ദാറസ്സിഹ മെഡിക്കൽ സെന്റർ പുതിയ ആസ്ഥാനം ഇന്ത്യൻ അംബാസഡർ ഉദ്ഘാടനം ചെയ്തു

ദ​മ്മാം: ആ​തു​ര ശു​ശ്രൂ​ഷ മേ​ഖ​ല​യി​ൽ ര​ണ്ട് പ​തി​റ്റാ​ണ്ടി​ല​ധി​ക​മാ​യി പ്ര​വ​ർ​ത്തി​ക്കു​ന്ന ദാ​റ​സ്സി​ഹ മെ​ഡി​ക്ക​ൽ സെ​ന്റ​റി​ന്റെ പു​തി​യ ആ​സ്ഥാ​നം ദ​മ്മാ​മി​ൽ തു​റ​ന്നു. ഇ​ന്ത്യ​ൻ അം​ബാ​സ​ഡ​ർ ഡോ. ​സു​ഹൈ​ൽ അ​ജാ​സ്ഖാ​ൻ ഉ​ദ്ഘാ​ട​നം നി​ർ​വ​ഹി​ച്ചു.

സൗ​ദി​യു​ടെ സ്വ​പ്ന പ​ദ്ധ​തി​യാ​യ ‘വി​ഷ​ൻ 2030’ വി​ജ​യി​പ്പി​ക്കു​ന്ന​തി​ന് ശ​ക്ത​മാ​യ പി​ന്തു​ണ​യു​മാ​യി ആ​രോ​ഗ്യ മേ​ഖ​ല​യി​ൽ നി​ര​വ​ധി ഇ​ന്ത്യ​ക്കാ​രാ​ണ് ജോ​ലി​ചെ​യ്യു​ന്ന​തെ​ന്ന് അ​ദ്ദേ​ഹം പ​റ​ഞ്ഞു. സാ​ധാ​ര​ണ പ്ര​വാ​സി​ക​ൾ​ക്ക് നി​ല​വാ​ര​മു​ള്ള ആ​രോ​ഗ്യ പ​രി​ര​ക്ഷ ല​ഭ്യ​മാ​ക്കു​ന്ന​തി​ൽ ദാ​റ​സ്സി​ഹ പോ​ലു​ള്ള ക്ലി​നി​ക്കു​ക​ളു​ടെ പ​ങ്ക് അ​ഭി​ന​ന്ദി​ക്ക​​പ്പെ​ടേ​ണ്ട​താ​ണ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

സൗ​ദി ആ​രോ​ഗ്യ​വ​കു​പ്പ്​ മു​ൻ ഉ​പ​മ​ന്ത്രി ഹ​മാ​ദ് അ​ൽ ദി​വാ​ലി​യ മു​ഖ്യ പ്ര​ഭാ​ഷ​ണം നി​ർ​വ​ഹി​ച്ചു. ചി​കി​ത്സ​ക്കൊ​പ്പം മ​ന​സ്​ തൊ​ടു​ന്ന സ്നേ​ഹ​വും പ​രി​ച​ര​ണ​വും രോ​ഗി​ക​ൾ​ക്ക് ന​ൽ​കു​ന്ന​താ​ണ് ഏ​റ്റ​വും മി​ക​ച്ച ആ​തു​രാ​ല​യ​ങ്ങ​ൾ ചെ​യ്യേ​ണ്ട​തെ​ന്നും അ​ത് ദാ​റ​സ്സി​ഹ​യി​ൽ ല​ഭ്യ​മാ​കു​ന്നു​ണ്ടെ​ന്നും അ​ദ്ദേ​ഹം പ​റ​ഞ്ഞു. ‘വി​ഷ​ൻ 2030’​ന്റെ ​ഭാ​ഗ​മാ​യി ആ​രോ​ഗ്യ​രം​ഗ​ത്തെ പ​രി​ഷ്ക​ര​ണ അ​ജ​ണ്ട​യു​മാ​യി ദാ​റ​സ്സി​ഹ മെ​ഡി​ക്ക​ൽ സെ​ന്റ​റി​നെ ബ​ന്ധി​പ്പി​ക്കാ​നു​ള്ള വി​പു​ല​മാ​യ ശ്ര​മ​ങ്ങ​ളു​ടെ ഭാ​ഗ​മാ​യാ​ണ് പു​തി​യ സം​വി​ധാ​ന​ങ്ങ​ൾ ഏ​ർ​പ്പെ​ടു​ത്തി​യ​തെ​ന്ന് സി​എം.​ഡി ഡോ. ​സി​ദ്ദീ​ഖ് അ​ഹ​മ്മ​ദ് പ​റ​ഞ്ഞു.

ഇ​​ന്റേ​ണ​ൽ മെ​ഡി​സി​ൻ മു​ത​ൽ പീ​ഡി​യാ​ട്രി​ക്‌​സ്, ഗൈ​ന​ക്കോ​ള​ജി, ഡെ​ർ​മ​റ്റോ​ള​ജി, ജ​ന​റ​ൽ സ​ർ​ജ​റി തു​ട​ങ്ങി ആ​രോ​ഗ്യ മേ​ഖ​ല​യി​ൽ സ​മ​ഗ്ര സേ​വ​ന​ങ്ങ​ൾ വാ​ഗ്ദാ​നം ചെ​യ്യു​ന്ന അ​ത്യാ​ധു​നി​ക മെ​ഡി​ക്ക​ൽ സാ​ങ്കേ​തി​ക​വി​ദ്യ​യാ​ണ് പു​തി​യ ദാ​റ​സ്സി​ഹ മെ​ഡി​ക്ക​ൽ സെ​ന്റ​റി​ൽ സ​ജ്ജീ​ക​രി​ച്ചി​രി​ക്കു​ന്ന​തെ​ന്നും അ​ദ്ദേ​ഹം പ​റ​ഞ്ഞു. സാ​ധാ​ര​ണ​ക്കാ​ർ​ക്ക് ഏ​റ്റ​വും മി​ക​ച്ച​സം​വി​ധാ​ന​ങ്ങ​ൾ ഉ​പ​യോ​ഗി​ച്ചു​ള്ള ചി​കി​ത്സ​യും വി​ദ​ഗ്ധ​രു​ടെ സേ​വ​ന​വും ല​ഭ്യ​മാ​ക്കു​ക എ​ന്ന ല​ക്ഷ്യ​മാ​ണ് ദാ​റ​സ്സി​ഹ പി​ന്തു​ട​രു​ന്ന​തെ​ന്നും പു​തി​യ സം​വി​ധാ​ന​ങ്ങ​ൾ സേ​വ​ന മേ​ഖ​ല​യെ കൂ​ടു​ത​ൽ നി​ല​വാ​ര​ത്തി​ലേ​ക്ക് ഉ​യ​ർ​ത്തു​മെ​ന്നും ഡ​യ​റ​ക​ട്ർ മു​ഹ​മ്മ​ദ് അ​ഫ്നാ​സ് പ​റ​ഞ്ഞു.

1995ൽ ​ആ​രം​ഭി​ച്ച് 2006ൽ ​ഇ​റാം ഹോ​ൾ​ഡിം​ഗ്സ് ഏ​റ്റെ​ടു​ത്ത​ത് മു​ത​ൽ മി​ക​ച്ച പ​രി​ച​ര​ണം ന​ൽ​കു​ന്ന ആ​രോ​ഗ്യ കേ​ന്ദ്ര​മാ​ണ് ദാ​റ​സ്സി​ഹ. ദ​മ്മാ​മി​ലും അ​ൽ ഖോ​ബാ​റി​ലും ര​ണ്ട് പ്ര​ധാ​ന ക്ലി​നി​ക്കു​ക​ൾ കൂ​ടാ​തെ 75 ല​ധി​കം റി​മോ​ട്ട് ഏ​രി​യ ക്ലി​നി​ക്കു​ക​ൾ, 50ഓ​ളം ഡോ​ക്ട​ർ​മാ​ർ, മ​റ്റ് സം​വി​ധാ​ന​ങ്ങ​ൾ ഉ​ൾ​പ്പ​ടെ 24 മ​ണി​ക്കൂ​റും സേ​വ​നം ല​ഭ്യ​മാ​ക്കു​ന്നു.

ഉ​ദ്​​ഘാ​ട​ന ച​ട​ങ്ങി​ൽ 15ഉം 20​ഉം 25ഉം ​വ​ർ​ഷം സേ​വ​ന​കാ​ലാ​വ​ധി പൂ​ർ​ത്തി​യാ​ക്കി​യ​വ​രെ ഫ​ല​ക​വും പ്ര​ശം​സാ​പ​ത്ര​വും സ​മ്മാ​ന​ങ്ങ​ളും ന​ൽ​കി ആ​ദ​രി​ച്ചു. ഇ​റാം ഹോ​ൾ​ഡി​ങ്​ ഡ​യ​റ​ക്ട​ർ റി​സ്‍വാ​ൻ അ​ഹ​മ്മ​ദ് സി​ദ്ധീ​ഖ്, സി.​ഒ.​ഒ മ​ധു​കൃ​ഷ്ണ​ൻ, സി.​ഇ.​ഒ അ​ബ്​​ദു​ൽ റ​സ്സാ​ഖ്, ദാ​റ​സ്സി​ഹ ഓ​പ​റേ​ഷ​ൻ മാ​നേ​ജ​ർ സു​ധീ​ർ തു​ട​ങ്ങി​യ​വ​ർ ച​ട​ങ്ങു​ക​ൾ​ക്ക് നേ​തൃ​ത്വം കൊ​ടു​ത്തു.