ഇന്തോനേഷ്യ അതിഥി രാജ്യം ജനാദിരിയ പൈതൃകോത്സവം 20ന്​ തുടങ്ങും

റിയാദ്​: ലോകത്തെ ഏറ്റവും വലിയ പൈതൃക സാംസ്​കാരികോത്സവമായ സൗദി അറേബ്യയിലെ ‘ജനാദിരിയ’യുടെ 33ാം പതിപ്പിന്​ ഇൗ മാസം 20ന്​ തുടക്കമാകും. ‘വഫാഹ്​ വ വലാഹ്​’ (ദൃഢവിശ്വാസവും ഭക്തിയും) എന്ന മുദ്രാവാക്യത്തോടെയാണ്​ 21 ദിവസം നീളുന്ന സൗദിയുടെ സ്വന്തം പൈതൃകോത്സവം തലസ്ഥാന നഗരത്തിലെ ജനാദിരിയ ഗ്രാമത്തിൽ അരങ്ങേറുന്നത്​. ജനുവരി ഒമ്പതിന്​ അവസാനിക്കും. നാഷനൽ ഗാർഡ്​ മന്ത്രാലയമാണ്​ സംഘാടകർ. ഒാരോവർഷവും ഒരു വിദേശരാജ്യത്തെ അഥിതി രാജ്യമാക്കി ആദരിക്കും. അതിഥി രാജ്യത്തി​​​െൻറയും ആതിഥ്യമരുളുന്ന രാജ്യത്തി​​​െൻറയും സാംസ്കാരിക ആഘോഷങ്ങളുടെ വിനിമയം കൂടിയാണ്​ ഇൗ പൈതൃകമേള. കഴിഞ്ഞ വർഷം ഇന്ത്യയായിരുന്നു. ഇത്തവണ ഇന്തോനേഷ്യയാണ്​. അതിഥി രാജ്യത്തിന്​ ഉത്സവ നഗരിയിൽ അവരുടെ​ ചരിത്ര, പാരമ്പര്യ സാംസ്​കാരിക സവിശേഷതകൾ വിളിച്ചോതുന്ന സ്വന്തം പവിലിയനൊരുക്കാനും തനത്​ കലാസാംസ്​കാരിക പരിപാടികൾ അവതരിപ്പിക്കാൻ വേദിയും അനുവദിക്കും.

ഉദ്​ഘാടനം ഉൾപ്പെടെ ചടങ്ങുകളിലെല്ലാം അതിഥി രാജ്യത്തിന്​ തുല്യ പ്രാധാന്യം നൽകും. കഴിഞ്ഞ വർഷം ഉദ്​ഘാടനത്തിന്​ ഇന്ത്യൻ വിദേശകാര്യ മന്ത്രി സുഷമ സ്വരാജും ഇന്ത്യൻ ഒരുക്കങ്ങളുടെ മേൽനോട്ടത്തിന്​ സഹമന്ത്രി വി.കെ സിങ്ങും എത്തിയിരുന്നു. ഇത്തവണ ഇന്തോനേഷ്യന്‍ ഭരണ തലത്തിലുള്ളവര്‍ ആഘോഷം നേരിട്ട് വീക്ഷിക്കാനെത്തും. സൗദിയിലെ 13 പ്രവിശ്യകളുടേയും തനത്​ കലാരൂപങ്ങള്‍ പൈതൃകോത്സവത്തില്‍ അരങ്ങേറും. അതിഥി രാജ്യത്തിന്​ പുറമെ എല്ലാവർഷവും ജി.സി.സി രാജ്യങ്ങളുടെ പങ്കാളിത്തമുണ്ടാവാറുണ്ട്​. ഇൗ വർഷം പ്രദ​ർശന സ്​റ്റാളുകളും കലാപരിപാടികളുമായി വമ്പിച്ച പ്രാതിനിധ്യവുമായി യു.എ.ഇയും ഒമാനും ബഹ്​റൈനുമുണ്ടാവും. ജി.സി.സി, അറബ്​ രാജ്യങ്ങളിൽ നിന്നും ഉന്നതതല ഒൗദ്യോഗിക സംഘങ്ങളുമെത്തും. പ്രശസ്​ത അറബ്​ ഗായകരായ മുഹമ്മദ്​ അബ്​ദുവി​​​െൻറയും റാഷിദ്​ അൽമാജിദി​​​െൻറയും ‘തിലാൽ യാ യാത്​’ എന്ന സംഗീത പരിപാടിയാണ്​ ഇത്തവണത്തെ പ്രധാന ആകർഷകങ്ങളിലൊന്ന്​.

അറബ്​ പോപ്പ്​ ഗായകൻ മസാൽ ഫർഹാനും ഇതാദ്യമായി ജനാദിരിയ ​അരങ്ങിലെത്തും. ഒട്ടക ഒാട്ടമത്സരത്തി​​​െൻറ പൊടിപാറലോടെയാണ്​​ ഉത്സവത്തിന്​ തുടക്കം കുറിക്കുന്നത്​. 50ലേറെ സൗദി ഗവൺമ​​െൻറ്​ സ്ഥാപനങ്ങളും ഇതര ഏജൻസികളും സ്വന്തം പ്രദർശന നഗരികളുമായി ഉത്സവത്തിന്​ പൊലിമയേറ്റാൻ പങ്കാളികളാവും. രാജ്യത്തി​​​െൻറ തനത്​ പാരമ്പര്യ കലാരൂപങ്ങൾ എല്ലാം അരങ്ങേറും. പ്രശസ്​തരായ ​സൗദി, യു.എ.ഇ, കുവൈത്തി കവികൾ പ​െങ്കടുക്കുന്ന കവിയരങ്ങുകളും പ്രധാന പരിപാടിയാണ്​. ലക്ഷക്കണക്കിന്​ ആളുകളാണ്​ എല്ലാവർഷവും ഉത്സവം കാണാനെത്തുക. ഇത്തവണ ജനപങ്കാളിത്തത്തിൽ പുതിയ ചരിത്രം സൃഷ്​ടിക്കും എന്നാണ്​ സംഘാടകർ പ്രതീക്ഷിക്കുന്നത്​.