ചരിത്രത്തിലില്ലാത്ത പതനത്തിൽ ഇന്ത്യ​ൻ രൂപ

റിയാദ്​: ചരിത്രത്തിലില്ലാത്ത തകർച്ച നേരിടുകയാണ്​ ഇന്ത്യൻ രൂപ. സൗദി റിയാലുമായി 20 രൂപയുടെ വിനിമയ വിത്യാസത്തിലേക്കെത്താൻ ഏതാനും പൈസയുടെ ദൂരം മാത്രം. ഇൗ ദിവസങ്ങളിൽ 19 രൂപക്ക്​ മുകളിലാണ്​ വിനിമയ നിരക്ക്​. ബുധനാഴ്​ച 19.43 രൂപയായാണ്​ ഉയർന്നത്​.
ഇങ്ങനെ തുടർന്നാൽ 25 ലെത്തുമോ എന്ന്​ പ്രവാസികൾ ചോദിച്ചുതുടങ്ങിയിരിക്കുന്നു. ചോദിക്കാൻ​ കാരണമുണ്ട്​. റിയാലിനെതിരെ ഇന്ത്യൻ രൂപയുടെ പതനം പതിറ്റാണ്ടുകളായി കണ്ടുകൊണ്ടിരിക്കുകയാണ്​ അവർ. നാല്​ പതിറ്റാണ്ട്​ മുമ്പ്​ ഒരു റിയാലിന്​​ 2.25 രൂപയായിരുന്നു നിരക്ക്​. 1978 ൽ നിന്ന്​ 2018 ൽ എത്തു​േമ്പാൾ രൂപയുടെ വിലതകർച്ച എട്ടര ഇരട്ടിയോളമായെന്ന്​ സാമൂഹിക പ്രവർത്തകനും സൗദിയിലെ ഏറ്റവും പഴയ പ്രവാസികളിലൊരാളുമായ സലാഹ്​ കാരാടൻ പറയുന്നു. 1978ൽ ജിദ്ദയിൽ ​പ്രവാസം തുടങ്ങിയ അദ്ദേഹം അന്ന്​ ഒരു റിയാലിന്​ 2രൂപ 25 പൈസയായിരു​ന്നു എന്ന്​ വ്യക്​തമായി ഒാർക്കുന്നു. 445 റിയാൽ വേണമായിരുന്നു ആയിരം രൂപക്ക്​.

അന്ന്​ ബാങ്കിൽ പോയി ഡിമാൻഡ്​ ഡ്രാഫ്​റ്റ്​ എടുത്താണ് നാട്ടിൽ​ അയച്ചിരുന്നത്​. തപാലിൽ അയക്കുകയോ നാട്ടിൽ പോകുന്നവർ വശം കൊടുത്തുവിടുകയോ ആയിരുന്നു പതിവ്​. എന്നാൽ കഴിഞ്ഞ 10 വർഷത്തിനിടെ പണമയക്കുന്ന സംവിധാനങ്ങളിൽ ആകെ മാറ്റം വന്നു. ഇപ്പോൾ ഡ്രാഫ്​റ്റ്​ സംവിധാനം പോലും ബാങ്കുകൾ ഒഴിവാക്കി. റെമ്മിറ്റൻസിന്​ നൂതന സാ​േങ്കതിക വിദ്യകൾ നടപ്പായി​. ഇതിനിടയിലും മാറ്റമില്ലാതിരുന്നത്​ ഇന്ത്യ​ൻ രൂപയുടെ മൂല്യം കുറയുന്ന കാര്യത്തിൽ മാത്രം. 1978ലെ നിരക്ക്​​ വർധിക്കാൻ തുടങ്ങിയത് പതിയെയാണ്​​. 1990കളിലേക്ക്​ എത്തിയപ്പോഴേക്കും എട്ട്​ രൂപയായി. പിന്നീട്​ കുറെക്കാലം ഒമ്പതിനും 11നുമിടയിലായി ഏതാണ്ട്​ ഒരേ നില നിന്നു.

2009ൽ 11.50 രൂപയായിരുന്നു. അഞ്ചുവർഷം മുമ്പാണ്​ കുതിച്ചുയരാൻ തുടങ്ങിയത്​. അന്ന്​ 13.50 ആയിരുന്ന നിരക്കിന്​ പിന്നീടൊരു തിരിച്ചിറക്കമുണ്ടായിട്ടില്ല. ദിനംപ്രതി സംഭവിച്ചുകൊണ്ടിരിക്കുന്ന രൂപയുടെ വിലതകർച്ചയിൽ പ്രവാസികൾ ആഹ്ലാദത്തിനും ആശങ്കക്കും ഇടയിലാണ്​. സൗദിയിൽ നിന്ന്​ നാട്ടിലേക്ക്​ അയക്കു​േമ്പാൾ തങ്ങളുടെ പ്രതിമാസ വരുമാനത്തിൽ വർധനവുണ്ടാകുന്നത്​ ആഹ്ലാദം പകരുന്നുണ്ട്​​.
എന്നാൽ നാട്ടിൽ എത്ര കൂടുതൽ ചെന്നാലും ആവശ്യ സാധനങ്ങളുടേതടക്കം വിലക്കയറ്റത്തി​​െൻറ എരിതീയിൽ അതെല്ലാം എരിഞ്ഞുപോകുന്നു എ​ന്നറിയു​േമ്പാൾ ആശങ്കയുടെ ​േ​വവേറുന്നു.