70ാം വാർഷിക വർണശബളിമയിൽ സ്വാതന്ത്ര്യദിനം കൊണ്ടാടി

റിയാദ്-ജിദ്ദ: എഴുപതാം വാർഷിക നിറവി​​െൻറ വർണശബളിമയിൽ സൗദിയിലെ ഇന്ത്യൻ സമൂഹം ജന്മനാടി​​െൻറ സ്വാതന്ത്ര്യ ദിനം കൊണ്ടാടി. എഴുപതി​​െൻറ പൊലിമ വിളിച്ചോതി റിയാദിലെ ഇന്ത്യൻ എംബസി കമനീയമായി അലങ്കരിച്ചിരുന്നു. മുൻവർഷങ്ങളേക്കാൾ കൂടുതൽ ആളുകൾ അതിരാവിലെ തന്നെ എംബസിയിലെത്തി. 500ലേറെ ഇന്ത്യാക്കാർ പരിപാടിക്കെത്തിയെന്ന്​ എംബസി അധികൃതർ അറിയിച്ചു. എംബസി അങ്കണത്തിൽ തടിച്ചുകൂടിയ പൗരാവലിയെ സാക്ഷിനിറുത്തി അംബാസഡർ അഹ്​മദ്​ ജാവേദ്​ ദേശീയ പതാക ഉയർത്തി. തുടർന്ന്​ ഒാഡിറ്റോറിയത്തിൽ നിറഞ്ഞ സദസിനെ അംബാസഡർ അഭിസംബോധന ചെയ്​തു. നാടിന് വേണ്ടി ജീവൻ നൽകിയ രക്തസാക്ഷികളെ ഓർക്കണമെന്നും 30 ലക്ഷം പ്രവാസികൾക്ക് അന്നം നൽകുന്ന സൗദി ഭരണകൂടത്തോട് ഈഷ്മള ബന്ധമാണുള്ളതെന്നും അദ്ദേഹം പറഞ്ഞു. ഡി.സി.എം ഹേമന്ത്​ കൊട്ടൽവാർ, ഡിഫൻസ്​ അറ്റാഷെ എസ്​.എം കേണൽ മനീഷ്​ നാഗ്​പാൽ, കമ്യൂണിറ്റി വെൽഫെയർ കോൺസുലർ അനിൽ നോട്യാൽ, കോൺസൽ കോൺസുലർ ഷീൽ ഭദ്ര, വിവിധ സെക്രട്ടറിമാരായ വി. നാരായണൻ, അനൂപ്​ ദിൻഗ്ര, പ്രമോദ്​ കുമാർ അഗർവാൾ, വിജയകുമാർ സിങ്​, ഹിഫ്​സുറഹ്​മാൻ, നവീൻ കമാൽ ശർമ, ടി.ടി ജോർജ്​, ടി. പുരുഷോത്തമൻ, ഡോ. സി. രാം ബാബു തുടങ്ങിയവർ സംബന്ധിച്ചു.  
ജിദ്ദ ഇന്ത്യൻ കോൺസുലേറ്റ്​ അങ്കണത്തിൽ കോൺസൽ ജനറൽ മുഹമ്മദ്​ നൂർ റഹ്​മാൻ ശൈഖ്​ ദേശീയ പതാക ഉയർത്തി. രാഷ്​​്ട്രപതിയുടെ സ്വാതന്ത്ര്യദിന സന്ദേശം അദ്ദേഹം വായിച്ചു.ഇന്ത്യൻ പൗര സമൂഹം ആഘോഷത്തിൽ പ​​െങ്കടുത്തു. ഇന്ത്യൻ ഇൻറർ നാഷനൽ സ്​കൂൾ വിദ്യാർഥികൾ ദേശഭക്​തി ഗാനമാലപിച്ചു. സി.ജിയുടെ പത്​നിയുടെ നേതൃത്വത്തിൽ സത്രീകളും കുട്ടികളും കേക്ക്​ മുറിച്ചു. പുരുഷൻമാർക്ക്​ വേണ്ടി കോൺസൽ ജനറൽ കേക്​ മുറിച്ചു. സ്വാതന്ത്ര്യദിനാഘോഷത്തി​​െൻറ ഭാഗമായി കോൺസുലേറ്റ്​ ദീപാലംകൃതമാക്കിയിരുന്നു.