ഇ​ന്ന് അ​ന്താ​രാ​ഷ്ട്ര ന​ഴ്സ​സ് ദി​നം; സേ​വ​നപാ​ത​യി​ൽ മൂ​ന്ന​ര പ​തി​റ്റാ​ണ്ടി​ന്റെ നി​റ​വി​ൽ റം​ല ബീ​വി

റി​യാ​ദ്: ജീ​വ​ന്റെ പ​രി​ര​ക്ഷ​ക​രാ​യി ആ​തു​ര സേ​വ​ന രം​ഗ​ത്ത് ജാ​ഗ്ര​ത​യോ​ടെ ക​ഠി​നാ​ധ്വാ​നം ചെ​യ്യു​ന്ന​വ​രാ​ണ് ന​ഴ്‌​സു​മാ​ർ. അ​വ​രെ​ക്കു​റി​ച്ച് ഉ​റ​ക്കെ ചി​ന്തി​ക്കു​ന്ന ഈ ​ദി​ന​ത്തി​ൽ മൂ​ന്ന​ര പ​തി​റ്റാ​ണ്ട് കാ​ലം സേ​വ​ന​ത്തി​ന്റെ വെ​ള്ളി​വെ​ളി​ച്ചം പ്ര​സ​രി​പ്പി​ച്ച ഒ​രു മാ​ലാ​ഖ​യെ​യാ​ണ് നാം ​പ​രി​ച​യ​പ്പെ​ടു​ന്ന​ത്. റി​യാ​ദ് കി​ങ്‌ സ​ഊ​ദ് മെ​ഡി​ക്ക​ൽ സി​റ്റി(​ശു​മൈ​സി) ആ​ശു​പ​ത്രി​യി​ൽ സ്റ്റാ​ഫ് ന​ഴ്സാ​യി ജോ​ലി ചെ​യ്യു​ന്ന എ​റ​ണാ​കു​ളം മു​വേറ്റു​പു​ഴ സ്വ​ദേ​ശി​നി റം​ല ബീ​വി​യാ​ണ​ത്. ആ​ത്മ​സ​മ​ർ​പ്പ​ണ​വും ക​ർ​​ൽ​സു​ക​ത​യും ആ​വ​ശ്യ​മു​ള്ള ഈ ​മേ​ഖ​ല​യി​ൽ സ്ഥി​രോ​ത്സാ​ഹ​വും നൈ​ര​ന്ത​ര്യ​വു​മാ​യി കു​റേ വ​ർ​ഷ​ങ്ങ​ൾ. രോ​ഗി​ക​ളെ ആ​ർ​ദ്ര​ത​യോ​ടെ സ​മീ​പി​ക്കു​വാ​നും ത​ന്റെ സാ​ന്നി​ധ്യം അ​വ​ർ​ക്ക് സാ​ന്ത്വ​ന​മാ​കാ​നും ഒ​പ്പം സാ​മൂ​ഹി​ക പ്ര​വ​ർ​ത്ത​ക​ർ​ക്ക് രോ​ഗി​യെ​ക്കു​റി​ച്ചു​ള്ള വി​വ​ര​ങ്ങ​ൾ ന​ൽ​കി സ​ഹാ​യി​ക്കു​വാ​നും എ​പ്പോ​ഴും അ​വ​ർ മു​ന്നി​ലു​ണ്ടാ​യി​രു​ന്നു. രോ​ഗി​ക​ളെ ആ​ശ്വ​സി​പ്പി​ക്കു​ക മാ​ത്ര​മ​ല്ല, ആ​വ​ശ്യ​മെ​ങ്കി​ൽ ഒ​രു ബ​ന്ധു​വി​നെ​പ്പോ​ലെ ല​ഘു ഭ​ക്ഷ​ണം ന​ൽ​കു​വാ​നും റം​ല സി​സ്റ്റ​ർ ഡ്യൂ​ട്ടി​യി​ലി​ല്ലെ​ങ്കി​ൽ പോ​ലും സ​ന്ന​ദ്ധ​മാ​ണ്. അ​വ​രു​ടെ അ​ർ​പ്പ​ണ​ബോ​ധ​വും അ​നു​ക​മ്പ​യും നി​റ​ഞ്ഞ പ​രി​ച​ര​ണ​ത്തെ ആ​ർ​ക്കും നി​ഷേ​ധി​ക്കാ​നാ​വി​ല്ല.

വാ​ർ​ഡു​ക​ളി​ലും തി​യ​റ്റ​റു​ക​ളി​ലും ഡോ​ക്ട​ർ​മാ​രോ​ടൊ​പ്പ​വും നീ​ണ്ട​കാ​ലം സേ​വ​നം ചെ​യ്ത റം​ല ബീ​വി ഇ​പ്പോ​ൾ അ​ഡ്മി​ൻ രം​ഗ​ത്താ​ണ് ജോ​ലി ചെ​യ്യു​ന്ന​ത്. 34 വ​ർ​ഷം മു​മ്പ് റി​യാ​ദി​ൽ ജോ​ലി​യി​ൽ പ്ര​വേ​ശി​ച്ച ശേ​ഷ​മാ​ണ് വി​വാ​ഹം ചെ​യ്ത​തും ഇ​ര​ട്ട​ക​ളാ​യ മ​ക്ക​ൾ​ക്ക് ജ​ന്മം ന​ൽ​കി​യ​തും. കാ​സ​ർകോഡ് മാ​ലി​ക് ദീ​നാ​ർ ആ​ശു​പ​ത്രി​യി​ലാ​യി​രു​ന്നു ന​ഴ്സിം​ങ് പ​ഠ​നം. അ​ങ്ക​മാ​ലി ലി​റ്റി​ൽ ഫ്ലള​വ​ർ ആ​ശു​പ​ത്രി​യി​ൽ ഒ​രു വ​ർ​ഷം ജോ​ലി ചെ​യ്ത ശേ​ഷം ഇ​ന്റ​ർ​വ്യൂ ക​ഴി​ഞ്ഞ് സൗ​ദി​യി​ലേ​ക്കു വ​രു​ക​യാ​യി​രു​ന്നു. ശു​മൈ​സി ആ​ശു​പ​ത്രി നി​ര​വ​ധി ന​വീ​ക​ര​ണ​ങ്ങ​ൾ​ക്കും പേ​ര് മാ​റ്റ​ങ്ങ​ൾ​ക്കും വി​ധേ​യ​മാ​യെ​ങ്കി​ലും എ​ല്ലാ​റ്റി​നും സാ​ക്ഷി​യാ​യി റം​ല ബീ​വി ഇ​വി​ടെ​യു​ണ്ട്. മ​നു​ഷ്യ​രു​ടെ ജീ​വ​ൻ മ​ര​ണ പോ​രാ​ട്ട​ങ്ങ​ളു​ടെ നേ​ർ​കാ​ഴ്ച​ക​ൾ​ക്ക്‌ മു​മ്പി​ൽ ഓ​രോ ജീ​വ​നും വി​ല​പ്പെ​ട്ട​താ​ണെ​ന്ന ഉ​ൾ​വി​ളി​യോ​ടെ സ​മീ​പി​ക്കു​ക​യും സേ​വ​നം ന​ട​ത്തു​ക​യും ചെ​യ്യു​ന്നു. ന​ഴ്സിം​ങ് രം​ഗ​ത്തെ അ​നു​ഭ​വ​ങ്ങ​ൾ ഓ​രോ​ന്നും വി​വ​രി​ക്കു​ക പ്ര​യാ​സ​മാ​ണെ​ന്നും കോ​വി​ഡ് മ​ഹാ​മാ​രി ഓ​രോ ആ​രോ​ഗ്യ പ്ര​വ​ർ​ത്ത​ക​രു​ടെ​യും ജീ​വി​ത​ത്തി​ലെ മ​റ​ക്കാ​നാ​വാ​ത്ത അ​ധ്യാ​യ​മാ​ണെ​ന്നും റം​ല ബീ​വി പ​റ​ഞ്ഞു. മ​നു​ഷ്യ​ന്റെ ഏ​റ്റ​വും വ​ലി​യ സ​മ്പ​ത്ത് ആ​രോ​ഗ്യ​മാ​ണെ​ന്ന തി​രി​ച്ച​റി​വ് ജ​ന​ങ്ങ​ൾ​ക്കു​വേ​ണ​മെ​ന്നും അ​തി​നാ​ൽ ജീ​വി​ത​ത്തി​ൽ ശാ​സ്ത്രീ​യ​വും ആ​രോ​ഗ്യ​ക​ര​വു​മാ​യ നി​ല​പാ​ടു​ക​ളു​ണ്ടാ​വ​ണ​മെ​ന്നും 'ന​ഴ്സ​സ് ദി​ന'​ത്തി​ൽ അ​വ​ർ ന​മ്മെ ഓ​ർ​മപ്പെ​ടു​ത്തു​ന്നു.

ഇ​ന്ത്യ​യി​ലും സൗ​ദി​യി​ലു​മാ​യി മാ​നേ​ജ്‌​മെ​ന്റ് ആ​ൻ​ഡ് ഫി​നാ​ൻ​സ് മേ​ഖ​ല​യി​ൽ 37 വ​ർ​ഷം സേ​വ​നം ചെ​യ്ത ഭ​ർ​ത്താ​വ് യൂ​സു​ഫ് ഖാ​ൻ ഇ​പ്പോ​ൾ ജോ​ലി​യി​ൽ​നി​ന്ന് വി​ര​മി​ച്ചു, കു​ടും​ബ കാ​ര്യ​ങ്ങ​ളി​ൽ വ്യാ​പൃ​ത​നാ​ണ്. ഇ​ര​ട്ട മ​ക്ക​ളി​ൽ മൂ​ത്ത​വ​നാ​യ ബി​ൻ​സാ​ഗ​ർ ക​മ്പ്യൂ​ട്ട​ർ സ​യ​ൻ​സ് ആ​ൻ​ഡ് എ​ൻ​ജീ​നീ​യ​റിം​ങ് പൂ​ർ​ത്തി​യാ​ക്കി, നാ​ട്ടി​ൽ ഇ​ൻ​ഫോ​ർ​മേ​ഷ​ൻ സ​യ​ൻ​സി​ൽ മാ​സ്റ്റേ​ഴ്സും ഡാ​റ്റാ സ​യ​ൻ​സി​ൽ സ്‌​പെ​ഷ്യ​ലൈ​സും ചെ​യ്യു​ന്നു, ഒ​പ്പം അ​നു​യോ​ജ്യ​മാ​യ തൊ​ഴി​ലും തേ​ടു​ന്നു. യു.​കെ​യി​ൽ നി​ന്നും ബി​സി​ന​സ് മാ​നേ​ജ്‌​മെ​ന്റ് ഡി​പ്ലോ​മ ക​ര​സ്ഥ​മാ​ക്കി​യ ര​ണ്ടാ​മ​നാ​യ ബി​ൻ​യാ​മി​ൻ അ​ൽ ഖ​ർ​ജി​ൽ ജോ​ലി​യും ഒ​രു വി​ദേ​ശ യൂ​ണി​വേ​ഴ്‌​സി​റ്റി​യി​ൽ വി​ദൂ​ര വി​ദ്യാ​ഭ്യാ​സ​വും ന​ട​ത്തു​ന്നു. ഇ​രു​വ​രും അ​വി​വാ​ഹി​ത​രാ​ണ്.