ജനാദി​രിയയിൽ തിളങ്ങാൻ ഇന്ത്യ ഒരുങ്ങുന്നു

ജനാദി​രിയ: സൗദി ദേശീയ പൈതൃകോൽസവത്തിൽ അതിഥി രാജ്യമായെത്തുന്ന ഇന്ത്യയുടെ പ്രൗഢമായ പവലിയൻ ജനാദി​രിയ നഗരിയിൽ ഒരുങ്ങുന്നു. ഫെബ്രുവരി  ഏഴിന്​ തുടങ്ങുന്ന മേളയിൽ  ഇന്ത്യയുടെ  പാരമ്പര്യവും വളർച്ചയും വിളംബരം ചെയ്യുന്ന സ്​റ്റാളുകളാണ്​ സജ്ജമാക്കുന്നത്​. 50 ഒാളം വിദഗ്​ധ തൊഴിലാളികൾ  രാപകൽ ഒരു​േപാലെ ജോലി ചെയ്​താണ്​ പവലിയൻ ഒരുക്കുന്നത്​.  ഇന്ത്യ^സൗദി ദേശീയ പതാകകളുടെ  വർണത്തിൽ ഒരുക്കുന്ന കമാനം പൈതൃക നഗരിയിലെ വർണാഭമായ കാഴ്​ചയാവും. മേളക്കെത്തുന്നവരുടെ ശ്രദ്ധ പിടിച്ചു പറ്റുന്ന രീതിയിലാണ്​  എല്ലാ ഒരുക്കങ്ങളും. കലാപരിപാടികൾക്കായി അത്യാധുനിക വേദി  സജ്ജമാവുന്നുണ്ട്​.  കേന്ദ്ര വിദേശകാര്യമന്ത്രി സുഷമ സ്വരാജ്​ ഉൾപെടെ പ്രമുഖരുടെ നിരയാണ്​ മേളയിൽ പ​െങ്കടുക്കാൻ സൗദിയിലേക്ക്​ വരുന്നത്​.  

ഇന്ത്യയിലെ വിവിധ സംസ്​ഥാനങ്ങളിൽ നിന്നുള്ള കലാകാരൻമാർ വ്യത്യസ്​ത പരിപാടികൾ അവതരിപ്പിക്കും. ആദ്യ മൂന്ന്​ ദിനങ്ങളിൽ കേരളത്തി​​െൻറ പരിപാടികൾ മേളയിൽ അരങ്ങേറും. ജാനാദി​രിയ പൈതൃകോത്സവത്തിൽ ഇത്തവണ അതിഥി രാജ്യമാകാൻ ഇന്ത്യക്ക്​ ക്ഷണം ലഭിച്ചത്​   വൈവിധ്യങ്ങളേറെയുള്ള ഇരുരാജ്യങ്ങളുടെയും സാംസ്​കാരിക വിനിമയ വഴിയിലെ നാഴികക്കല്ലാവുമെന്നാണ്​  ഇന്ത്യൻ അംബാസഡർ അഹമ്മദ്​ ജാവേദ് വിലയിരുത്തിയത്​.  ഇൗ ആതിഥേയത്വം​ വലിയ ആദരവായാണ്​ ഇന്ത്യ കാണുന്നത്​. എല്ലാ അർഥത്തിലും ഇത്​ വിജയിപ്പിക്കാനും അവിസ്​മരണീയമാക്കാനുമാണ്​ ഇന്ത്യൻ എംബസി  ശ്രമിക്കുന്നത്​.

ആയുർവേദം, യോഗ, യുനാനി, സിദ്ധ, ഹോമിയോപതി, ടൂറിസം, ഷിപ്പിങ്​, ടെക്​സ്​റ്റൈൽ, ഭക്ഷ്യ സംസ്​കരണം തുടങ്ങിയ മന്ത്രാലയങ്ങളുടെയും ലുലു ഹൈപ്പർമാർക്കറ്റ്​, എൽ.ആൻറ്​ ടി, ടാറ്റ മോ​േട്ടാഴ്​സ്​, ​െഎ.ടി.എൽ, അ​േപ്പാളോ മെഡിക്കൽ ഗ്രൂപ്പ്​, ആസ്​റ്റർ മെഡിക്കൽ ഗ്രൂപ്പ്​ തുടങ്ങിയ സ്​ഥാപനങ്ങളുടെയും സ്​റ്റാളുകളും ഇന്ത്യൻ പവലിയനെ സമ്പന്നമാക്കും. യോഗ പരിചയപ്പെടുത്താൻ വലിയ സംവിധാനങ്ങളാണ്​ പവലിയനിലുള്ളത്. 18 ദിവസം നീളുന്ന മേള വൻ വിജയമാക്കാൻ സൗദിയിലെ വിവിധ വകുപ്പുകളുടെ നേതൃത്വത്തിൽ ഒരുക്കങ്ങൾ പുരോഗമിക്കുകയാണ്​. സൗദി ഭരണാധികാരി സൽമാൻ രാജാവ്​ ഉദ്​ഘാടകനായെത്തുന്ന പൈതൃകോൽസവത്തിന്​ രാജ്യം വലിയ പ്രാധാന്യമാണ്​ കൽപിക്കുന്നത്​. വലിയ സുരക്ഷാക്രമീകരണങ്ങളും ഉണ്ടാവും. 

റിയാദ്​ നഗരത്തിൽ നിന്ന്​ 50 കിലോമീറ്റർ അകലെയുള്ള ജനാദി​രിയ നഗരിയിലേക്കുള്ള പാതകൾ മോഡി കുട്ടുന്ന തിരക്കിലാണ്​ അധികൃതർ. വിശാലമായ ഉൽസവ നഗരിയിൽ സൗദി അറേബ്യയുടെ വിവിധ സംസ്​കൃതികൾ പരിചയപ്പെടുത്തുന്ന കെട്ടിടങ്ങൾ  നിറഞ്ഞ​ു നിൽക്കുകയാണ്​.  
രാജ്യത്തി​െൻറ 13 പ്രവിശ്യകളുടെയും സാംസ്​കാരിക വൈവിധ്യവും പരമ്പരാഗത കലകളും വിഭവങ്ങളുമൊക്കെ കൂടിച്ചേരുന്ന അപൂർവ സംഗമ വേദിയായി ജനാദിരിയ ഉൽസവം മാറും. സൈനിക വിഭാഗമായ ‘നാഷണൽ ഗാർഡ്’ ഒരുക്കുന്ന മേളയിൽ മഹത്തായ പൈതൃക സമ്പത്തുള്ള രാജ്യത്തി​െൻറ സുന്ദര കാഴ്ചകളാണ്​ സന്ദർശകരെ കാത്തിരിക്കുന്നത്​. ഒാരോ വർഷം പിന്നിടു​േമ്പാഴും മേളക്ക്​ വർണപ്പകി​േട്ടറുകയാണ്​.