ജനാദി​രിയ ഫെസ്​റ്റ്​: വി.കെ സിങി​െൻറ നേതൃത്വത്തിൽ ഇന്ത്യൻ സംഘം റിയാദിൽ ; സുഷമ സ്വരാജ്​ ചൊവ്വാഴ്​ച എത്തും

റിയാദ്​: ജനാദി​രിയ ഫെസ്​റ്റിവലിൽ അതിഥിരാജ്യമായ ഇന്ത്യയുടെ ആദ്യപ്രതിനിധി സംഘം വിദേശകാര്യ സഹമന്ത്രി വി.കെ സിങി​​െൻറ നേതൃത്വത്തിൽ റിയാദിലെത്തി. ശനിയാഴ്​ച ഉച്ചയോടെയാണ്​ സംഘമെത്തിയത്​. സൗദി പ്രോ​േട്ടാകാൾ ഉദ്യോഗസ്​ഥരും അംബാസഡറുടെ നേതൃത്വത്തിലുള്ള ഇന്ത്യൻ എംബസി വൃത്തങ്ങളും  സംഘത്തെ സ്വീകരിച്ചു. ജനാദിരിയയിലെ ഇന്ത്യൻ പവലിയൻ  വി.കെ സിങ്​ സന്ദർശിച്ച്​ ഒരുക്കങ്ങൾ വിലയിരുത്തി. ഞായറാഴ്​ച രാവിലെ നാഷനൽ ഗാർഡ്​ മന്ത്രി അമീർ ഖാലിദ്​ ബിൻ അബ്​ദുൽ അസീസ്​ അൽ അയ്യാഫുമായി ​വി.കെ.സിങ്​ കൂടിക്കാഴ്​ച നടത്തും.

അതിനിടെ നാഷനൽ ഗാർഡ്​ മന്ത്രി  ശനിയാഴ്​ച ഇന്ത്യൻ പവലിയൻ സന്ദർശിച്ചു. ഇന്ത്യൻ വിദേശ കാര്യമന്ത്രി സുഷമ സ്വരാജ്​ മേളയിൽ പ​െങ്കടുക്കുന്നതിന്​ ചൊവ്വാഴ്​ച റിയാദിലെത്തും. അതിന്​ മുന്നോടിയായാണ്​ വി.കെ സിങി​​െൻറ സന്ദർശനം.  ഫെബ്രുവരി ഏഴിന്​ തുടങ്ങുന്ന അറേബ്യൻ പൈതൃകോൽസവത്തിൽ ഇന്ത്യ അതിഥിരാജ്യമാവുന്നത്​ ഇന്ത്യ-സൗദി സൗഹൃദത്തി​​െൻറ ചരിത്രത്തിൽ തിളങ്ങുന അധ്യായമാവും. എല്ലാവിധ പ്രൗഢിയോടെയും ഇന്ത്യയെ ജനാദിരിയയിൽ അവതരിപ്പിക്കാനുള്ള ഒരുക്കങ്ങളാണ്​  പൂർത്തിയായത്​.

2000 ചതുരശ്ര അടിയിൽ മനോഹരമായാണ്​ പവലിയൻ രൂപകൽപന ചെയ്​തത്​.  ദമ്മാം കേന്ദ്രമായി പ്രവർത്തിക്ക​ുന്ന ‘നക്​സ്​പോൺ എക്​സിബിഷൻ എൽ.എൽ.സി’ എന്ന സ്​ഥാപനമാണ്​ പവലിയൻ അണിയിച്ചൊരുക്കിയത്​. ജനാദിരിയ ഫെസ്​റ്റിവലിൽ ഇത്തവണ സന്ദർശകരുടെ പ്രവേശന സമയത്തിൽ മാറ്റമുണ്ട്​. രാവിലെ 11 മുതൽ രാ​ത്രി 11 വരെയാണ്​  സന്ദർശകർക്ക്​ മേളയിൽ പ്രവേശനം നൽകുക എന്നറിയിച്ചിട്ടുണ്ട്​. മുൻവർഷങ്ങളിൽ വൈകുന്നേരം നാല്​ മുതലായിരുന്നു പ്രവേശനം. വെള്ളിയാഴ്​ചകളിൽ  ഉച്ചക്ക്​ രണ്ട്​ മുതൽ രാത്രി 12 മണി വരെയാവും സന്ദർശക സമയം.

എട്ടാം തിയതി മുതൽ 11 വരെ പുരുഷൻമാർക്കും  12 മുതൽ 23ാം തിയതി വരെ സ്​ത്രീകളുൾപെടെ കുടുംബങ്ങൾക്കുമാവും പ്രവേശനം.  മേളയുടെ ആദ്യ മൂന്ന്​  ദിനങ്ങളിൽ ഇന്ത്യൻ പവലിയനിൽ ​േകരളത്തി​​െൻറ പരിപാടികളാണ്​ നടക്കുക. സ്​റ്റേജ്​ഷോകളുമുണ്ടാവും.  കേരളത്തിൽ നിന്നുള്ള പ്രമുഖ കലാകാരൻമാരുടെ സംഘം മേളക്കെത്തുന്നുണ്ട്​. ഇന്ത്യൻ പവലിയനോട്​ ചേർന്ന്​ കലാപരിപാടികൾക്കായി ഡിജിറ്റൽ സംവിധാനങ്ങളോടു കൂടിയ സ്​റ്റേജ്​ ഒരുക്കിയിട്ടുണ്ട്​.