ദമ്മാമിൽ ഒൗദ്യോഗിക പ്രതിനിധികളി​െല്ലന്ന്​ ഇന്ത്യൻ എംബസി

റിയാദ്​: ദമ്മാം ഉൾപ്പെട്ട സൗദി കിഴക്കൻ പ്രവിശ്യയിൽ ഒൗദ്യോഗിക പ്രതിനിധികളായി ആരേയും നിയോഗിച്ചിട്ടില്ലെന്ന്​ ഇന്ത്യൻ എംബസി വാർത്താക്കുറിപ്പിൽ അറിയിച്ചു. ഇന്ത്യൻ സമൂഹത്തിലെ ചിലർ ഇത്തരത്തിലൊരു അവകാശവാദവുമായി രംഗത്ത്​ വന്നത്​ ശ്രദ്ധയിൽ പെട്ടതിനെ തുടർന്നാണ്​ എംബസി വിശദീകരണം.

കിഴക്കന്‍ പ്രവിശ്യയില്‍ ഒരിടത്തും ഇന്ത്യന്‍ എംബസി പ്രത്യേക പ്രതിനിധിയെ നിയോഗിച്ചിട്ടില്ലെന്ന് എല്ലാവരേയും അറിയിക്കുന്നതായി എംബസി ഒൗദ്യോഗിക ട്വീറ്റർ അക്കൗണ്ടിൽ പോസ്​റ്റ്​ ചെയ്​ത അറിയിപ്പിൽ പറഞ്ഞു.