ഇ​ന്ത്യ-​സൗ​ദി ജ്വ​ല്ല​റി എ​ക്‌​സ്പോ; പ്രഖ്യാപന സമ്മേളനം റിയാദിൽ നടന്നു

ജി​ദ്ദ: ‘സാ​ജെ​ക്‌​സ് 2025’എ​ന്ന പേ​രി​ൽ സ്വ​ര്‍ണ, ര​ത്‌​നാ​ഭ​ര​ണ വ്യ​വ​സാ​യ​രം​ഗ​ത്തെ വി​ദേ​ശ​നി​ക്ഷേ​പ​ക​ര്‍ക്കും ഉ​ൽപാ​ദ​ക​ര്‍ക്കു​മാ​യി ജം​സ്​ ആ​ൻ​ഡ്​ ജ്വ​ല്ല​റി എ​ക്​​സ്​​പോ​ർ​ട്ട്​ പ്ര​മോ​ഷ​ൻ കൗ​ൺ​സി​ൽ (ജി.​ജെ.​ഇ.​പി.​സി) സം​ഘ​ടി​പ്പി​ക്കു​ന്ന ഇ​ന്ത്യ-​സൗ​ദി ജ്വ​ല്ല​റി എ​ക്‌​സ്പോ​യു​ടെ പ്ര​ഖ്യാ​പ​ന സ​മ്മേ​ള​നം റി​യാ​ദി​ൽ ന​ട​ന്നു. ജി​ദ്ദ ഇ​ന്ത്യ​ൻ കോ​ൺ​സു​ലേ​റ്റി​െൻറ സ​ഹ​ക​ര​ണ​ത്തോ​ടെ ജി​ദ്ദ സൂ​പ്പ​ര്‍ഡോ​മി​ല്‍ സെ​പ്​റ്റം​ബ​ർ 11 മു​ത​ല്‍ 13 വ​രെ​യാ​ണ്​ എ​ക്​​സ്​​പോ.

റി​യാ​ദി​ലെ ലേ ​മെ​റി​ഡി​യ​ൻ ഹോ​ട്ട​ലി​ൽ ന​ട​ന്ന പ​രി​പാ​ടി​യി​ൽ ഇ​ന്ത്യ​ൻ അം​ബാ​സ​ഡ​ർ ഡോ. ​സു​ഹേ​ൽ അ​ജാ​സ്​ ഖാ​ൻ മു​ഖ്യാ​തി​ഥി​യാ​യി​രു​ന്നു. ജി.​ജെ.​ഇ.​പി.​സി ചെ​യ​ര്‍മാ​ന്‍ കി​രി​ത് ഭ​ന്‍സാ​ലി, നാ​ഷ​ന​ല്‍ ഇ​വ​ൻ​റ്​​സ് ക​ണ്‍വീ​ന​ര്‍ നി​ര​വ് ഭ​ന്‍സാ​ലി, എ​ക്‌​സി​ക്യൂ​ട്ടി​വ് ഡ​യ​റ​ക്ട​ര്‍ സ​ബ്യ​സാ​ചി റാ​യ്, റി​യാ​ദ്​ ചേ​ംബർ സെ​ക്ക​ൻ​ഡ്​ വൈ​സ്​ ചെ​യ​ർ​മാ​ൻ അ​ജ്​​ലാ​ൻ സ​അ​ദ്​ അ​ൽ​അ​ജ്​​ലാ​ൻ, ഇ​ൻ​റ​ർ​നാ​ഷ​ന​ൽ റി​ലേ​ഷ​ൻ​സ്​ വി​ത്ത്​ ഏ​ഷ്യ​ൻ ക​ൺ​ട്രീ​സ്​ ഡ​യ​റ​ക്​​ട​ർ ഫാ​ലെ​ഹ്​ ജി. ​അ​ൽ മു​തൈ​രി, ഇ​ന്ത്യ​ൻ എം​ബ​സി ഇ​​ക്കണോ​മി​ക്​​സ്​ ആ​ൻ​ഡ്​ കോ​മേ​ഴ്​​സ്​ കോ​ൺ​സു​ല​ർ മ​നു​സ്​​മൃ​തി, ഇ​ന്ത്യ​യി​ലേ​യും സൗ​ദി​യി​ലേ​യും പ്ര​മു​ഖ ജ്വ​ല്ല​റി വ്യ​വ​സാ​യി​ക​ള്‍ തു​ട​ങ്ങി​യ​വ​ര്‍ പ​ങ്കെ​ടു​ത്തു.

ആ​ഗോ​ള ജ്വ​ല്ല​റി വ്യ​വ​സാ​യി​ക​ളെ ല​ക്ഷ്യ​മി​ട്ട് ഇ​ന്ത്യ-​സൗ​ദി ഉ​ഭ​യ​ക​ക്ഷി വ്യാ​പാ​ര ബ​ന്ധ​ത്തി​ല്‍ ‘സാ​ജ​ക്‌​സ് 2025’ഒ​​ട്ടേ​റെ പു​തി​യ അ​വ​സ​ര​ങ്ങ​ൾ തു​റ​ക്കു​മെ​ന്ന്​ ജി.​ജെ.​ഇ.​പി.​സി പ്ര​തി​നി​ധി​ക​ൾ പ​റ​ഞ്ഞു. സൗ​ദി​യി​ലെ​യും ഇ​ന്ത്യ​യി​ലെ​യും സ്വ​ര്‍ണ, ര​ത്‌​നാ​ഭ​ര​ണ വ്യ​വ​സാ​യ മേ​ഖ​ല​ക​ള്‍ കൈ​കോ​ര്‍ക്കു​ന്ന എ​ക്‌​സ്‌​പോ​യി​ല്‍ യു.​എ.​ഇ, തു​ര്‍ക്കി, ഹോ​ങ്കോ​ങ്, ലെ​ബ​ന​ന്‍ എ​ന്നീ രാ​ജ്യ​ങ്ങ​ളും പ​ങ്കാ​ളി​ക​ളാ​ണ്.

250 ലേ​റെ ബൂ​ത്തു​ക​ളാ​ണ് എ​ക്‌​സ്‌​പോ​യി​ല്‍ ഒ​രു​ക്കു​ന്ന​ത്. 200 ലേ​റെ ആ​ഭ​ര​ണ വ്യ​വ​സാ​യി​ക​ളും പ്ര​ദ​ര്‍ശ​ന​ത്തി​നു​ണ്ടാ​കും. ആ​ഭ​ര​ണ വ്യ​വ​സാ​യ രം​ഗ​ത്തെ പു​തി​യ സാ​ങ്കേ​തി​ക വി​ദ്യ​ക​ള്‍, ഇരുനൂറിലേ​റെ ആ​ഭ​ര​ണ വ്യ​വ​സാ​യി​ക​ൾ, വൈ​വി​ധ്യ​മാ​ര്‍ന്ന സ്വ​ര്‍ണാ​ഭ​ര​ണ​ങ്ങ​ളു​ടേ​യും ര​ത്‌​നാ​ഭ​ര​ണ​ങ്ങ​ളു​ടെ​യും പ്ര​ദ​ര്‍ശ​നം, ആ​ഗോ​ള ആ​ഭ​ര​ണ നി​ക്ഷേ​പ സ​മ്മേ​ള​നം തു​ട​ങ്ങി​യ​വ എ​ക്സ്പോ​യു​ടെ ഭാ​ഗ​മാ​കും.