ചൈ​ന​യി​ലെ സൗ​ദി വി​ദ്യാ​ർ​ഥി​ക​ളു​മാ​യി വി​വ​ര​സാ​ങ്കേ​തി​ക വി​ദ്യ മ​ന്ത്രി​യു​ടെ കൂ​ടി​ക്കാ​ഴ്ച

റി​യാ​ദ്: ചൈ​നീ​സ് സ​ന്ദ​ർ​ശ​ന​ത്തി​​ന്റെ ഭാ​ഗ​മാ​യി ബെ​യ്‌​ജി​ങ്ങി​ലെ​ത്തി​യ സൗ​ദി ആ​ശ​യ​വി​നി​മ​യ, വി​വ​ര​സാ​​ങ്കേ​തി​ക വി​ദ്യ മ​ന്ത്രി എ​ൻ​ജി. അ​ബ്​​ദു​ല്ല അ​ൽ സ​വാ​ഹ അ​വി​ടെ​യു​ള്ള സൗ​ദി വി​ദ്യാ​ർ​ഥി​ക​ളു​മാ​യി കൂ​ടി​ക്കാ​ഴ്ച ന​ട​ത്തി. പ​രി​ശീ​ല​ന​ത്തി​നും വി​ദ്യാ​ഭ്യാ​സ​ത്തി​നു​മു​ള്ള സ്‌​കോ​ള​ർ​ഷി​പ്പു​ക​ൾ സം​ബ​ന്ധി​ച്ച് അ​ദ്ദേ​ഹം വി​ദ്യാ​ർ​ഥി​ക​ളോ​ട് വി​ശ​ദീ​ക​രി​ച്ചു.

ചൈ​നീ​സ് ന​ഗ​ര​ങ്ങ​ളി​ൽ നി​ല​നി​ൽ​ക്കു​ന്ന ഡി​ജി​റ്റ​ൽ സ​മ്പ​ദ്‌​വ്യ​വ​സ്ഥ, ബ​ഹി​രാ​കാ​ശ പ​ര്യ​വേ​ക്ഷ​ണ പ​ദ്ധ​തി എ​ന്നി​വ​യെ സം​ബ​ന്ധി​ച്ച പ​ഠ​ന നി​രീ​ക്ഷ​ണ​ങ്ങ​ൾ​ക്കാ​യി നി​യോ​ഗി​ക്ക​പ്പെ​ട്ട സൗ​ദി പ്ര​തി​നി​ധി​സം​ഘ​ത്തെ ന​യി​ച്ചാ​ണ് മ​ന്ത്രി ചൈ​നീ​സ് ത​ല​സ്ഥാ​ന​ത്തെ​ത്തി​യ​ത്.

ആ​ശ​യ​വി​നി​മ​യ, വി​വ​ര​സാ​​ങ്കേ​തി​ക വി​ദ്യ ഉ​പ​മ​ന്ത്രി എ​ൻ​ജി. ഹൈ​തം അ​ൽ ഒ​ഹാ​ലി, ചൈ​ന​യി​ലെ സൗ​ദി അം​ബാ​സ​ഡ​ർ അ​ബ്​​ദു​റ​ഹ്‌​മാ​ൻ അ​ൽ ഹ​ർ​ബി എ​ന്നി​വ​രു​ടെ സാ​ന്നി​ധ്യ​ത്തി​ലാ​ണ് അ​ബ്​​ദു​ല്ല അ​ൽ സ​വാ​ഹ സ്‌​കോ​ള​ർ​ഷി​പ് വി​ദ്യാ​ർ​ഥി​ക​ളു​മാ​യി ച​ർ​ച്ച ന​ട​ത്തി​യ​ത്.

സൗ​ദി വി​ഷ​ൻ 2030 മു​ന്നോ​ട്ടു​വെ​ക്കു​ന്ന മ​നു​ഷ്യ​ശേ​ഷി വി​ക​സ​ന പ​രി​പാ​ടി​യു​ടെ വെ​ളി​ച്ച​ത്തി​ൽ മാ​ന​വ മൂ​ല​ധ​ന​ത്തി​ന്റെ പ്രാ​ധാ​ന്യം വി​ശ​ദീ​ക​രി​ച്ച അ​ൽ സ​വാ​ഹ അ​തു​ൾ​ക്കൊ​ണ്ട് മു​ന്നേ​റാ​ൻ വി​ദ്യാ​ർ​ഥി​ക​ളെ ആ​ഹ്വാ​നം ചെ​യ്തു.സ്‌​കോ​ള​ർ​ഷി​പ്പി​ൽ പ​ഠി​ക്കു​ന്ന സൗ​ദി വി​ദ്യാ​ർ​ഥി​ക​ളി​ൽ അ​ദ്ദേ​ഹം അ​ഭി​മാ​നം പ്ര​ക​ടി​പ്പി​ച്ചു. രാ​ജ്യ​ത്തി​ന്റെ അ​ഭി​ലാ​ഷ​ങ്ങ​ൾ സാ​ക്ഷാ​ത്ക​രി​ക്കു​ന്ന​തി​ൽ യു​വാ​ക്ക​ൾ​ക്കും വ​നി​ത​ക​ൾ​ക്കും പ്ര​ധാ​ന പ​ങ്കാ​ണു​ള്ള​തെ​ന്ന് അ​ദ്ദേ​ഹം പ​റ​ഞ്ഞു.

ഡി​ജി​റ്റ​ൽ സ​മ്പ​ദ്‌​വ്യ​വ​സ്ഥ, ഗ​വേ​ഷ​ണം, വി​ക​സ​നം, ശാ​സ്ത്ര ബ​ഹി​രാ​കാ​ശ മേ​ഖ​ല എ​ന്നി​വ​യി​ൽ ആ​ഗോ​ള​ത​ല​ത്തി​ൽ മ​ത്സ​രി​ക്കാ​ൻ ക​ഴി​വു​ള്ള ത​ല​മു​റ​യെ വാ​ർ​ത്തെ​ടു​ക്കാ​നാ​ണ് സൗ​ദി അ​റേ​ബ്യ ശ്ര​മി​ക്കു​ന്ന​തെ​ന്ന് അ​ദ്ദേ​ഹം ചൂ​ണ്ടി​ക്കാ​ട്ടി.