ഇന്ത്യൻ കോൺസൽ ജനറൽ ഹജ്ജ് മന്ത്രാലയം ഡയറക്ടറുമായി കൂടിക്കാഴ്ച നടത്തി
text_fieldsജിദ്ദ: ഇന്ത്യൻ കോൺസൽ ജനറൽ മുഹമ്മദ് നൂർ റഹ്മാൻ ശൈഖ് സൗദി ഹജ്ജ് മന്ത്രാലയം ഡയറക ്ടർ ജനറൽ എൻജി. മർവാൻ സുലൈമാനുമായി കൂടിക്കാഴ്ച നടത്തി. ജിദ്ദ ഹജ്ജ് ടെർമിനലിലെ ഒാഫിസിലായിരുന്നു കൂടിക്കാഴ്ച. ഇന്ത്യൻ ഹാജിമാരുമായി ബന്ധപ്പെട്ട കാര്യങ്ങൾ ചർച്ച ചെയ്തു. ഹജ്ജ് കോൺസൽ വൈ. സാബിറും കോൺസൽ ജനറലിനൊപ്പമുണ്ടായിരുന്നു. ഹജ്ജ് ടെർമിനലിൽ ഇന്ത്യൻ ഹാജിമാർക്കായി 24 മണിക്കൂർ പ്രവർത്തിക്കുന്ന ഡിസ്പൻസറിയും ഹജ്ജ് മിഷെൻറ ബ്രാഞ്ച് ഒാഫിസും പ്രവർത്തിക്കുന്നുണ്ട്. ഒരുക്കം കോൺസൽ ജനറൽ സന്ദർശിച്ചു.
ഇൗ മാസം 20 മുതലാണ് ഇന്ത്യൻ ഹാജിമാർ ജിദ്ദ വിമാനത്താവളം വഴി വന്നുതുടങ്ങുക. രണ്ടു ലക്ഷം പേരാണ് ഇത്തവണ ഇന്ത്യയിൽനിന്ന് ഹജ്ജ് കമ്മിറ്റി വഴി വരുന്നത്. ഇതിൽ 77,000 പേർ ജിദ്ദ വിമാനത്താവളം വഴിയും ബാക്കിയുള്ളവർ മദീന വിമാനത്താവളം വഴിയും എത്തും.
ഇൗമാസം നാലു മുതൽ മദീനയിൽ ഇന്ത്യൻ ഹാജിമാർ ഇറങ്ങിത്തുടങ്ങിയിട്ടുണ്ട്. അതേസമയം, സ്വകാര്യ ഗ്രൂപ് വഴിയുള്ള ഹാജിമാർ ജിദ്ദ വഴി വന്നുതുടങ്ങി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.