കോടതി ഉത്തരവുകളും ഈജിപ്ത് സുപ്രീം കോടതി റദ്ദ് ചെയ്യുകയായിരുന്നു. ചെങ്കടലില്‍ ഈജിപ്തി​​​െൻറ അധീനതയിലുള്ള രണ്ട് ദ്വീപുകളാണ് തിറാനും സനാഫിറും. സൗദി കിരീടാവകാശിയുടെ മാർച്ച്​ മാസത്തെ യൂറോപ്പ്​ സന്ദർശനം വാർത്തകളിലിടം നേടി. ബ്രിട്ടൻ സന്ദർശനത്തി​​​െൻറ ഭാഗമായി സൗദി^ബ്രിട്ടീഷ്​ സ്​ഥാപനങ്ങൾ ഒപ്പിട്ടത്​ 18 കരാറുകളിലായിരുന്നു. ആരോഗ്യം, നിക്ഷേപം, ഉൗർജം, നവീന സാ​േങ്കതിക വിദ്യ എന്നീ രംഗങ്ങളിലാണ്​ കരാറുകൾ പിറന്നത്​.

ബ്രിട്ടനിൽ സന്ദർശനം നടത്തിയ കിരീടാവകാശി അമീർ മുഹമ്മദ്​ ബിൻ സൽമാൻ ആംഗ്ലിക്കൻ സഭ ആസ്​ഥാനത്തെത്തി. ലണ്ടനിലെ സഭ ആസ്​ഥാനമായ ലാംബിത്​ പാലസിൽ​ കാൻറർബെറി ആർച്ച്​ ബിഷപ്പ്​ ജസ്​റ്റിൻ വിൽബിയുമായി അദ്ദേഹം കൂടിക്കാഴ്​ച നടത്തി. ഇതെല്ലാം ചരി​ത്രപ്രധാനമായി.
കൈറോ സന്ദർശിച്ച കിരീടാവകാശി കോപ്​റ്റിക്​ പോപ്​ തവദ്രൂസ്​ രണ്ടാമനെയും സന്ദർശിച്ചിരുന്നു. മാർച്ച്​ 20നായിരുന്നു കിരീടാവകാശിയുടെ ശ്രദ്ധേയമായ അമേരിക്കൻ സന്ദർശനം.

നിരവധികരാറുകൾ അമേരിക്കയും സൗദിയുമായി ഒപ്പിട്ടു. സൗദി മാധ്യമപ്രവർത്തകൻ ഖശോഖി തുർക്കിയിലെ സൗദി കോൺസുലേറ്റിൽ കൊല്ലപ്പെട്ട സംഭവം സൗദിയെ വിവാദത്തിൽ അകപ്പെടുത്തിയെങ്കിലും അതിനെ ശക്​തമായ നിലപാടുകളിലൂടെ സൗദി അതിജയിച്ചു.
കിരീടാവകാശിയുടെ അറബ്​ രാഷ്​ട്ര പര്യടനവും ജി.സി.സി ഉച്ചകോടിക്ക്​ റിയാദ്​ സാക്ഷ്യം വഹിച്ചതും സൗദിയുടെ അയൽരാഷ്​ട്ര ബന്ധങ്ങൾക്ക്​ തിളക്കം പകർന്നു. രാജാവി​​​െൻറയും കിരീടാവകാശിയുടെയും ആഭ്യന്തര പര്യടനങ്ങളും ജനകീയവികസനപദ്ധതികളുടെ പ്രഖ്യാപനങ്ങളും ശ്രദ്ധിക്കപ്പെട്ടു.
വലിയ കാലാവസ്​ഥ വ്യതിയാനത്തി​​​െൻറ വർഷമായിരുന്നു സൗദിക്കിത്​. അസാധാരണമായ മഴക്കാലം മരുഭൂമിയെ കുളിരണിയിച്ചു. അതേ സമയം വെള്ളപ്പൊക്കക്കെടുതികളും മരണങ്ങളും ദുഃഖമുളവാക്കി.

രാജ്യത്തി​​​െൻറ ഏറ്റവുംവലിയ പൈതൃകോൽസവത്തിന് 2018ൽ രണ്ട്​ തവണ കൊടിയുയർന്നു. ഫെബ്രുവരിയിലാണ്​ ആദ്യമേള അരങ്ങേറിയത്​. ഇന്ത്യയായിരുന്നു അതിഥി രാജ്യം. ഇന്ത്യൻ പ്രവാസികളടക്കം ലക്ഷക്കണക്കിനാളുകൾ മേളയിലേ​ക്കൊഴുകി. ജനാദിരിയ ഫെസ്​റ്റിവൽ ഡിസംബറിൽ തന്നെ ആരംഭിക്കാൻ തീരുമാനിച്ചതിനാൽ 2018 ^ൽ വീണ്ടും ഉൽസവത്തിന്​ കൊടിയേറി. 2018ലെ സൗദി ദേശീയദിനാഘോഷവും ചരിത്രം രചിച്ചിരുന്നു. ജനങ്ങൾ ഇത്രമാത്രം ആഘോഷവുമായി തെരുവിലിറങ്ങിയ അനുഭവം മുമ്പുണ്ടായിരുന്നില്ല.സാമ്പത്തിക മേഖലയിൽ വൻമാറ്റങ്ങൾ ദൃശ്യമായി. എണ്ണയിതരവരുമാനം കുത്തനെ കൂടി. കമ്മി കുറഞ്ഞ ബജറ്റ്​ ചരിത്രമായി. വൻകിട ധനകാര്യ സ്​ഥാപനങ്ങൾ ലയിച്ച്​ ശക്​തരായി. ജി.സി.സി രാജ്യങ്ങളിൽ ആദ്യം മൂല്യവർധിതനികുതി വിജയകരമായി നടപ്പാക്കി.2015 മുതൽ ആരംഭിച്ച യമൻ ആഭ്യന്തരയുദ്ധം അവസാനിപ്പിക്കാനുള്ള സമാധാനചർച്ചക്ക് സൗദി നേതൃത്വം നൽകുന്ന അറബ്​ സഖ്യസേന എല്ലാ പിന്തുണയും പ്രഖ്യാപിച്ചു. റിയാദിൽ വെടിനിർത്തൽ പ്രഖ്യാപനം നടന്നു.