അന്താരാഷ്​ട്ര ഇസ്​ലാമിക സമ്മേളനം മക്കയിൽ നാളെ; പ്രതിനിധികളെത്തി തുടങ്ങി

ജിദ്ദ: മക്ക വേദിയാകുന്ന അന്താരാഷ്​ട്ര ഇസ്​ലാമിക സമ്മേളനത്തിന്​ നാളെ (ഞായറാഴ്​ച) തുടക്കമാകും. തിങ്കളാഴ്​ച സമാപിക്കുന്ന ദ്വിദിന സമ്മേനത്തിലേക്ക്​ പ്രതിനിധികൾ എത്തിത്തുടങ്ങി. വെള്ളിയാഴ്​ച മുതലാണ്​ വിവിധ രാജ്യങ്ങളിൽ നിന്ന്​ പ്രതിനിധികളുടെ വരവ്​ ആരംഭിച്ചത്​. വിമാനത്താവളത്തിൽ അവരെ സ്വീകരിക്കാനും മക്കയിലെ താമസ സ്ഥലത്തെത്തിക്കാനും മതകാര്യ വകുപ്പിന്​ കീഴിൽ എക്​സിക്യൂട്ടീവ്​ കമ്മിറ്റി ആവശ്യമായ ഒരുക്കം പൂർത്തിയാക്കിയിരുന്നു.

ഹറമിനടുത്താണ് പ്രതിനിധികൾക്ക്​​ താമസ സൗകര്യമൊരുക്കിയിരിക്കുന്നത്​. ‘ആശയവിനിമയവും സംയോജനവും’ എന്ന ശീർഷകത്തിൽ സൽമാൻ രാജാവി​െൻറ ​ മേൽനോട്ടത്തിൽ സൗദി മതകാര്യ മന്ത്രാലയമാണ്​ സംഘാടകർ. 85 രാജ്യങ്ങളിൽ നിന്ന്​ പണ്ഡിതന്മാരും മുഫ്​തികളും ശൈഖ്​മാരും മന്ത്രിമാരും മതകാര്യ മേധാവികളും ഇസ്‌ലാമിക്​ അസോസിയേഷൻ തലവന്മാരും ഉൾപ്പടെ 150 പ്രതിനിധികളാണ്​ പ​െങ്കടുക്കുന്നത്​. കെ.എൻ.എം സംസ്ഥാന സെക്രട്ടറി ഡോ. എ.​െഎ. അബ്​ദുൽ മജീദ്​ സ്വലാഹിയടക്കം ഇന്ത്യയിൽ നിന്ന്​ എട്ട്​ പേർ സമ്മേളനത്തിലുണ്ടാകും.

സമ്മേളന ഒരുക്കം മതകാര്യ മന്ത്രാലയം പൂർത്തിയാക്കിക്കഴിഞ്ഞു. പ്രതിനിധികളെ മതകാര്യ വകുപ്പ്​ മന്ത്രിയും സംഘാടകസമിതി ചെയർമാനുമായ ​ഡോ. അബ്​ദുല്ലത്തീഫ്​ ബിൻ അബ്​ദുൽ അസീസ്​ ആലുശൈഖ്​ സ്വാഗതം ചെയ്​തു. ലോകത്തെ വിവിധ രാജ്യങ്ങളിലെ മതനേതാക്കളുടെ സജീവ പങ്കാളിത്തം കൊണ്ട്​ ശ്രദ്ധേയമാകുന്ന സമ്മേളനം അതി​െൻറ ഉന്നതമായ ലക്ഷ്യങ്ങൾ കൈവരിക്ക​െട്ടയെന്ന് അ​ദ്ദേഹം​ പ്രാർഥിച്ചു. സൽമാൻ രാജാവി​െൻറ രക്ഷാകർതൃത്വത്തിൽ ലോകത്തിലെ ഒരു കൂട്ടം ഉന്നത പണ്ഡിതന്മാരും മുഫ്​തികളും പങ്കെടുക്കുന്ന സമ്മേളനം സംഘടിപ്പിക്കുന്നതിൽ മതകാര്യ മന്ത്രാലയത്തിന് അഭിമാനമുണ്ടെന്നും മന്ത്രി സൂചിപ്പിച്ചു.

തീവ്രവാദത്തി​െൻറയും വിദ്വേഷത്തി​െൻറയും വേരുകളെ പിഴ​ുതെറിഞ്ഞ്​ സഹിഷ്​ണുതയുടെയും സഹവർത്തിത്വത്തി​െൻറയും മിതത്വത്തി​െൻറയും സന്ദേശം പ്രചരിപ്പിക്കുന്നതിന് സൽമാൻ രാജവി​െൻറയും കീരിടാവകാശിയുടെയും മേൽനോട്ടത്തിൽ സൗദി അറേബ്യ നടത്തുന്ന മഹത്തായ ശ്രമങ്ങളെ ശക്തിപ്പെടുത്തുന്ന സമ്മേളനത്തിനുള്ള എല്ലാ ക്രമീകരണങ്ങളും എല്ലാ കമ്മിറ്റികളും പൂർത്തിയാക്കിയതായും മന്ത്രി പറഞ്ഞു.

ആഗോള ഇസ്​ലാമിക സമ്മേളനം സംഘടിപ്പിക്കുന്നതിനും അതിന്​ മേൽനോട്ടം വഹിക്കുന്നതിനും കാണിക്കുന്ന ശ്രദ്ധക്കും പരിഗണനക്കും സൽമാൻ രാജാവിനും കിരീടാവകാശിക്കും സമ്മേളനത്തിനെത്തിയ മതകാര്യ തലവന്മാരും മുഫ്​തിമാരും നന്ദി പറഞ്ഞു. ഇസ്‌ലാമിനെയും മുസ്‌ലിംകളെയും സേവിക്കുന്നതിൽ സൗദിയുടെ മുൻനിര പങ്കിനെ അവർ അഭിനന്ദിച്ചു. ലോകത്തെ ഇസ്‌ലാമി​െൻറയും മുസ്‌ലിംകളുടെയും എല്ലാ പ്രശ്‌നങ്ങളും പരിഹരിക്കുന്നതിനും അവരുടെ വാക്കുകൾ ഏകീകരിക്കുന്നതിനും സൗദി ഭരണകൂടം നൽകുന്ന പിന്തുണയെ അവർ പ്രശംസിച്ചു.