ജനാദിരിയ കുറിച്ചത്​ ഇന്ത്യ- സൗദി സൗഹൃദത്തി​െൻറ നവചരിതം 

റിയാദ്​: ഇന്ത്യ^സൗദി സൗഹൃദത്തിലെ നവചരിതം കുറിച്ചാണ്​ സൗദി അറേബ്യയിലെ ദേശീയ പൈതൃകോത്സവത്തിന്​ കഴിഞ്ഞ ദിവസം തുടക്കമായത്​. അതിഥി രാജ്യമായ ഇന്ത്യയുടെ  വിദേശകാര്യമന്ത്രി സൂഷമ സ്വരാജായിരുന്നു സൽമാൻ രാജാവ്​ പ​െങ്കടുത്ത വേദിയിലെ താരം. പൈതൃ​േകാത്സവ നഗരിയിലെ ഇന്ത്യൻ പവലിയനിൽ  രാജാവ്​ സന്ദർശിച്ചതും ചരിത്ര സംഭവമായി. 

സൗദി വിദേശകാര്യമന്ത്രി ആദിൽ ജുബൈറും സുഷമ സ്വരാജും ഇന്ത്യൻ പവലിയനകത്തിരുന്ന്​ ഒൗപചാരികതകളില്ലാത്ത സൗഹൃദസംഭാഷണം നടത്തിയത്​ ഹൃദ്യമായ കാഴ്​ചയായിരുന്നു. ഉത്സവത്തി​​െൻറ മുഖ്യവേദിയിൽ ​ക്ഷണിക്കപ്പെട്ട സൗദി പൊതുസമൂഹത്തെ അഭിസംബോധന ചെയ്യാനും സുഷമക്ക്​ അവസരം ലഭിച്ചു. ലോകോത്തര നിലവാരത്തിൽ സജ്ജമാക്കിയ കണ്ണഞ്ചിപ്പിക്കുന്ന വേദിയിൽ   സാംസ്​കാരിക  പരിപാടികൾക്ക്​ മുന്നോടിയായി   ഇന്ത്യൻ വിദേശകാര്യമന്ത്രി സംസാരിച്ചു. പത്ത്​ മിനിറ്റ്​ നീണ്ട സംസാരത്തിൽ  ഇന്ത്യ^സൗദി സൗഹൃദം കൂടുതൽ തിളക്കമുള്ളതായിരിക്കുന്നു എന്ന്​ അവർ പ്രഖ്യാപിച്ചു. ഹജ്ജ്​ ക്വാട്ട വർധിപ്പിക്കണമെന്ന്​  സൗദിയോട്​ ആവശ്യപ്പെട്ടു. കഴിഞ്ഞ തവണ ​േക്വാട്ട വർധിപ്പിച്ചതിന്​ സൗദി ഭരണകൂടത്തിന്​ നന്ദി പറഞ്ഞു. ഇന്ത്യയിൽ നിക്ഷേപം നടത്താൻ സൗദിയെ ക്ഷണിച്ചു. 

സൗദി അറേബ്യയുടെ തീവ്രവാദ വിരുദ്ധ നിലപാടുകൾക്ക്​ ഇന്ത്യയുടെ പിന്തുണ അറിയിച്ചു. മേഖലയിലെ രാഷ്​ട്രീയ അസ്വസ്​ഥതകൾക്കിടയിലും ശക്​തമായി മുന്നോട്ടു​േപാവാൻ സൗദി അറേബ്യക്ക്​ സാധിക്കുന്നതായും സൂഷമ പറഞ്ഞു. തുടർന്ന്​ അരങ്ങേറിയ കലാ^സാംസ്​കാരിക വിരുന്ന്​ വർണാഭമായിരുന്നു. രാജാവിനൊപ്പമിരുന്ന്​ ഒരു മണിക്കൂർ നീണ്ട കലാവിരുന്ന്​ ആസ്വദിച്ചാണ്​ ഇരുവരും വേദി വിട്ടത്​. സൗദി അറേബ്യയുടെ ശാസ്​ത്ര^സാമൂഹിക വളർച്ച അടയാളപ്പെടുത്തുന്ന നൃത്തപരിപാടികളാണ്​ അരങ്ങേറിയത്​. നേരത്തെ സൽമാൻ രാജാവി​​െൻറ കൊട്ടാരത്തിലും സുഷമ സ്വരാജ്​ രാജാവുമായി കുടിക്കാഴ്​ച നടത്തി. കൊട്ടാരത്തിൽ വിരുന്നുമൊരുക്കിയിരുന്നു. ​സൗദി നാഷനൽ ഗാർഡ്​ 32 വർഷമായി സംഘടിപ്പിക്കുന്ന പൈതൃകോൽസവം രാജ്യത്തെ ഏറ്റവും വലിയ സാംസ്​കാരിക പരിപാടിയാണ്​. 

വിശാലമായ രാജ്യത്തി​​െൻറ സാംസ്​കാരിക വൈവിധ്യങ്ങളും ജനജീവിത രീതികളും പൈതൃക നഗരത്തിൽ കുടക്കീഴിലെന്ന പോലെ അവതരിപ്പിക്കുകയാണ്​ മേള. കഴിഞ്ഞ വർഷം നടന്ന മേളയിലാണ്​ ഇന്ത്യയെ അതിഥിരാജ്യമായി സൗദി അറേബ്യ പ്രഖ്യാപിച്ചത്​. പ്രഖ്യാപനം വന്നതു മുതൽ ഇന്ത്യൻ നയതന്ത്ര കാര്യാലയം  ‘ഹോം വർക്​’ ആരംഭിച്ചിരുന്നു. ഇന്ത്യ ഇൗ അവസരത്തെ  ഗൗരവത്തിലെടുത്തത്​ സൗദി അറേബ്യയെ കുടുതൽ സന്തോഷിപ്പിച്ചിരിക്കയാണ്​. മികച്ച പവലിയൻ തന്നെ ഇന്ത്യ ഒരുക്കി. രാജാവ്​ അതിഥി രാജ്യത്തി​​െൻറ പവലിയൻ സന്ദർശിക്കൽ അപൂർവ സംഭവമാണ്​. പരസ്​പര സൗഹൃദം നിറമുള്ളതാക്കാൻ ഇന്ത്യ ഇൗ അവസരം ഉപയോഗപ്പെടുത്തി. അതേ സമയം 13 ലക്ഷത്തോളം ഇന്ത്യക്കാർ ജോലി ചെയ്യുന്ന വിദേശരാജ്യത്ത്​ ഇന്ത്യൻ വിദേശകാര്യമന്ത്രി സന്ദർശിച്ചപ്പോൾ  അവർക്ക്​ വേണ്ടിയുള്ള ആലോചനകളോ ചർച്ചകളോ അധികൃതരുമായി നടത്തിയതായി വിവരമില്ല. സൗദിയിൽ നിന്ന്​ ഇന്ത്യൻ പ്രവാസികൾ കുട്ടത്തോടെ നാട്ടിലേക്ക്​ തിരിക്കാനിരിക്കുന്ന വേളയിലാണ്​ ഇരു രാജ്യങ്ങൾക്കിടയിൽ സൗഹൃദത്തി​​െൻറ പുതിയ ചക്രവാളങ്ങൾ തുറന്നത്​. ഭാവിയിൽ ഇതുകൊണ്ടൊക്കെ ആശ്വാസം ലഭിച്ചേക്കുമെന്ന പ്രതീക്ഷയിലാണ്​ പ്രവാസസമൂഹം.