മ​ക്ക​യി​ൽ ഇ​ന്ത്യ​ൻ എം​ബ​സി സ്കൂ​ൾ അ​നി​വാ​ര്യം -ഇ​ന്ത്യ​ൻ സം​ഘ​ട​ന​ക​ൾ

മ​ക്ക: മ​ക്ക​യി​ൽ ഒ​രു ഇ​ന്ത്യ​ൻ സ്കൂ​ൾ ഏ​റെ അ​നി​വാ​ര്യ​മാ​ണെ​ന്നും ഇ​തി​നാ​വ​ശ്യ​മാ​യ ന​ട​പ​ടി​ക​ൾ അ​ധി​കൃ​ത​ർ കൈ​ക്കൊ​ള്ള​ണ​മെ​ന്നും മ​ക്ക​യി​ലെ വി​വി​ധ ഇ​ന്ത്യ​ൻ കൂ​ട്ടാ​യ്മ​ക​ളു​ടെ​യും സം​ഘ​ട​ന​ക​ളു​ടെ​യും സം​യു​ക്ത യോ​ഗം ആ​വ​ശ്യ​പ്പെ​ട്ടു.

മ​ല​യാ​ളി ന​ഴ്സ​സ് ഫോ​റം (എം.​എ​ൻ.​എ​ഫ്) മ​ക്ക അ​സീ​സി​യ്യ​യി​ലെ പാ​നൂ​ർ ഹോ​ട്ട​ൽ ഓ​ഡി​റ്റോ​റി​യ​ത്തി​ൽ സം​ഘ​ടി​പ്പി​ച്ച യോ​ഗ​ത്തി​ൽ വി​വി​ധ സം​സ്ഥാ​ന​ങ്ങ​ളി​ൽ നി​ന്നു​ള്ള രാ​ഷ്ട്രീ​യ, സാ​മൂ​ഹി​ക, പ്രാ​ദേ​ശി​ക സം​ഘ​ട​ന പ്ര​തി​നി​ധി​ക​ൾ പ​ങ്കെ​ടു​ത്തു. ക​ഴി​ഞ്ഞ മാ​സം എം.​എ​ൻ.​എ​ഫ് ഭാ​ര​വാ​ഹി​ക​ളും ര​ക്ഷി​താ​ക്ക​ളും ജി​ദ്ദ ഇ​ന്ത്യ​ൻ കോ​ൺ​സു​ലേ​റ്റി​ൽ ന​ട​ത്തി​യ കൂ​ടി​ക്കാ​ഴ്ച​യു​ടെ ഭാ​ഗ​മാ​യി ന​ട​ക്കു​ന്ന കു​ട്ടി​ക​ളു​ടെ വി​വ​ര ശേ​ഖ​ര​ണം വേ​ഗ​ത്തി​ൽ തീ​ർ​ക്കു​ക എ​ന്ന കാ​ര്യ​ത്തി​ൽ പി​ന്തു​ണ​യും സ​ഹ​ക​ര​ണ​വും എ​ല്ലാ പ്ര​തി​നി​ധി​ക​ളും വാ​ഗ്ദാ​നം ചെ​യ്തു.

മ​ക്ക​യി​ലെ നി​ല​വി​ലെ ഇ​ന്ത്യ​ൻ വി​ദ്യാ​ർ​ഥി​ക​ളു​ടെ വി​ദ്യ​ാഭ്യാ​സ പ്ര​ശ്ന​ങ്ങ​ൾ, ഇ​ന്ത്യ​ൻ എം​ബ​സി സ്കൂ​ൾ നി​ല​വി​ൽ വ​രാ​ൻ വേ​ണ്ട വ്യ​ത്യ​സ്ത ത​ല​ത്തി​ൽ പ്ര​വ​ർ​ത്തി​ക്കു​ന്ന​വ​രു​ടെ അ​ഭി​പ്രാ​യ​ങ്ങ​ൾ, സ്‌​കൂ​ളി​നാ​യി മു​ൻ​കാ​ല​ങ്ങ​ളി​ൽ പ്ര​വ​ർ​ത്തി​ച്ച​വ​രു​ടെ അ​നു​ഭ​വ​ങ്ങ​ൾ എ​ന്നി​വ ച​ർ​ച്ച​യി​ൽ പ​ങ്കെ​ടു​ത്ത​വ​ർ പ​ങ്കു​വെ​ച്ചു.

മ​ക്ക​യി​ൽ നി​ല​വി​ലെ സ്ഥി​രം താ​മ​സ​ക്കാ​രും, സ​ന്ദ​ർ​ശ​ക വി​സ​യി​ലു​ള്ള കു​ട്ടി​ക​ളും, മെ​ച്ച​പ്പെ​ട്ട വി​ദ്യ​ാഭ്യാ​സ സൗ​ക​ര്യ​ങ്ങ​ൾ ഇ​ല്ലാ​ത്ത​തി​നാ​ൽ നാ​ട്ടി​ൽ സ്ഥി​ര താ​മ​സ​മാ​ക്കി​യ കു​ട്ടി​ക​ളു​ടെ​യും മ​റ്റും വി​വ​ര​ങ്ങ​ൾ ര​ജി​സ്ട്രേ​ഷ​ൻ ലി​ങ്ക് വ​ഴി എ​ത്ര​യും പെ​ട്ടെ​ന്ന് പൂ​രി​പ്പി​ച്ചു സ​ഹ​ക​രി​ക്ക​ണ​മെ​ന്ന് ഭാ​ര​വാ​ഹി​ക​ൾ അ​ഭ്യ​ർ​ഥി​ച്ചു.പ്ര​സി​ഡ​ന്റ്​ മു​സ്ത​ഫ മ​ല​യി​ൽ അ​ധ്യ​ക്ഷ​ത വ​ഹി​ച്ചു. ജ​ന​റ​ൽ സെ​ക്ര​ട്ട​റി അ​ബ്ദു​ൽ സാ​ലി​ഹ് സ്വാ​ഗ​ത​വും ട്ര​ഷ​റ​ർ നി​സ നി​സാം ന​ന്ദി​യും പ​റ​ഞ്ഞു.