ഇൻറർനാഷനൽ ഒളിമ്പിക്​ കമ്മിറ്റിയിൽ മൂന്ന്​ സൗദി രാജകുടുംബാംഗങ്ങളും

റിയാദ്​: ഇൻറർനാഷനൽ ഒമ്പിക്​ കമ്മിറ്റിയിൽ ഒരു വനിത ഉൾപ്പെടെ സൗദി രാജകുടുംബാംഗങ്ങളായ മൂന്നുപേരെ ഉൾപ്പെടുത്തി. ബുധനാഴ്​ചയാണ്​ നിയമനം സംബന്ധിച്ച പ്രഖ്യാപനമുണ്ടായത്​. സൗദി ജനറൽ സ്​പോർട്​സ്​ അതോറിറ്റി വൈസ്​ ചെയർമാൻ അമീർ അബ്​ദുൽ അസീസ്​ ബിൻ തുർക്കി അൽഫൈസൽ അൽസഉൗദ്​, അതോറിറ്റിയുടെ മറ്റൊരു വൈസ്​ പ്രസിഡൻറ്​ അമീറ റീമ ബിൻ ബന്ദർ അൽസഉൗദ്​,

സൗദി അറേബ്യൻ ഒളിമ്പിക്​ കമ്മിറ്റി ഇൻറർനാഷനൽ റിലേഷൻസ്​ എക്​സിക്യുട്ടീവ്​ ഡയറക്​ടർ അമീർ ഫഹദ്​ ബിൻ ജുലുവെ ബിൻ അബ്​ദുൽ അസീസ്​ എന്നിവരാണ്​ അന്താരാഷ്​ട്ര കായിക സമിതിയിൽ നിയമിതരായത്​. ജക്കാർത്തയിൽ നടന്നുവരുന്ന ഏഷ്യൻ ഗെയിംസിൽ 137 അത്​ലറ്റുകളുമായി നല്ല പ്രകടനം കാഴ്​ചവെയ്​ക്കുന്ന സൗദി അറേബ്യയുടെ കായികരംഗത്തെ വളർച്ചയ്​ക്ക്​ ഇൗ നിയമനം ശക്തിപകരുമെന്ന്​ വിലയിരുത്തപ്പെടുന്നു. ഒളിമ്പിക്​ കമ്മിറ്റിയിലെ വനിതാ പ്രാതിനിധ്യം സൗദി കായികരംഗത്തെ സ്ത്രീശാക്തീകരണത്തിന്​ ഗുണം ചെയ്യും. ഒളിമ്പിക്​ സമിതിയുടെ മാർക്കറ്റിങ്​ കമ്മീഷൻ അംഗമായാണ്​ അമീർ അബ്​ദുൽ അബ്​ദുൽ അസീസി​​​െൻറ നിയമനം. 

ലോക കായിക വേദിയിൽ സൗദി അത്​ലറ്റുകളെയും അവരുടെ പ്രകടന മികവിനെയും എത്തിക്കാനുള്ള സൗദിയുടെ ബദ്ധശ്രദ്ധ വിജയം കാണുകയാണെന്നും ഏഷ്യൻ ഗെയിംസിൽ ഇതുവരെയുണ്ടായതിൽ ഏറ്റവും വലിയ പ്രാതിനിധ്യമാണ്​ ഇത്തവണത്തേതെന്നും അടുത്തു നടക്കാനിരിക്കുന്ന ബ്യൂണസ്​ അയേഴ്​സ്​ യൂത്ത്​ ഒളിമ്പിക്​ ഗെയിംസിലേക്ക്​ ഇതിനകം നിരവധി യുവ അത്​ലറ്റുകൾ യോഗ്യത നേടിക്കഴിഞ്ഞെന്നും അമീർ അബ്​ദുൽ അസീസ്​ പറഞ്ഞു. ഏഷ്യൻ ഗെയിംസിൽ സൗദിയുടെ വനിത അത്​ലറ്റുകളായ നിരവധി പേരാണ്​ മത്സരിക്കുന്നതെന്നും ഒളിമ്പിക്​ സമിതിയുടെ വനിതാ കായിക കമ്മീഷ​ൻ അംഗമെന്ന നിലയിൽ സൗദി കായികരംഗത്തെ വനിതാശാക്തീകരണത്തിന്​ ആവശ്യമായ പ്രവർത്തനങ്ങൾ നടത്തി ലോകശ്രദ്ധയിൽ ഇൗ അത്​ലറ്റുകളെ എത്തിക്കുമെന്നും അമീറ റീമ പറഞ്ഞു. ഒളിമ്പിക്​ സമിതിയുടെ പബ്ലിക്​ അഫയേഴ്​സ്​ ആൻഡ്​ സോഷ്യൽ ഡവലപ്​മ​​െൻറ്​ കമ്മിറ്റി അംഗമായാണ്​ അമീർ ഫഹദി​​​െൻറ നിയമനം.