ഇ​ൻ​ഷു​റ​ൻ​സ് ക​മ്പ​നി ചി​കി​ത്സാ​നു​മ​തി ന​ൽ​കി​യി​ല്ല; സൗ​ദി ഇ​ൻ​ഷു​റ​ൻ​സ് അ​തോ​റി​റ്റി​യു​ടെ ഇ​ട​പെ​ട​ൽ ഷാ​ജ​ഹാ​ന്​​ തു​ണ​യാ​യി

ജു​ബൈ​ൽ: സാ​​ങ്കേ​തി​ക​ത്വം ഉ​ന്ന​യി​ച്ച് ഇ​ൻ​ഷു​റ​ൻ​സ്​ ക​മ്പ​നി​ ചി​കി​ത്സാ​നു​മ​തി ത​ട​ഞ്ഞ​പ്പോ​ൾ സൗ​ദി ഇ​ൻ​ഷു​റ​ൻ​സ്​ അ​തോ​റി​റ്റി അ​ടി​യ​ന്ത​ര ഇ​ട​പെ​ട​ൽ ന​ട​ത്തി പ്ര​ശ്​​നം പ​രി​ഹ​രി​ച്ച​ത്​ മ​ല​യാ​ളി​യാ​യ രോ​ഗി​ക്ക്​ ആ​ശ്വാ​സ​മാ​യി. വി​സി​റ്റ്​ വി​സ​യി​ലെ​ത്തി​യ ആ​ല​പ്പു​ഴ ഹ​രി​പ്പാ​ട് സ്വ​ദേ​ശി ഷാ​ജ​ഹാ​നെ (57) ​

മ​സ്​​തി​ഷ്​​കാ​ഘാ​തം സം​ഭ​വി​ച്ച് ആ​ശു​പ​ത്രി​യി​ൽ പ്ര​വേ​ശി​പ്പി​ക്ക​പ്പെ​ട്ട​പ്പോ​ഴാ​ണ്​ സ്വ​കാ​ര്യ ഹെ​ൽ​ത്ത് ഇ​ൻ​ഷു​റ​ൻ​സ് ക​മ്പ​നി അ​​പ്രൂ​വ​ൽ അ​പേ​ക്ഷ നി​ര​സി​ച്ച​ത്. ഇ​ക്ക​ഴി​ഞ്ഞ മേ​യ് 30-നാ​യി​രു​ന്നു ഉ​യ​ർ​ന്ന ര​ക്ത​സ​മ്മ​ർ​ദ​ത്തെ തു​ട​ർ​ന്ന് സ്‌​ട്രോ​ക് ഉ​ണ്ടാ​വു​ക​യും സു​ഹൃ​ത്തു​ക്ക​ളു​ടെ സ​ഹാ​യ​ത്താ​ൽ ജു​ബൈ​ലി​ൽ ആ​ശു​പ​ത്രി​യി​ൽ പ്ര​വേ​ശി​പ്പി​ക്കു​ക​യും ചെ​യ്ത​ത്. അ​ടി​യ​ന്ത​ര​മാ​യി ചി​കി​ത്സ ല​ഭി​ച്ച​തി​നാ​ൽ ഗു​രു​ത​രാ​വ​സ്ഥ ത​ര​ണം ചെ​യ്യാ​നാ​യെ​ങ്കി​ലും ശ​രീ​ര​ത്തി​ന്റെ ഒ​രു വ​ശം ത​ള​ർ​ന്ന നി​ല​യി​ലാ​ണ്.

ആ​ശു​പ​ത്രി​യി​ൽ​നി​ന്ന​യ​ച്ച ചി​കി​ത്സ​ക്കു​ള്ള ഇ​ൻ​ഷു​റ​ൻ​സ് അ​പ്രൂ​വ​ൽ സ്വ​കാ​ര്യ ഇ​ൻ​ഷു​റ​ൻ​സ് ക​മ്പ​നി സാ​​ങ്കേ​തി​ക കാ​ര​ണ​ങ്ങ​ൾ പ​റ​ഞ്ഞ്​ നി​ര​സി​ക്കു​ക​യാ​യി​രു​ന്നു. തു​ട​ർ ചി​കി​ത്സ​ക്കാ​യി നാ​ട്ടി​ലേ​ക്ക് പോ​കാ​ൻ തീ​രു​മാ​നി​ച്ചെ​ങ്കി​ലും ജു​ബൈ​ലി​ലെ ആ​ശു​പ​ത്രി​യി​ലെ വ​ലി​യ ബി​ൽ തു​ക അ​ട​ക്കാ​ൻ ക​ഴി​യാ​തെ വി​ഷ​മ​സ​ന്ധി​യി​ലാ​യി. റി​യാ​ദി​ലെ മ​ല​യാ​ളി സാ​മൂ​ഹി​ക പ്ര​വ​ർ​ത്ത​ക​ൻ അ​ഡ്വ. ഷാ​ന​വാ​സ് ആ​ലു​വ​യു​ടെ നി​ർ​ദേ​ശ​മ​നു​സ​രി​ച്ച് https://www.ia.gov.sa/contact എ​ന്ന ലി​ങ്ക് വ​ഴി ഇ​ൻ​ഷു​റ​ൻ​സ് അ​​പ്രൂ​വ​ൽ ല​ഭി​ക്കാ​ത്ത​ത്​ ചൂ​ണ്ടി​ക്കാ​ട്ടി അ​തോ​റി​റ്റി​ക്ക്​ പ​രാ​തി അ​യ​ച്ച​താ​ണ്​ വ​ഴി​ത്തി​രി​വാ​യ​ത്.

ആ​ശു​പ​ത്രി​യി​ൽ​നി​ന്ന്​ ഇ​ൻ​ഷു​റ​ൻ​സ് ക​മ്പ​നി​ക്ക് അ​യ​ച്ച അ​പ്രൂ​വ​ൽ റി​ക്വ​സ്​​റ്റ്​ ന​മ്പ​ർ, ഇ​തു​വ​രെ​യു​ള്ള മെ​ഡി​ക്ക​ൽ റി​പ്പോ​ർ​ട്ട്, അ​ട​ച്ച തു​ക​യു​ടെ ബി​ല്ലു​ക​ൾ, പോ​ളി​സി​യു​ടെ വി​വ​ര​ങ്ങ​ൾ (https://www.chi.gov.sa യി​ലും ല​ഭ്യ​മാ​ണ്), വി​സ​യു​ടെ കോ​പ്പി, പാ​സ്പോ​ർ​ട്​ കോ​പ്പി എ​ന്നി​വ പ​രാ​തി​ക്കൊ​പ്പം അ​റ്റാ​ച്ച് ചെ​യ്തു. പെ​രു​ന്നാ​ൾ അ​വ​ധി ദി​ന​ങ്ങ​ളാ​യി​ട്ടും ര​ണ്ടു ദി​വ​സ​ത്തി​നു​ള്ളി​ൽ അ​തോ​റി​റ്റി പ്ര​ശ്​​ന​പ​രി​ഹാ​രം ന​ട​ത്തി. ചി​കി​ത്സ​ക്കു​ള്ള അ​പ്രൂ​വ​ൽ ആ​യി​ട്ടു​ണ്ട് എ​ന്ന സ​ന്ദേ​ശം ഷാ​ജ​ഹാ​ന് എ​സ്.​എം.​എ​സ് ആ​യി ല​ഭി​ച്ചു.നാ​ട്ടി​ൽ പോ​കാ​ൻ ത​യാ​റാ​യി നി​ന്ന ഷാ​ജ​ഹാ​ന് വ​ള​രെ ആ​ശ്വാ​സ​ക​ര​മാ​യ ഇ​ട​പെ​ട​ലാ​ണ് സൗ​ദി ഇ​ൻ​ഷു​റ​ൻ​സ് അ​തോ​റി​റ്റി​യു​ടെ ഭാ​ഗ​ത്തു​നി​ന്ന് ഉ​ണ്ടാ​യ​ത്. ഇ​തോ​ടെ ചി​കി​ത്സ സം​ബ​ന്ധ​മാ​യ സാ​മ്പ​ത്തി​ക ബാ​ധ്യ​ത​ക​ൾ ഇ​ല്ലാ​തെ നാ​ട്ടി​ലേ​ക്കു​ള്ള യാ​ത്ര എ​ളു​പ്പ​മാ​യി.

അ​സു​ഖം ഗു​രു​ത​ര​മാ​യ​തി​നാ​ൽ ആ​ശു​പ​ത്രി​യി​ൽ​നി​ന്നും ല​ഭി​ച്ച ഡി​സ്ചാ​ർ​ജ് സ​മ്മ​റി​യും മെ​ഡി​ക്ക​ൽ റി​പ്പോ​ർ​ട്ടും എ​യ​ർ ഇ​ന്ത്യ​യു​ടെ ഓ​ഫി​സി​ലേ​ക്ക് അ​യ​ച്ച് അ​പ്രൂ​വ​ൽ ല​ഭി​ച്ച​തി​ന് ശേ​ഷം മാ​ത്ര​മാ​ണ് വി​മാ​ന​ത്തി​ൽ യാ​ത്ര ചെ​യ്യാ​ൻ സാ​ധി​ക്കു​ക. തു​ട​ർ​ചി​കി​ത്സ​ക്കാ​യി സു​ഹൃ​ത്തി​നോ​ടൊ​പ്പം വീ​ൽ​ചെ​യ​റി​​ന്റെ സ​ഹാ​യ​ത്തോ​ടെ എ​യ​ർ ഇ​ന്ത്യ എ​ക്‌​സ്പ്ര​സി​ൽ ഷാ​ജ​ഹാ​ൻ തി​ങ്ക​ളാ​ഴ്​​ച നാ​ട്ടി​ലേ​ക്ക് തി​രി​ച്ചു. ആ​ശു​പ​ത്രി ന​ഴ്‌​സു​മാ​രു​ടെ ഭാ​ഗ​ത്തു​നി​ന്ന് വ​ള​രെ അ​നു​ഭാ​വ​പൂ​ർ​ണ​മാ​യ പി​ന്തു​ണ​യാ​ണ് ല​ഭി​ച്ച​തെ​ന്ന് ബ​ന്ധ​പ്പെ​ട്ട​വ​ർ അ​റി​യി​ച്ചു.

ഈ ​വ​ർ​ഷം ആ​ദ്യ​മാ​ണ് ഷാ​ജ​ഹാ​ൻ വി​സി​റ്റ് വി​സ​യി​ൽ സൗ​ദി​യി​ൽ എ​ത്തി​യ​ത്. വി​സ​ക്കൊ​പ്പം ആ​രോ​ഗ്യ ഇ​ൻ​ഷു​റ​ൻ​സും നി​ർ​ബ​ന്ധ​മാ​ണ്. ഇ​തെ​ടു​ത്ത​താ​ണ്​ സ​ഹാ​യ​ക​മാ​യ​ത്. ഇ​തേ ഇ​ൻ​ഷു​റ​ൻ​സി​ൽ അ​ടു​ത്തി​ടെ ബ​ഹ്റൈ​നി​ൽ പോ​യി വി​സ പു​തു​ക്കി വ​രി​ക​യും ചെ​യ്തി​രു​ന്നു.

ഷാ​ജ​ഹാ​ന് ആ​വ​ശ്യ​മാ​യ ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കാ​ൻ അ​ബ്​​ദു​ൽ മ​ജീ​ദ്, ജ​ലാ​ൽ കൊ​ല്ലം, റ​മീ​സ് താ​മ​ര​ക്കു​ളം, ഷൗ​ക്ക​ത്ത് ഓ​ച്ചി​റ, അ​ബ്​​ദു​ൽ റ​ഷീ​ദ് കൊ​ല്ലം (ഫി​ഷ് മാ​ർ​ക്ക​റ്റ്), ജു​ബൈ​ൽ കെ.​എം.​സി.​സി വെ​ൽ​ഫ​യ​ർ വി​ങ്​ അം​ഗ​ങ്ങ​ളാ​യ സ​ലാം ആ​ല​പ്പു​ഴ, അ​സീ​സ് ഉ​ണ്ണി​യാ​ൽ, റി​യാ​സ് ബ​ഷീ​ർ, പ്ര​വാ​സി വെ​ൽ​ഫെ​യ​ർ ജു​ബൈ​ൽ പ്ര​വ​ർ​ത്ത​ക​ൻ പി.​സി. അ​ബ്​​ദു​ൽ ഖാ​ദ​ർ എ​ന്നി​വ​ർ

രം​ഗ​ത്തു​ണ്ടാ​യി​രു​ന്നു.