ഡി​ജി​റ്റ​ൽ മേ​ഖ​ല​യി​ലെ സ​ഹ​ക​ര​ണ​ത്തി​ന്​ ഇ​ന്ത്യ​യും സൗ​ദി​യും

റി​യാ​ദ്​: ഡി​ജി​റ്റ​ൽ മേ​ഖ​ല​യി​ൽ ഇ​ന്ത്യ​യും സൗ​ദി അ​റേ​ബ്യ​യും സ​ഹ​ക​രി​ക്കും. ഇ​ന്ത്യ​ൻ ടെ​ലി​കോം റെ​ഗു​ലേ​റ്റ​റി അ​തോ​റി​റ്റി (ടി.​ആ​ർ.​എ)​യും​ സൗ​ദി ക​മ്യൂ​ണി​ക്കേ​ഷ​ൻ ആ​ൻ​ഡ്​ സ്​​പേ​സ്​ ടെ​ക്​​നോ​ള​ജി ക​മീ​ഷ​നും ഇ​ത്​ സം​ബ​ന്ധി​ച്ച ധാ​ര​ണ​പ​ത്ര​ത്തി​ൽ ഒ​പ്പു​വെ​ച്ചു. ടെ​ലി​കോം റെ​ഗു​ലേ​റ്റ​റി, ഡി​ജി​റ്റ​ൽ മേ​ഖ​ല​ക​ളി​ലെ സ​ഹ​ക​ര​ണ​ത്തി​നാ​ണി​ത്. ക​മീ​ഷ​നെ പ്ര​തി​നി​ധീ​ക​രി​ച്ച്​ ഗ​വ​ർ​ണ​ർ ഡോ. ​മു​ഹ​മ്മ​ദ് ബി​ൻ സ​ഊ​ദ് അ​ൽ​ത​മീ​മി​യും ടി.​ആ​ർ.​എ​യെ പ്ര​തി​നി​ധീ​ക​രി​ച്ച്​ ചെ​യ​ർ​മാ​ൻ അ​നി​ൽ കു​മാ​ർ ല​ഹോ​ട്ടി​യു​മാ​ണ്​ ക​രാ​റി​ൽ ഒ​പ്പു​വെ​ച്ച​ത്.

ഇ​ന്ത്യ​യു​ടെ ക​മ്യൂ​ണി​ക്കേ​ഷ​ൻ​സ് സ​ഹ​മ​ന്ത്രി ഡോ. ​ച​ന്ദ്ര​ശേ​ഖ​ർ ഭീ​മ​സാ​നി​യു​ടെ സാ​ന്നി​ധ്യ​ത്തി​ൽ ന്യൂ​ഡ​ൽ​ഹി​യി​ൽ ന​ട​ന്ന വേ​ൾ​ഡ് ടെ​ലി​ക​മ്യൂ​ണി​ക്കേ​ഷ​ൻ സ്​​റ്റാ​ൻ​ഡേ​ർ​ഡൈ​സേ​ഷ​ൻ അ​സം​ബ്ലി​യു​ടെ (ഡ​ബ്ല്യു.​ടി.​എ​സ്.​എ) പ്ര​വ​ർ​ത്ത​ന​ത്തോ​ട​നു​ബ​ന്ധി​ച്ചാ​ണ് ക​രാ​ർ ഒ​പ്പി​ട്ട​ത്​. ഇ​ൻ​ഫ്രാ​സ്ട്ര​ക്ച​ർ, ഡി​ജി​റ്റ​ൽ മേ​ഖ​ല​ക​ളി​ൽ സം​യു​ക്ത പ​ഠ​ന​ങ്ങ​ൾ ന​ട​ത്തും. ഇ​ത​ട​ക്കം നി​ര​വ​ധി മേ​ഖ​ല​ക​ളി​ൽ ഇ​രു ക​ക്ഷി​ക​ളും ത​മ്മി​ലു​ള്ള സ​ഹ​ക​ര​ണം വ​ർ​ധി​പ്പി​ക്കും.

ക​മ്യൂ​ണി​ക്കേ​ഷ​ൻ​സ് ആ​ൻ​ഡ് ടെ​ക്നോ​ള​ജി മേ​ഖ​ല​യി​ലെ വി​വ​ര​ങ്ങ​ളും അ​റി​വും കൈ​മാ​റു​ന്ന​തി​നും ഡി​ജി​റ്റ​ൽ റെ​ഗു​ലേ​ഷ​ൻ അ​ക്കാ​ദ​മി ഒ​രു​ക്കു​ന്ന പ​രി​ശീ​ല​ന പ​രി​പാ​ടി​ക​ളു​ടെ പ്ര​യോ​ജ​നം ആ​ർ​ജി​ക്കു​ന്ന​തി​നും ഈ ​ധാ​ര​ണപ​ത്രം വ​ഴി തു​റ​ക്കും. കൂ​ടാ​തെ ഇ​രു​രാ​ജ്യ​ങ്ങ​ളും ത​മ്മി​ലു​ള്ള ത​ന്ത്ര​പ​ര​മാ​യ പ​ങ്കാ​ളി​ത്തം ശ​ക്തി​പ്പെ​ടു​ത്തു​ന്ന​ത് തു​ട​രു​ക, ആ​ശ​യ​വി​നി​മ​യം, ബ​ഹി​രാ​കാ​ശം, സാ​ങ്കേ​തി​ക​വി​ദ്യ എ​ന്നീ മേ​ഖ​ല​ക​ളി​ൽ പൊ​തു​വാ​യ താ​ൽ​പ​ര്യ​ങ്ങ​ൾ നി​റ​വേ​റ്റു​ന്ന വി​ധ​ത്തി​ൽ ബ​ന്ധ​ങ്ങ​ൾ വി​ക​സി​പ്പി​ക്കു​ക, ഇ​രു രാ​ജ്യ​ങ്ങ​ൾ ത​മ്മി​ലു​ള്ള ബ​ന്ധ​ത്തി​​ന്‍റെ വി​ക​സ​ന​ത്തി​ന് ആ​ക്കം​കൂ​ട്ടു​ന്ന മി​ക​ച്ച അ​വ​സ​ര​ങ്ങ​ൾ വ​ർ​ധി​പ്പി​ക്കു​ക എ​ന്നി​വ​യും ക​രാ​റി​ലൂ​ടെ ല​ക്ഷ്യ​മി​ടു​ന്നു.