ഇറാഖ്​ പ്രധാനമന്ത്രി സൗദിയിലെത്തി

റിയാദ്​: ഹ്രസ്വ സന്ദർശനത്തിന്​ ഇറാഖ്​ പ്രധാനമന്ത്രി ആദിൽ അബ്​ദുൽ മഹ്​ദി സൗദിയിലെത്തി. റിയാദ്​ കിങ്​ ഖാലിദ്​ അന്താരാഷ്​ട്ര വിമാനത്താവളത്തിലെത്തിയ ഇറാഖ്​ പ്രധാനമന്ത്രിയേയും സംഘത്തേയും റിയാദ്​ ഗവർണർ അമീർ ഫൈസൽ ബിൻ ബന്ദർ, വാണിജ്യ നിക്ഷേപ മാജിദ്​ ബിൻ അബ്​ദുല്ല അൽകസബി, റിയാദ്​ മേയർ എൻജി. ത്വാരിഖ്​ ബിൻ അബ്​ദുൽ അസീസ്​, ഇറാഖിലെ സൗദി അംബാസഡർ അബ്​ദുൽ അസീസ്​ ഷംരി, സൗദിയിലെ ഇറാഖ്​ അംബാസഡർ ഡോ. ഖഹ്​താൻ ത്വാഹ ഖലഫ്​ തുടങ്ങിയവർ ചേർന്ന്​ സ്വീകരിച്ചു. പിന്നീട്​ അൽയമാമ കൊട്ടാരത്തിലെത്തിയ ഇറാഖ്​ പ്രധാനമന്ത്രിയെ സൗദി ഭരണാധികാരി​ സൽമാൻ രാജാവ്​ സ്വീകരിച്ചു.