ഇന്ത്യൻ സ്​കൂൾ പ്രിൻസിപ്പൽ മെഹനാസ് ഫരീദിന് സ്വീകരണം നൽകി

ദമ്മാം: ദമ്മാം ഇൻറർനാഷനൽ ഇന്ത്യൻ സ്കൂളിലെ ആദ്യ വനിത പ്രിൻസിപ്പൽ മെഹനാസ് ഫരീദിന് അറേബ്യൻ സോഷ്യൽ ഫോറം സ്വീകരണം നൽകി. ചടങ്ങിൽ പ്രസിഡൻറ്​ അസ്‌ലം ഫറോക്ക്​, ഡിസ്പാക് മുൻ പ്രസിഡൻറ്​ നജീം ബഷീർ, പ്രവാസി സാംസ്കാരിക വേദി പ്രസിഡൻറ്​ എം.കെ. ഷാജഹാൻ, ഹകീം കരുനാഗപ്പള്ളി എന്നിവർ സംബന്ധിച്ചു.

1982ൽ സ്ഥാപിതമായ ദമ്മാം സ്കൂളിൽ 1985 മുതൽ മെഹനാസ്​ ഫരീദ്​ അധ്യാപികയാണ്. മുംബൈ സ്വദേശിനിയായ ഇവർ 35 വർഷത്തോളമായി സ്കൂളിൽ ജോലി ചെയ്യുന്നു. അവസാനം അർഹതക്കുള്ള അംഗീകാരമാണ് മെഹനാസ് ഫരീദിനെ തേടിയെത്തിയതെന്ന്​ ഭാരവാഹികൾ വാർത്തക്കുറിപ്പിൽ പറഞ്ഞു.സ്കൂൾ പൊതുസമൂഹത്തി​േൻറതാണെന്നും അതി​െൻറ ഉയർച്ചക്ക് വേണ്ടി ആരെയും മാറ്റിനിർത്തുകയില്ലെന്ന് പ്രിൻസിപ്പൽ മെഹനാസ് ഫരീദ് പറഞ്ഞു