കണ്ണഞ്ചിപ്പിച്ച്​ കലാ വിരുന്ന്

ജനാദിരിയ​: അക്ഷരാർഥത്തിൽ കണ്ണഞ്ചിപ്പിക്കുന്നതായിരുന്നു ജനാദിരിയയിൽ ഉദ്​ഘാടന ദിവസത്തെ കലാ സാംസ്​കാരിക വിരുന്ന്​. സൽമാൻ രാജാവും ഇന്ത്യൻ വിദേശ കാര്യവക​ുപ്പ്​ മ​ന്ത്രി സുഷമ സ്വരാജും കാണികളായി  ഇരുന്ന വേദിയിൽ വർണ വിസ്​മയത്തി​​െൻറ അപൂർവ നിമിഷങ്ങളാണ്​ പരമ്പരാഗത നൃത്തങ്ങളിലൂടെ കലാസംഘങ്ങൾ അവതരിപ്പിച്ചത്​. ഒരു മണിക്കൂർ നീണ്ട കലാവിരുന്നി​​െൻറ ഒാരോ ഘട്ടങ്ങളും അത്യാകർഷകമായിരുന്നു. സൗദി അറേബ്യൻ സമൂഹത്തി​​െൻറ വളർച്ചയുടെ ഘട്ടങ്ങൾ അനാവരണം ചെയ്​ത്​ ശാസ്​ത്ര സ​േങ്കതിക വിദ്യയിൽ രാജ്യം കൈവരിച്ച  നേട്ടങ്ങൾ വരെ ദൃശ്യവത്​കരിച്ചു. കുതിരപ്പുറത്തും ഒട്ടകപ്പുറത്തും കഥാപാത്രങ്ങൾ തൽസമയം കടന്നു വന്നു. നൂറ്​ കണക്കിന്​ കലാകാരൻമാർ നൃത്തച്ചുവടുകളുമായി എത്തി. ഡിജിറ്റൽവാളുകളിൽ പശ്​ചാതലങ്ങൾ വിസ്​മയിപ്പിക്കുംവിധം മിന്നി മറിഞ്ഞു. വേദിയും സദസ്സും വെള്ളിത്തിരയായി മാറിക്കൊണ്ടിരുന്നു.

കലയെ സൗദി സമൂഹം എത്രമാത്രം പരിഷ്​കാരത്തോടെയാണ്​ സമീപിക്കുന്നത്​ എന്നതി​​െൻറ നേർചിത്രം കൂടിയായി വേദി. വർണവെളിച്ചങ്ങളുടെ പൂരമായിരുന്നു കലാപരിപാടികളിലുടനീളം. സൗദി സമൂഹം രൂപപ്പെട്ടതി​​െൻറ ചരിത്രമാണ്​ അവതരിപ്പിച്ചത്​. പരസ്​പരം കലഹിച്ചിരുന്ന ഗോത്രസമൂഹം സാംസ്​കാരികമായി പരോഗമിച്ച്​ ഒടുവിൽ രാജ്യത്തി​​െൻറ അഭിമാന ജനതയായി മാറുന്നതി​​െൻറ ദൃശ്യാവിഷ്​കാരമായിരുന്നു നൃത്ത സംഗീതമായി അവതരിപ്പിച്ചത്​. സൗദി അറേബ്യയിലെ വിശിഷ്​ട പൗരാവലിയായിരുന്നു കാണികൾ. ആയിരങ്ങൾ അണിനിരന്ന സദസ് സൗദി പതാക ഉയർത്തി ആഹ്ലാദം പ്രകടിപ്പിച്ചുകൊണ്ടിരുന്നു. ഇന്ത്യൻ വിദേശകാര്യമന്ത്രി സുഷമസ്വരാജ്​ മാത്രമാണ്​ വേദിയിൽ പ്രസംഗിച്ചത്​. ഇന്ത്യ^ സൗദി സൗഹൃദത്തി​​െൻറ വർണത്തിളക്കം സുഷമയുടെ വാക്കുകളിൽ നിറഞ്ഞു. പൗരാവലി ഹൃദയപൂർവം സുഷമയുടെ വാക്കുകളെ വരവേറ്റു. ഇംഗ്ലീഷിലായിരുന്നു പ്രസംഗം. ഇന്ത്യൻ എംബസി ഫസ്​റ്റ്​ സെക്രട്ടറി ഹിഫ്​സുറഹ്​മാൻ വിദേശകാര്യമന്ത്രിയുടെ പ്രസംഗം അറബിയിലേക്ക്​ പരിഭാഷപ്പെടുത്തി.